ಜಮ್ಮು-ಕಾಶ್ಮೀರ ನಿವಾಸಿಗಳ ಮಾನವ ಹಕ್ಕುಗಳನ್ನು ರಕ್ಷಿಸಿ !(ಅಂತೆ) – ೫೭ ಇಸ್ಲಾಮಿ ದೇಶಗಳ ಸಂಘಟನೆ

ನವದೆಹಲಿ – ೫೭ ಇಸ್ಲಾಮಿ ದೇಶಗಳ `ಆರ್ಗನೈಸೇಷನ್ ಆಫ್ ಇಸ್ಲಾಮಿಕ್ ಕಾರ್ಪೊರೇಷನ್’ (ಓ. ಐ. ಸಿ.) ಎಂಬ ಸಂಘಟನೆಯು ಪುನಃ ಇನ್ನೊಮ್ಮೆ ಜಮ್ಮು ಕಾಶ್ಮೀರದ ವಿಷಯದಲ್ಲಿ ಭಾರತ ವಿರೋಧಿ ಹೇಳಿಕೆ ನೀಡಿದೆ. ಭಾರತವು ಜಮ್ಮು-ಕಾಶ್ಮೀರದಲ್ಲಿ ನಾಗರೀಕರ ಮೂಲಭೂತ ಮಾನವಾಧಿಕಾರಗಳನ್ನು ರಕ್ಷಿಸಬೇಕು ಎಂಬ ಪುಕ್ಕಟೆ ಕರೆಯನ್ನೂ ಈ ಸಂಘಟನೆ ನೀಡಿದೆ. ಇದರೊಂದಿಗೆ ಕಲಂ ೩೭೦ ನ್ನು ಪುನಃ ಜಾರಿಗೊಳಿಸುವಂತೆ ಮನವಿ ಮಾಡಲಾಗಿದೆ. ಓ. ಐ. ಸಿ.ಯ ಹೇಳಿಕೆಯ ಹಿಂದೆ ಪಾಕಿಸ್ತಾನ ಇರುವುದಾಗಿ ಹೇಳಲಾಗುತ್ತಿದೆ. ಈ ಮೂಲಕ ಭಾರತದ ಮೇಲೆ ಅಂತರಾಷ್ಟ್ರೀಯ ಒತ್ತಡ ಹೆರಲು ಪ್ರಯತ್ನಿಸಲಾಗುತ್ತಿದೆ.

OIC General Secretariat Reiterates its Call on International Community to Step Up Efforts to Resolve Jammu and Kashmir Issue: https://t.co/kXwDXdvg5t pic.twitter.com/sunGpdXRLR

— OIC (@OIC_OCI) October 27, 2023

ಒ. ಐ. ಸಿ.ಯ ಕಾರ್ಯದರ್ಶಿ ಹಿಸೆನ ಬ್ರಾಹಿಮ ತಾಹರವರು ಪ್ರಕಟಿಸಿರುವ ಮನವಿಯಲ್ಲಿ, ಅಕ್ಟೋಬರ್ ೨೭ ರಂದು ಜಮ್ಮು-ಕಾಶ್ಮೀರವು ಭಾರತದಲ್ಲಿ ವಿಲೀನಗೊಂಡಿತು. ಕಾಶ್ಮೀರದ ಸಮಸ್ಯೆಯ ಬಗ್ಗೆ ಅಂತರಾಷ್ಟ್ರೀಯ ಸಮುದಾಯವು ವಿಶ್ವ ಸಂಸ್ಥೆಯ ಸುರಕ್ಷಾ ಪರಿಷತ್ತಿನ ಪ್ರಸ್ತಾಪದ ಅನುಸಾರ ಹೆಜ್ಜೆಯನ್ನಿಡುವುದು ಆವಶ್ಯಕವಾಗಿದೆ. ನಾವು ಜಮ್ಮು ಕಾಶ್ಮೀರದಲ್ಲಿನ ಜನರ ಸ್ವಯಂನಿರ್ಣಯದ ಅಧಿಕಾರವನ್ನು ಬೆಂಬಲಿಸುತ್ತೇವೆ, ಎಂದು ಹೇಳಲಾಗಿದೆ.