ಪಾಕಿಸ್ತಾನದ ಜೈಲಿನಲ್ಲಿರುವ ಇಬ್ಬರು ಭಾರತೀಯರ ಭೇಟಿ ಮಾಡಿದ ಭಾರತೀಯ ಹೈ ಕಮೀಷನರ್ ಅಧಿಕಾರಿ !

ಇಸ್ಲಾಮಾಬಾದ್ – ಬೇಹುಗಾರಿಕೆ ಆರೋಪದಡಿ ಪಾಕಿಸ್ತಾನದ ಅದಿಯಾಲಾ ಜೈಲಿನಲ್ಲಿರುವ ಇಬ್ಬರು ಭಾರತೀಯ ಯುವಕರನ್ನು ಭಾರತೀಯ ಹೈ ಕಮೀಷನರ್ ಮತ್ತು ಭಾರತೀಯ ಗೃಹ ಸಚಿವಾಲಯದ ಅಧಿಕಾರಿಗಳು ಭೇಟಿ ಮಾಡಿದ್ದಾರೆ. ಈ ಯುವಕರನ್ನು 2020 ರಲ್ಲಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರದ ಗಿಲ್ಗಿಟ್-ಬಾಲ್ಟಿಸ್ತಾನ್ ಪ್ರದೇಶದಿಂದ ಬೇಹುಗಾರಿಕೆ ಆರೋಪದ ಮೇಲೆ ಬಂಧಿಸಲಾಗಿತ್ತು. 29 ವರ್ಷದ ಫಿರೋಜ್ ಅಹ್ಮದ್ ಲೋನ್ ಮತ್ತು 24 ವರ್ಷದ ನೋಹ ಅಹ್ಮದ್ ವಾನಿ ಎಂದು ಈ ಯುವಕರ ಹೆಸರಿದ್ದು ಅವರು ಜಮ್ಮು ಮತ್ತು ಕಾಶ್ಮೀರದ ನಿವಾಸಿಗಳು. ಈ ಇಬ್ಬರು ಯುವಕರು 2018 ರಲ್ಲಿ ಜಮ್ಮು ಮತ್ತು ಕಾಶ್ಮೀರದಿಂದ ನಾಪತ್ತೆಯಾಗಿದ್ದರು. ಇಬ್ಬರೂ ಯುವಕರು ಆಕಸ್ಮಿಕವಾಗಿ ಗಡಿ ದಾಟಿದ್ದಾರೆಂದು ತಿಳಿದು ಬಂದಿದೆ; ಆದರೆ ಪಾಕಿಸ್ತಾನದ ಪೊಲೀಸರು ಇಬ್ಬರನ್ನೂ ಬೇಹುಗಾರಿಕೆ ಆರೋಪ ಮಾಡಿ ಬಂಧಿಸಿಟ್ಟಿದ್ದಾರೆ.