ವಿಜಯಪುರದ ರೈತರ ಜಮೀನಿನ ಬಳಿಕ ಈಗ ಹಿಂದೂ ಮಠಗಳ ಜಮೀನುಗಳೂ ‘ವಕ್ಫ್’ ಆಸ್ತಿ !

ವಿಜಯಪುರ – ಸಿಂದಗಿಯ ವಿರಕ್ತ ಮಠದ ಆಸ್ತಿ ಇದೀಗ ವಕ್ಫ್ ಆಸ್ತಿಯಾಗಿ ಮಾರ್ಪಟ್ಟಿದೆ. ‘ಸರ್ವೆ ನಂ. 1020’ರಲ್ಲಿರುವ ಆಸ್ತಿಯನ್ನು ‘ವಕ್ಫ್ ಬೋರ್ಡ’ ಸ್ಮಶಾನ ಎಂದು ನೋಂದಾಯಿಸಿದೆ. ಸಿದ್ದಲಿಂಗ ಸ್ವಾಮೀಜಿ ಈ ಮಠದ ಪೀಠಾಧಿಪತಿ ಆಗಿದ್ದಾಗ ಸರ್ವೆ ಸಂಖ್ಯೆ 11 ಖಾಲಿಯಾಗಿತ್ತು. 2018-19ನೇ ಸಾಲಿನಲ್ಲಿ ಈ ಖಾಲಿ ಕ್ಷೇತ್ರವನ್ನು ‘ವಕ್ಫ್ ಬೋರ್ಡ್’ ಎಂದು ಸೇರಿಸಲಾಗಿದೆ.

13 ನೇ ಶತಮಾನದಲ್ಲಿ ಸ್ಥಾಪಿತವಾದ ಮಠವು ಹೇಗೆ ಸ್ಮಶಾನವಾಯಿತು? 1.28 ಎಕರೆ ಆಸ್ತಿಯನ್ನು ವಕ್ಫ್ ಬೋರ್ಡ್‌ಗೆ ಸೇರಿಸಿರುವುದು ಮಠದ ಭಕ್ತರ ಆಕ್ರೋಶಕ್ಕೆ ಕಾರಣವಾಗಿದೆ. ಸಿಂದಗಿ ತಾಲೂಕಿನ ಹಲವು ಹಿಂದೂ ಮಠಗಳ ಆಸ್ತಿಗಳು ವಕ್ಫ್ ಮಂಡಳಿಗೆ ಸೇರ್ಪಡೆಯಾಗಿರುವ ಬಗ್ಗೆ ಭಕ್ತರು ಅನುಮಾನ ವ್ಯಕ್ತಪಡಿಸಿದ್ದಾರೆ. ಇದೀಗ ವಕ್ಫ್ ಬೋರ್ಡ್ ಸೇರ್ಪಡೆ ಬಗ್ಗೆ ಮಾಹಿತಿ ಪಡೆದ ಭಕ್ತರು ಸಂಘಟಿತರಾಗಿ ಪ್ರತಿಭಟನೆ ನಡೆಸುತ್ತಿದ್ದಾರೆ.