‘ನನ್ನ ಬಳಿಯಿಂದ ಸಿಕ್ಕಿರುವ 354 ಕೋಟಿ ರೂಪಾಯಿ ಹಣ ನನ್ನದಲ್ಲ, ನಮ್ಮ ಸಂಸ್ಥೆಯದ್ದು !’(ಅಂತೆ)- ಜಾರ್ಖಂಡ್ ನ ಕಾಂಗ್ರೆಸ್ ಸಂಸದ ಧೀರಜ್ ಸಾಹು ಇವರ ಸ್ಪಷ್ಟೀಕರಣ

ರಾಂಚಿ (ಜಾರ್ಖಂಡ್) – ಜಾರ್ಖಂಡ್‌ನಲ್ಲಿ ಕಾಂಗ್ರೆಸ್ ರಾಜ್ಯಸಭೆಯ ಸಂಸದ ಧೀರಜ ಸಾಹು ಅವರ 10 ಸ್ಥಳಗಳಲ್ಲಿ ಆದಾಯ ತೆರಿಗೆ ಇಲಾಖೆ ದಾಳಿ ನಡೆಸಿ 354 ಕೋಟಿ ರೂಪಾಯಿಗಳನ್ನು ಜಪ್ತಿ ಮಾಡಿಕೊಂಡಿತ್ತು. ಈ ಪ್ರಕರಣದಲ್ಲಿ 10 ದಿನಗಳ ಬಳಿಕ ಸಂಸದ ಧೀರಜ್ ಸಾಹು ಮಾಧ್ಯಮಗಳೆದುರಿಗೆ ಬಂದು ಸ್ಪಷ್ಟನೆ ನೀಡಿದ್ದಾರೆ. ಅವರು ಮಾತನಾಡಿ, `ಈ ಎಲ್ಲ ಹಣ ನನಗೆ ಅಥವಾ ಕಾಂಗ್ರೆಸ್ ಪಕ್ಷಕ್ಕಾಗಳೀ ಸೇರಿದ್ದಲ್ಲ, ನನ್ನ ಕುಟುಂಬ ಮತ್ತು ಸಂಸ್ಥೆಯದ್ದಾಗಿದೆ. ಅವರು ಪ್ರತಿಯೊಂದು ವಿಷಯಕ್ಕೂ ಲೆಕ್ಕ ಕೊಡುತ್ತಾರೆ ಎಂದು ಹೇಳಿದರು’.

ಸಾಹು ತಮ್ಮ ಮಾತನ್ನು ಮುಂದುವರಿಸಿ, ಇದರಲ್ಲಿ ಮುಚ್ಚಿಡುವಂತಹದ್ದು ಏನೂ ಇಲ್ಲ. ನಾನು ಆತ್ಮವಿಶ್ವಾಸದಿಂದ ಹೇಳುತ್ತಿದ್ದೇನೆ. ನಾನು ಈ ಎಲ್ಲದಕ್ಕೂ ಲೆಕ್ಕವನ್ನು ಕೊಡುತ್ತೇನೆ. ಕೆಲವೇ ದಿನಗಳಲ್ಲಿ ನಾನು ಎಲ್ಲವನ್ನೂ ಜನತೆಯ ಎದುರಿಗೆ ಇಡುತ್ತೇನೆ. ತದನಂತರ ಎಲ್ಲರಿಗೂ ಇದು ಕಪ್ಪು ಹಣವಾಗಿದೆಯೇ ಇಲ್ಲವೇ ? ಎಂದು ತಿಳಿಯುವುದು. ನಮ್ಮ ಪ್ರತಿಯೊಂದು ವ್ಯವಹಾರ ನನ್ನ ಕುಟುಂಬದ ಹೆಸರಿನಲ್ಲಿದೆ. ನಾವು 6 ಜನ ಸಹೋದರರು ಮತ್ತು ಅವರ ಮಕ್ಕಳು. ಎಲ್ಲರೂ ವ್ಯವಹಾರದಲ್ಲಿದ್ದೇವೆ. ನಮ್ಮದು 100 ವರ್ಷಗಳ ಹಿಂದಿನ ವ್ಯವಹಾರವಾಗಿದೆ. ಎಲ್ಲಾ ಮದ್ಯ ಮಾರಾಟವನ್ನು ನಗದು ರೂಪದಲ್ಲಿ ಮಾಡಲಾಗುತ್ತದೆ. ಈ ಹಣ ಮಾರಾಟದಿಂದ ಬಂದಿರುವ ಹಣವಾಗಿದೆ. ಇದು ಸಂಪೂರ್ಣವಾಗಿ ನಮ್ಮ ಸಂಸ್ಥೆಗೆ ಸೇರಿದ ಹಣವಾಗಿದೆ. ಈ ಹಣ ಅಕ್ರಮ ಹಣವಾಗಿದೆಯೆಂದು, ಇದುವರೆಗೂ ಆದಾಯ ತೆರಿಗೆ ಇಲಾಖೆಯು ಹೇಳಿಲ್ಲ. ಈ ಸಂದರ್ಭದಲ್ಲಿ ನನ್ನನ್ನು ಯಾವಾಗ ವಿಚಾರಣೆಗೆ ಕರೆಯುತ್ತಾರೆಯೋ, ಆಗ ನಾನು ಸಂಪೂರ್ಣ ಲೆಕ್ಕವನ್ನು ನೀಡುತ್ತೇನೆ ಎಂದು ಹೇಳಿದರು.