ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತರರಾಷ್ಟ್ರೀಯ > Britain Reduces Tax Exemption Years: ಬ್ರಿಟನ್ ಅನಿವಾಸಿ ಭಾರತೀಯರ ಸ್ಥಿರ ಠೇವಣಿ ಮತ್ತು ಷೇರು ಮಾರುಕಟ್ಟೆಯ ಮೇಲಿನ ತೆರಿಗೆ ವಿನಾಯಿತಿಯ ವರ್ಷವನ್ನು ಕಡಿಮೆ ಮಾಡಿದೆ !

Britain Reduces Tax Exemption Years: ಬ್ರಿಟನ್ ಅನಿವಾಸಿ ಭಾರತೀಯರ ಸ್ಥಿರ ಠೇವಣಿ ಮತ್ತು ಷೇರು ಮಾರುಕಟ್ಟೆಯ ಮೇಲಿನ ತೆರಿಗೆ ವಿನಾಯಿತಿಯ ವರ್ಷವನ್ನು ಕಡಿಮೆ ಮಾಡಿದೆ !

50 ಸಾವಿರ ಅನಿವಾಸಿ ಭಾರತೀಯರು ದುಬೈಗೆ ವಲಸೆ ಹೋಗುವ ಸಾಧ್ಯತೆ

ಲಂಡನ್ (ಬ್ರಿಟನ್) – ಬ್ರಿಟನ್‌ನಲ್ಲಿ ವಾಸಿಸುವ ಅನಿವಾಸಿ ಭಾರತೀಯರಿಗೆ ಬ್ಯಾಂಕ್‌ಗಳು, ಷೇರು ಮಾರುಕಟ್ಟೆಗಳು ಮತ್ತು ಭಾರತದಲ್ಲಿನ ಬಾಡಿಗೆ ಆದಾಯದಲ್ಲಿನ ಸ್ಥಿರ ಠೇವಣಿ (ಎಫ್‌ಡಿ) ಮೇಲೆ ಬ್ರಿಟನ್ ಸರ್ಕಾರವು ತೆರಿಗೆ ವಿನಾಯಿತಿಯನ್ನು 15 ವರ್ಷಗಳಿಂದ 4 ವರ್ಷಗಳಿಗೆ ಇಳಿಸಿದೆ. ಈಗ 5 ನೇ ವರ್ಷದಿಂದ ಬ್ರಿಕಟನ್‌ನಲ್ಲಿ ವಾಸಿಸುತ್ತಿರುವ ಅನಿವಾಸಿ ಭಾರತೀಯರು ಅವರ ಭಾರತದ ಆದಾಯದ ಮೇಲೆ 50% ತೆರಿಗೆಯನ್ನು ಪಾವತಿಸಬೇಕಾಗುತ್ತದೆ. ಮುಂದಿನ ವರ್ಷ ಏಪ್ರಿಲ್ ನಿಂದ ಈ ನಿಯಮ ಜಾರಿಗೆ ಬರಲಿದೆ.

ಲಂಡನ್ ಮೂಲದ ತೆರಿಗೆ ಸಲಹೆಗಾರ ಸೌರಭ್ ಜೇಟ್ಲಿ ಮಾತನಾಡಿ, ಬ್ರಿಟನ್ ಸರಕಾರದ ಹೊಸ ಕಾನೂನಿನ ನಂತರ ಅನಿವಾಸಿ ಭಾರತೀಯರು ಬ್ರಿಟನ್ ನಲ್ಲಿ ವ್ಯಾಪಾರ ಮಾಡುವ ಬಗ್ಗೆ ಭ್ರಮನಿರಸನಗೊಂಡಿದ್ದಾರೆ ಎಂದು ಹೇಳಿದ್ದಾರೆ. ಬ್ರಿಟನ್‌ನಲ್ಲಿ ವಾಸಿಸುವ 5 ಲಕ್ಷ ಅನಿವಾಸಿ ಭಾರತೀಯರಲ್ಲಿ ಅಂದಾಜು 50 ಸಾವಿರ ಜನರು ನಿಯಮದ ನಂತರ ದುಬೈಗೆ ತೆರಳಲು ಯೋಜಿಸಿದ್ದಾರೆ; ಏಕೆಂದರೆ ದುಬೈನಲ್ಲಿ ವೈಯಕ್ತಿಕ ತೆರಿಗೆ ದರ ಶೂನ್ಯ ಮತ್ತು ಹಂಚಿಕೆಯ (ಕಾರ್ಪೊರೇಟ್) ತೆರಿಗೆ ಕೇವಲ 9 ಪ್ರತಿಶತ ಇದೆ. ಲಂಡನ್ ನಲ್ಲಿ ಆಸ್ತಿ ತೆರಿಗೆ ಶೇ.40ರಷ್ಟಿದ್ದರೆ, ದುಬೈನಲ್ಲಿ ಶೇ. ಶೂನ್ಯ ಇದೆ.

ಭಾರತೀಯ ಅರ್ಚಕರಿಗೆ ವೀಸಾ ಇಲ್ಲದ್ದರಿಂದ ಬ್ರಿಟನ್‌ನಲ್ಲಿ 50 ದೇವಸ್ಥಾನಗಳು ಬಂದ್ !

ಬ್ರಿಟನ್ ಪ್ರಧಾನಿ ರಿಷಿ ಸುನಕ್ ಅವರ ಸರಕಾರವು ಭಾರತೀಯ ಅರ್ಚಕರಿಗೆ ವೀಸಾ ನೀಡದ ಕಾರಣ ಬ್ರಿಟನ್‌ನಲ್ಲಿ ಅಂದಾಜು 500 ದೇವಾಲಯಗಳಲ್ಲಿ 50 ಮುಚ್ಚಲಾಗಿದೆ. ಉಳಿದ ಹಲವು ದೇವಸ್ಥಾನಗಳಲ್ಲಿ ಕೆಲಸ ಸ್ಥಗಿತಗೊಂಡಿದೆ.

ಸಂಪಾದಕೀಯ ನಿಲುವು

  • ಭಾರತಕ್ಕೆ ಬಂದ ನಂತರ, ದೇವಸ್ಥಾನಕ್ಕೆ ಹೋಗಿ ತನ್ನನ್ನು ಧಾರ್ಮಿಕ ಎಂದು ತೋರಿಸುವ ಸುನಕ್, ಹಿಂದೂಗಳ ಬಗ್ಗೆ ಹೇಗಿದೆ?, ಎಂಬುದು ಗಮನಕ್ಕೆ ಬರುತ್ತದೆ !
  • ಬ್ರಿಟಿಷ್ ಪ್ರಧಾನಿ ರಿಷಿ ಸುನಕ್ ಭಾರತೀಯ ಮೂಲದವರು; ಹಾಗಾಗಿ ಅವರ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸುವ ಭಾರತೀಯರಿಗೆ ಇದು ಕಪಾಳಮೋಕ್ಷ !

ಸಂಬಂಧಿತ ಲೇಖನಗಳು