ವಾಯುಪಡೆಯ ಅಧಿಕಾರಿಯಿಂದ ಅತ್ಯಾಚಾರ; ಮಹಿಳಾ ಅಧಿಕಾರಿಯಿಂದ ದುರು ದಾಖಲು

ಶ್ರೀನಗರ (ಜಮ್ಮು- ಕಾಶ್ಮೀರ) – ಭಾರತೀಯ ವಾಯುಪಡೆಯಲ್ಲಿನ ಓರ್ವ ಮಹಿಳಾ ಫ್ಲೈಯಿಂಗ್ ಅಧಿಕಾರಿಯ ದೂರಿನ ಮೇರೆಗೆ ಇಲ್ಲಿನ ಪೊಲೀಸರು ವಾಯುಪಡೆಯ ಶ್ರೀನಗರ ನೆಲೆಯ ವಿಂಗ್ ಕಮಾಂಡರ್ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ಮಹಿಳಾ ಅಧಿಕಾರಿಯೊಬ್ಬರು ಶ್ರೀನಗರದ ವಾಯುಪಡೆಯ ಪ್ರಧಾನ ಕಚೇರಿಯಲ್ಲಿ ವಿಂಗ್ ಕಮಾಂಡರ್‌ನಿಂದ ಅತ್ಯಾಚಾರ ಮತ್ತು ಲೈಂಗಿಕ ಕಿರುಕುಳಕ್ಕೆ ಒಳಗಾಗಿದ್ದೇನೆಂದು ದೂರು ದಾಖಲಿಸಿದ್ದರು. ಈ ಪ್ರಕರಣವನ್ನು ವಾಯುಪಡೆಯು ತನಿಖೆ ನಡೆಸುವಂತೆ ಆದೇಶಿಸಿದೆ.

ಹೊಸ ವರ್ಷದ ನಿಮಿತ್ತ ಪಾರ್ಟಿಯ ವೇಳೆ ಕಿರುಕುಳ

‘ಡಿಸೆಂಬರ್ 31, 2023 ರಂದು, ವಾಯುಪಡೆಯ ಶ್ರೀನಗರ ನೆಲೆಯಲ್ಲಿ ಹೊಸ ವರ್ಷಾಚರಣೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿತ್ತು. ಆಗ ವಿಂಗ್ ಕಮಾಂಡರ್ ನನ್ನನ್ನು ತನ್ನ ಕೋಣೆಗೆ ಕರೆದು ನನ್ನ ಮೇಲೆ ಅತ್ಯಾಚಾರ ಮಾಡಿ ಮಾನಸಿಕ ಹಿಂಸೆ ನೀಡಿದರು ಎಂದು ಮಹಿಳಾ ಅಧಿಕಾರಿ ಆರೋಪಿಸಿದ್ದಾರೆ. ಭಾರತೀಯ ನ್ಯಾಯ (ದಂಡ)ಸಂಹಿತೆಯ ಕಲಂ (ಸೆಕ್ಷನ್) 376 (2) ಅಡಿಯಲ್ಲಿ ಆ ವಿಂಗ್ ಕಮಾಂಡರ್ ವಿರುದ್ಧ ಬಡ್ಗಾಮ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಹಿರಿಯ ಪದವಿಯಲ್ಲಿರುವ ಅಧಿಕಾರಿಗಳಿಗಾಗಿ ಈ ಕಲಂ ಬಳಸಾಲಾಗುತ್ತದೆ.