ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತರರಾಷ್ಟ್ರೀಯ > BLA Attack Pakistan : ಪಾಕಿಸ್ತಾನ ಸೇನೆಯ ಎರಡನೇ ಅತಿ ದೊಡ್ಡ ವಾಯುನೆಲೆ ಮೇಲೆ ‘ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ’ ಯ ದಾಳಿ

BLA Attack Pakistan : ಪಾಕಿಸ್ತಾನ ಸೇನೆಯ ಎರಡನೇ ಅತಿ ದೊಡ್ಡ ವಾಯುನೆಲೆ ಮೇಲೆ ‘ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ’ ಯ ದಾಳಿ

ತುರ್ಬತ್ (ಪಾಕಿಸ್ತಾನ) – ಬಲೂಚಿಸ್ತಾನ್ ಲಿಬರೇಶನ್ ಆರ್ಮಿ (ಬಿಎಲ್‌ಎ) ಸದಸ್ಯರು ಪಾಕಿಸ್ತಾನ ಸೇನೆಯ ಎರಡನೇ ಅತಿ ದೊಡ್ಡ ವಾಯುನೆಲೆಯ ಮೇಲೆ ದಾಳಿ ನಡೆಸಿದ್ದಾರೆ. ಗುಂಡಿನ ದಾಳಿ ಮತ್ತು ಬಾಂಬ್ ಸ್ಫೋಟಿಸುವ ಮೂಲಕ ದಾಳಿ ಈ ನಡೆಸಲಾಯಿತು. ದಾಳಿಯ ನಂತರ ತುರ್ಬತ್‌ನಲ್ಲಿ ತುರ್ತು ಪರಿಸ್ಥಿತಿಯನ್ನು ಘೋಷಿಸಲಾಗಿದೆ. ಕಳೆದ ಒಂದು ವಾರದಲ್ಲಿ ಬಿ.ಎಲ್.ಎ.ಯ ಮಜೀದ್ ಬ್ರಿಗೇಡ್‌ನಿಂದ ನಡೆಸಲಾದ ಇದು ಎರಡನೇ ದಾಳಿಯಾಗಿದೆ. ಇದಕ್ಕೂ ಮುಂಚೆ ಪಾಕಿಸ್ತಾನದ ಗ್ವಾದರ್ ಬಂದರಿನ ಮೇಲೆ ದಾಳಿ ನಡೆಸಲಾಗಿತ್ತು.

ಚೀನಾದ ಡ್ರೋನ್‌ಗಳ ನೆಲೆ ಇದ್ದ ಸ್ಥಳದ ಮೇಲೆ ದಾಳಿ ನಡೆಸಿರುವುದಾಗಿ ಬಿ.ಎಲ್.ಎ.ಯು ಹೇಳಿಕೊಂಡಿದೆ. ಈ ದಾಳಿಯ ನಂತರ, ಪಾಕ್ ಸೇನೆಯು ಬಿ.ಎಲ್.ಎ.ಯ 6 ಸದಸ್ಯರನ್ನು ಕೊಂದಿರುವುದಾಗಿ ತಿಳಿಸಿದೆ. ಈ ದಾಳಿಯಿಂದ ವಾಯುಪಡೆಗೆ ಯಾವುದೇ ದೊಡ್ಡ ನಷ್ಟವಾಗಿಲ್ಲ ಎಂದು ಪಾಕ್ ಸೇನಾ ಅಧಿಕಾರಿಗಳು ತಿಳಿಸಿದ್ದಾರೆ. ಮತ್ತೊಂದೆಡೆ, ಬಿ.ಎಲ್.ಎ.ಯು ತಮ್ಮ ದಾಳಿಯಲ್ಲಿ ಹಲವಾರು ಭದ್ರತಾ ಸಿಬ್ಬಂದಿಗಳು ಸಾವನ್ನಪ್ಪಿದ್ದಾರೆ ಮತ್ತು ಅನೇಕರು ಗಾಯಗೊಂಡಿದ್ದಾರೆ ಎಂದು ಹೇಳಿದೆ; ಆದರೆ ಈ ಬಗ್ಗೆ ಅಧಿಕೃತ ಮಾಹಿತಿ ಇನ್ನೂ ಹೊರಬಿದ್ದಿಲ್ಲ.

ಸಂಬಂಧಿತ ಲೇಖನಗಳು