Minor Gang Rape: ದೆಹಲಿ : 10 ವರ್ಷದ ಬಾಲಕಿಯ ಸಾಮೂಹಿಕ ಅತ್ಯಾಚಾರ, ಹತ್ಯೆ

ಇಬ್ಬರು ಆರೋಪಿಗಳ ಬಂಧನ

ನವದೆಹಲಿ – ರಾಜಧಾನಿಯ ನರೇಲಾ ಪ್ರದೇಶದಲ್ಲಿ 10 ವರ್ಷದ ಬಾಲಕಿಯೊಬ್ಬಳನ್ನು ಅಪಹರಿಸಿ, ಸಾಮೂಹಿಕ ಅತ್ಯಾಚಾರ ನಡೆಸಿ ಬಳಿಕ ಆಕೆಯ ಕೊಲೆ ಮಾಡಲಾಗಿದೆ. ಈ ಹುಡುಗಿ ಹಿಂದಿನ ರಾತ್ರಿ ಕಾಣೆಯಾಗಿದ್ದಳೆಂದು ವರದಿಯಾಗಿತ್ತು. ಹುಡುಕಾಟದ ವೇಳೆ ತಡರಾತ್ರಿ ಒಂದು ಬಯಲಿನಲ್ಲಿ ಅವಳ ಮೃತದೇಹ ಪತ್ತೆಯಾಗಿದೆ. ಬಾಲಕಿಯ ತಲೆ ಜಜ್ಜಿ ಕೊಲೆ ಮಾಡಲಾಗಿದೆ. ಬಾಲಕಿಯ ಪಕ್ಕದ ಮನೆಯವನಾದ ರಾಹುಲ್ ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ. ರಾಹುಲ್ ಹಾಗೂ ಆತನ ಸ್ನೇಹಿತ ದೇವದತ್ತ ಇಬ್ಬರು ಸೇರಿ ಬಾಲಕಿಯ ಮೇಲೆ ಸಾಮೂಹಿಕ ಅತ್ಯಾಚಾರ ಮಾಡಿ ಅವಳನ್ನು ಸಾಯಿಸಿದ್ದಾರೆ. ಪೊಲೀಸರು ದೇವದತ್ತನನ್ನೂ ಸಹ ಬಂಧಿಸಿದ್ದಾರೆ.