Railway Tracks Rods: ಮಧ್ಯಪ್ರದೇಶ : ರೈಲ್ವೆ ಹಳಿಗಳ ಮೇಲೆ ಕಬ್ಬಿಣದ ಸರಳುಗಳು ಪತ್ತೆ !

ದೊಡ್ಡ ಅಪಘಾತ ತಪ್ಪಿತು; ರಕ್ತಪಾತದ ಸಾಧ್ಯತೆ

ಜಬಲ್‌ಪುರ (ಮಧ್ಯಪ್ರದೇಶ) – ಜಬಲ್‌ಪುರ-ನಾಗಪುರ ಮಾರ್ಗದ ಕಚ್‌ಪುರ ರೈಲು ನಿಲ್ದಾಣದ ಬಳಿ ಹಳಿ ಮೇಲೆ 15 ಅಡಿ ಉದ್ದದ ಮೂರು ಕಬ್ಬಿಣದ ಸರಳುಗಳು ಪತ್ತೆಯಾಗಿವೆ. ಲೋಕೋ ಪೈಲಟ್ ಮುಂಜಾಗ್ರತೆಯಿಂದ ದೊಡ್ಡ ಅನಾಹುತ ತಪ್ಪಿತು. ಈ ಮಾರ್ಗದ ಮೂಲಕ ಹಾದು ಹೋಗುತ್ತಿದ್ದ ರೈಲಿನ ವೇಗ ಕಡಿಮೆ ಇದ್ದ ಕಾರಣ ಹಳಿ ಮೇಲಿರುವ ಸರಳುಗಳನ್ನು ನೋಡಿ ರೈಲನ್ನು ಕೂಡಲೇ ನಿಲ್ಲಿಸಲಾಗಿತ್ತು. ಈ ಹಳಿಗಳ ಮೇಲೆ ರೈಲು ಹಾದು ಹೋಗಿದ್ದರೆ ಬೋಗಿಗಳು ಹಳಿ ತಪ್ಪಿ ಪ್ರಾಣಹಾನಿ ಸಂಭವಿಸುವ ಸಾಧ್ಯತೆ ಇತ್ತು. ಕೆಲ ದಿನಗಳ ಹಿಂದೆ ಕಾನ್ಪುರದಲ್ಲಿ ಸಾಬರಮತಿ ಎಕ್ಸ್‌ಪ್ರೆಸ್‌ ಹಳಿ ತಪ್ಪಿತ್ತು. ಹಳಿಗಳ ಮೇಲೆ ಯಾವುದೋ ವಸ್ತು ಇರಿಸಲಾಗಿತ್ತು ಎಂದು ಲೋಕೋ ಪೈಲಟ್ (ಚಾಲಕ) ಈ ಹಿಂದೆ ವರದಿ ಮಾಡಿದ್ದರು. ಇದರಿಂದ ರೈಲ್ವೆ ಅಪಘಾತಗಳ ಹಿಂದೆ ದೊಡ್ಡ ಷಡ್ಯಂತ್ರ ಅಡಗಿದೆ ಎಂದು ಹೇಳಲಾಗುತ್ತಿದೆ.