ದಾಖಲೆ ಸಾಧಿಸಿದ ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ !

7 ವರ್ಷಗಳಲ್ಲಿ 67 ಸಾವಿರ ಎಕರೆ ಅತಿಕ್ರಮಿತ ಸರಕಾರಿ ಭೂಮಿ ಮುಕ್ತ !

ಲಕ್ಷ್ಮಣಪುರಿ (ಉತ್ತರ ಪ್ರದೇಶ) – ಉತ್ತರ ಪ್ರದೇಶದಲ್ಲಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರು ಕಳೆದ 7 ವರ್ಷಗಳಲ್ಲಿ 67 ಸಾವಿರ ಎಕರೆ ಸರಕಾರಿ ಭೂಮಿಯನ್ನು ಅತಿಕ್ರಮಣ ಮುಕ್ತ ಅಭಿಯಾನ ನಡೆಸಿ ಮುಕ್ತಗೊಳಿಸಿದ್ದಾರೆ. ಅಲ್ಲದೇ ಅಲ್ಲಿ ನಡೆಯುತ್ತಿದ್ದ ಅಕ್ರಮಗಳನ್ನು ಕೂಡ ತಡೆಯಲಾಗಿದೆ. ಮುಕ್ತಗೊಳಿಸಿದ ಭೂಮಿಯಲ್ಲಿ ಬಡವರಿಗಾಗಿ ಮನೆಗಳನ್ನು ನಿರ್ಮಿಸಲಾಗುತ್ತಿದೆ. ಅಲ್ಲದೇ ಕ್ರೀಡಾಂಗಣವನ್ನೂ ಸಹ ನಿರ್ಮಿಸಲಾಗಿದೆ. ಹೀಗಿದ್ದರೂ ಸಾವಿರಾರು ಎಕರೆ ಭೂಮಿ ಅತಿಕ್ರಮಣವಾಗಿದ್ದು ಅವುಗಳನ್ನು ಮುಕ್ತಗೊಳಿಸಲು ಸರಕಾರ ಕಾನೂನು ರೂಪಿಸಲು ಪ್ರಯತ್ನಿಸುತ್ತಿದೆ.

UP Encroachment Removed: 67,000 acres of encroached Government land freed in the last 7 years – UP CM Yogi Adityanath’s feat

If such extensive encroachment exists in Uttar Pradesh, how much more is there nationwide?

If Yogi Adityanath can achieve this, why can’t other… pic.twitter.com/VHn4aXKtpY

— Sanatan Prabhat (@SanatanPrabhat) August 11, 2024

1. ಮುಖ್ತಾರ್ ಅನ್ಸಾರಿ ಎಂಬ ಕುಖ್ಯಾತ ರೌಡಿ ಅತಿಕ್ರಮಣ ಮಾಡಿಕೊಂಡಿದ್ದ ಭೂಮಿಯನ್ನು ಮುಕ್ತಗೊಳಿಸಿ ಅಲ್ಲಿ ಬಡವರಿಗಾಗಿ ಮನೆಗಳನ್ನು ನಿರ್ಮಿಸಲಾಗುತ್ತಿದೆ.

2. ‘ಲಖನೌ ಅಭಿವೃದ್ಧಿ ಪ್ರಾಧಿಕಾರ ಪ್ರಧಾನ ಮಂತ್ರಿ ಆವಾಸ್ ಯೋಜನೆ’ ಅಡಿಯಲ್ಲಿ 300 ಚದರ ಅಡಿಯ 76 ಫ್ಲಾಟ್‌ಗಳನ್ನು ನಿರ್ಮಿಸಲಾಗುತ್ತಿದೆ. ಅವುಗಳನ್ನು ಲಾಟರಿ ಮೂಲಕ ಬಡವರಿಗೆ ನೀಡಲಾಗುವುದು. ಪ್ರತಿ ಫ್ಲಾಟ್‌ನ ಮೌಲ್ಯ ಏಳೂವರೆ ಲಕ್ಷ ರೂಪಾಯಿ ಆಗಲಿದೆ. ಅದಕ್ಕಾಗಿ ಸರಕಾರ ಎರಡೂವರೆ ಲಕ್ಷ ರೂಪಾಯಿ ಸಹಾಯಧನವನ್ನೂ ಸಹ ನೀಡಲಿದೆ.

3. ಪ್ರಯಾಗ್‌ರಾಜ್‌ನಲ್ಲಿನ ರೌಡಿ ಅತೀಕ್ ಅಹ್ಮದ್ ನಿಂದ ಮುಕ್ತಗೊಳಿಸಲಾದ ಭೂಮಿಯಲ್ಲಿ ಇದೀಗ ಕ್ರೀಡಾಂಗಣವನ್ನು ನಿರ್ಮಿಸಲಾಗಿದೆ.