ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > Heavy Rains Saudi Arabia: ಸೌದಿ ಅರೇಬಿಯಾದಲ್ಲಿ ಧಾರಾಕಾರ ಮಳೆ

Heavy Rains Saudi Arabia: ಸೌದಿ ಅರೇಬಿಯಾದಲ್ಲಿ ಧಾರಾಕಾರ ಮಳೆ

ಜೆದ್ದಾ, ಮಕ್ಕಾ ಮತ್ತು ಮದೀನಾದಲ್ಲಿ ಪ್ರವಾಹ ಪರಿಸ್ಥಿತಿ !

ರಿಯಾದ (ಸೌದಿ ಅರೇಬಿಯಾ) – ಜೆದ್ದಾ, ಮಕ್ಕಾ ಮತ್ತು ಮದೀನಾ ಈ ನಗರಗಳಲ್ಲಿ ಜನವರಿ 6 ರಂದು ಧಾರಾಕಾರ ಮಳೆ ಮತ್ತು ಆಲಿಕಲ್ಲುಗಳು ಬಿದ್ದವು. ಮಳೆಯಿಂದಾಗಿ ಹಲವು ಪ್ರದೇಶಗಳಲ್ಲಿ ಪ್ರವಾಹ ಪರಿಸ್ಥಿತಿ ಉಂಟಾಗಿದ್ದು, ರಸ್ತೆಗಳನ್ನು ಮುಚ್ಚಬೇಕಾಯಿತು. ಇದರಿಂದಾಗಿ ಹೆಚ್ಚಿನ ಸಂಖ್ಯೆಯ ನಾಗರಿಕರು ಸಮಸ್ಯೆ ಎದುರಿಸಬೇಕಾಯಿತು. ಸೌದಿ ಅರೇಬಿಯಾದ ಹಲವು ಭಾಗಗಳಲ್ಲಿ ಸಾಧಾರಣದಿಂದ ಧಾರಾಕಾರ ಮಳೆಯಾಗುವ ಸಾಧ್ಯತೆಯಿದೆ.

ಬದ್ರ ಪ್ರಾಂತ್ಯದ ಅಲ್-ಶಫಿಯಾಹದಲ್ಲಿ ಅತಿ ಹೆಚ್ಚು 49.2 ಮಿ.ಮೀ, ನಂತರ ಜೆದ್ದಾದ ಅಲ್-ಬಸಾತೀನ್‌ನಲ್ಲಿ 38 ಮಿ.ಮೀ. ಮಳೆ ದಾಖಲಾಗಿದೆ. ಹೆಚ್ಚುವರಿ ಮಳೆಯ ಮಾಪನಗಳು ಮದೀನಾದ ಪ್ರವಾದಿ ಮಸೀದಿಯ ಮಧ್ಯವರ್ತಿ ಹರಮ್ ಪ್ರದೇಶದಲ್ಲಿ 36.1 ಮಿ.ಮೀ. ಮಳೆಯಾಗಿದ್ದು, ಕುಬಾ ಮಸೀದಿ ಬಳಿ 28.4 ಮಿ.ಮೀ.  ಮಳೆಯಾಯಿತು. ಮಳೆಯಿಂದಾಗಿ ವಿಮಾನ ನಿಲ್ದಾಣದಲ್ಲಿ ಹೊಸ ವೇಳಾಪಟ್ಟಿಯನ್ನು ಮಾಡಲಾಗಿದೆ.

ಸಂಬಂಧಿತ ಲೇಖನಗಳು