ಅಂದಿನ ಶಿಕ್ಷಣಾಧಿಕಾರಿಯಿಂದ ೨೫೯ ನಕಲಿ ಆದೇಶಗಳನ್ನು ಹೊರಡಿಸಿ ಕೋಟ್ಯಂತರ ರೂಪಾಯಿ ಭ್ರಷ್ಟಾಚಾರ

ನಾಸಿಕ್ – ಜಿಲ್ಲಾ ಪರಿಷತ್ತಿನ ಶಿಕ್ಷಣ ಇಲಾಖೆಯಲ್ಲಿ ನಡೆದ ೧೬೦ ಕೋಟಿ ರೂಪಾಯಿಗಳ ‘ಶಾಲಾರ್ಥ ಐಡಿ’ ಹಗರಣವನ್ನು ವಿಶೇಷ ತನಿಖಾ ತಂಡ (SIT) ಬಯಲಿಗೆಳೆದಿದೆ. ಅಂದಿನ ಶಿಕ್ಷಣಾಧಿಕಾರಿ ಶಶಿಕಾಂತ್ ಹಿಂಗೋಣೇಕರ್ ತಮ್ಮ ಅಧಿಕಾರವನ್ನು ದುರುಪಯೋಗಪಡಿಸಿಕೊಂಡು ೨೫೯ ಶಿಕ್ಷಕರು ಮತ್ತು ಶಿಕ್ಷಕೇತರ ಸಿಬ್ಬಂದಿಗೆ ಯಾವುದೇ ಸರಕಾರಿ ಪ್ರಕ್ರಿಯೆಯನ್ನು ಅನುಸರಿಸದೆ, ನಕಲಿ ದಾಖಲೆಗಳ ಆಧಾರದ ಮೇಲೆ ಅವರ ಉದ್ಯೋಗಗಳಿಗೆ ಅನುಮೋದನೆ ನೀಡಿದ್ದಾರೆ ಎಂಬುದು ಬಹಿರಂಗವಾಗಿದೆ. ಹಗರಣದ ಒಟ್ಟು ೮೪೧ ನಕಲಿ ಆದೇಶಗಳಲ್ಲಿ ಹೆಚ್ಚಿನ ಆದೇಶಗಳನ್ನು ಹಿಂಗೋಣೇಕರ್ ಅವರ ಅಧಿಕಾರಾವಧಿಯಲ್ಲೇ ನೀಡಲಾಗಿದ್ದು, ಈ ಪ್ರಕರಣದಲ್ಲಿ ಈಗ ‘ಸಂಘಟಿತ ಅಪರಾಧ’ (ಮಕೋಕಾ ಮಾದರಿಯ) ಕಾಯ್ದೆಯಡಿ ಪ್ರಕರಣವನ್ನು ಕಠಿಣಗೊಳಿಸಲಾಗಿದೆ.

೧. ಆಗಸ್ಟ್ ೨೮, ೨೦೧೧ ರಿಂದ ಜೂನ್ ೨೦೨೫ ರ ಅವಧಿಯಲ್ಲಿ ಜಳಗಾಂವ್ ಜಿಲ್ಲೆಯ ವಿವಿಧ ಶಾಲೆಗಳ ೨೫೯ ಶಿಕ್ಷಕರು ಮತ್ತು ಸಿಬ್ಬಂದಿಗೆ ನೀಡಲಾದ ಶಾಲಾರ್ಥ ಆದೇಶಗಳು ನಕಲಿ ಎಂದು ಸಾಬೀತಾಗಿದೆ.

೨. ನಕಲಿ ಶಾಲಾರ್ಥ ಐಡಿಗಳನ್ನು ಸೃಷ್ಟಿಸಿ ಸಂಬಂಧಪಟ್ಟ ಸಿಬ್ಬಂದಿಯ ನಿಯಮಿತ ವೇತನ ಮತ್ತು ಭಾರಿ ಪ್ರಮಾಣದ ಬಾಕಿ ಹಣವನ್ನು ಕಬಳಿಸಲಾಗಿದೆ.

೩. ಜಳಗಾಂವ್‌ನ ೩೬೮ ಸಿಬ್ಬಂದಿಯ ಪೈಕಿ ೧೧೬ ಜನರ ದಾಖಲೆಗಳನ್ನು ಶಾಲಾರ್ಥ ವ್ಯವಸ್ಥೆಯಲ್ಲಿ (System) ಅಪ್‌ಲೋಡ್ ಮಾಡೇ ಇರಲಿಲ್ಲ.

೪. ಈ ಭ್ರಷ್ಟಾಚಾರದಲ್ಲಿ ಕೇವಲ ಶಿಕ್ಷಣಾಧಿಕಾರಿ ಮಾತ್ರವಲ್ಲದೆ, ಶಿಕ್ಷಣ ಉಪನಿರ್ದೇಶಕರ ಕಚೇರಿಯ ಅಧಿಕಾರಿಗಳು-ಸಿಬ್ಬಂದಿ, ಶಿಕ್ಷಣ ಸಂಸ್ಥೆಯ ಸಂಚಾಲಕರು, ಮುಖ್ಯೋಪಾಧ್ಯಾಯರು, ಮಧ್ಯವರ್ತಿಗಳು (ದಲ್ಲಾಳಿಗಳು) ಮತ್ತು ಪ್ರಭಾವಿ ರಾಜಕೀಯ ನಾಯಕರ ಪಾತ್ರವೂ ಇರುವುದು ತನಿಖೆಯಲ್ಲಿ ತಿಳಿದುಬಂದಿದೆ.