ಇನ್ನು ಮುಂದೆ ಮಾಂಸ ಮಾರುವ ಅಂಗಡಿಯ ಮುಂದೆ `ಹಲಾಲ್ ಅಥವಾ ಝಟಕಾ’ ಎಂದು ಬರೆಯಲೇ ಬೇಕು ! – ಜೈಪುರ ಮಹಾನಗರಪಾಲಿಕೆ

ಜೈಪುರ ಮಹಾನಗರಪಾಲಿಕೆಯ ನಿರ್ಣಯ

ಜೈಪುರ (ರಾಜಸ್ಥಾನ) – ಮಾಂಸ ಮಾರಾಟ ಮಾಡುವ ಅಂಗಡಿಗಳಲ್ಲಿ `ಹಲಾಲ್ ಅಥವಾ ಝಟಕಾ ಮಾಂಸ’ ಎಂದು ಅಂಗಡಿಯ ಮೇಲೆ ಬರೆಯುವುದು ಕಡ್ಡಾಯಗೊಳಿಸಲಾಗಿದೆ. ಜೈಪುರ ಮಹಾನಗರಪಾಲಿಕೆಯು ಮಾಂಸ ಮಾರಾಟ ಮಾಡುವ ಎಲ್ಲಾ ಅಂಗಡಿಕಾರರಿಗೆ ಈ ಬಗ್ಗೆ ಆದೇಶ ನೀಡಲಾಗಿದ್ದು, ಶೀಘ್ರದಲ್ಲಿ ಅದನ್ನು ಜಾರಿಗೊಳಿಸಲಾಗುವುದು ಎಂದು ಜೈಪುರ ಮಹಾಪೌರರಾದ(ಮೇಯರ್) ಡಾ. ಸೌಮ್ಯ ಗುರ್ಜರ ಅವರು ತಿಳಿಸಿದ್ದಾರೆ. ನಗರದಲ್ಲಿ ಮಾಂಸ ಮಾರಾಟದ ಅಂಗಡಿ ತೆರೆಯುವ ಮುನ್ನ ಮಹಾನಗರಪಾಲಿಕೆಯಿಂದ ಪರವಾನಗಿ ಪಡೆಯಬೇಕಾಗಿದ್ದು, ಅಂತಹ ಅಂಗಡಿಕಾರರಿಗೆ ವಾಣಿಜ್ಯ ಸ್ಥಳದಲ್ಲಿಯೇ ಮಾಂಸದ ಅಂಗಡಿಗಳನ್ನು ತೆರೆಯಲು ಅನುಮತಿ ನೀಡಲಾಗುವುದು.

ಡಾ.ಗುರ್ಜರ್ ಮುಂದೆ ಮಾತನಾಡಿ, ”ಜನತೆಯ ಭಾವನೆಗಳನ್ನು ಗಮನದಲ್ಲಿಟ್ಟುಕೊಂಡು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಜೈಪುರದಲ್ಲಿ 150 ವಿಭಾಗಗಳಿವೆ. ಅಲ್ಲಿನ ಜನರು ಅನೇಕ ಬಾರಿ ನನ್ನ ಬಳಿ ಈ ಬಗ್ಗೆ ದೂರುಗಳನ್ನು ನೀಡಿದ್ದಾರೆ. ಮಾಂಸದ ಅಂಗಡಿಯ ಬಳಿ ಕಸವನ್ನು ಎಸೆಯುತ್ತಿರುವುದರಿಂದ ನಾಗರಿಕರಿಗೆ ತುಂಬಾ ತೊಂದರೆಯಾಗುತ್ತಿದೆಯೆಂದೂ ದೂರುಗಳು ಬಂದಿವೆ. ಈ ಸಂದರ್ಭದಲ್ಲಿ ಇತ್ತೀಚೆಗೆ ನಡೆದ ನಮ್ಮ ಕಾರ್ಯಕಾರಿಣಿ ಸಭೆಯಲ್ಲಿ `ಮಾಂಸ ಮಾರಾಟ ಮಾಡುವ ಅಂಗಡಿಗಳು ವಸತಿ ಪ್ರದೇಶದಿಂದ ಹೊರಗಿರಬೇಕು’ ಎಂದು ನಿರ್ಣಯವನ್ನು ತೆಗೆದುಕೊಳ್ಳಲಾಗಿದೆ. ನಾನು ಸ್ವತಃ ಶಾಖಾಹಾರಿಯಾಗಿದ್ದೇನೆ, ದುರ್ಗಂಧವನ್ನು ಸಹಿಸಲು ಸಾಧ್ಯವಾಗುವುದಿಲ್ಲ. ನನಗಾಗುವಂತಹ ಸಮಸ್ಯೆ ಇತರ ಅನೇಕ ನಾಗರಿಕರಿಗೂ ಆಗುತ್ತಿರಬಹುದು’ ಎಂದವರು ಹೇಳಿದರು.