ದೆವರಿಯಾ (ಉತ್ತರ ಪ್ರದೇಶ) ಶಾಲೆಯೊಂದರಲ್ಲಿ ‘ಜೈ ಹಿಂದ್’ ಎಂದಿದ್ದಕ್ಕೆ ಶಿಕ್ಷಕರೊಬ್ಬರಿಗೆ ಮೂವರು ಶಿಕ್ಷಕರಿಂದ ಥಳಿತ !

ದೆವರಿಯಾ (ಉತ್ತರ ಪ್ರದೇಶ) – ಇಲ್ಲಿನ ಕಂಪೋಜಿಟ್ ಶಾಲೆಯಲ್ಲಿ ‘ಜೈ ಹಿಂದ್’ ಎಂದು ಹೇಳಿದ್ದರಿಂದಾದ ವಿವಾದದಿಂದಾಗಿ ಮೂವರು ಶಿಕ್ಷಕರು ಓರ್ವ ಶಿಕ್ಷಕನಿಗೆ ಥಳಿಸಿದ್ದಾರೆ. ಈ ಘಟನೆಯಿಂದ ಶಾಲೆಯಲ್ಲಿ ಗೊಂದಲ ಉಂಟಾಗಿದ್ದು, ವಿದ್ಯಾರ್ಥಿಗಳ ನಡುವೆ ಕಾಲ್ತುಳಿತ ಉಂಟಾಗಿದೆ. ಇದರಲ್ಲಿ ವಿದ್ಯಾರ್ಥಿಯೊಬ್ಬ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಡಿಸೆಂಬರ್ 23 ರಂದು ಪ್ರಾರ್ಥನೆಯ ಸಮಯದಲ್ಲಿ ‘ಜೈ ಹಿಂದ್’ ಎಂದು ಹೇಳಿದ ನಂತರ ಈ ಘಟನೆ ನಡೆದಿದೆ.

ಈ ಪ್ರಕರಣದಲ್ಲಿ 4 ಸಹಾಯಕ ಶಿಕ್ಷಕರನ್ನು ಅಮಾನತು ಮಾಡಲಾಗಿದ್ದು, ಪ್ರಾಂಶುಪಾಲರು ಹಾಗೂ ಮತ್ತೊಬ್ಬ ಸಹಾಯಕ ಶಿಕ್ಷಕರಿಗೆ ಎಚ್ಚರಿಕೆ ನೀಡಲಾಗಿದೆ. ಥಳಿತಕ್ಕೊಳಗಾದ ಮತ್ತು ಥಳಿಸಿದ ಎಲ್ಲಾ ಶಿಕ್ಷಕರೂ ಹಿಂದೂಗಳಾಗಿದ್ದಾರೆ.