ಯುರೋಪಿನ ಒಕ್ಕೂಟದ ೨೭ ದೇಶಗಳ ಪೈಕಿ ೧೩ ದೇಶಗಳಲ್ಲಿ ನಿರಾಶ್ರಿತರಿಗೆ ಪ್ರವೇಶ ನಿಷೇಧ

ನಿರಾಶ್ರಿತರಲ್ಲಿ ಬಹುಪಾಲು ಮುಸಲ್ಮಾನರು ಸೇರಿದ್ದಾರೆ

ನವ ದೆಹಲಿ – ಯುರೋಪ್ ಖಂಡದಲ್ಲಿನ ಐರೋಪ್ಯ ಒಕ್ಕೂಟದ ೨೭ ದೇಶಗಳ ಪೈಕಿ ೧೩ ದೇಶಗಳು ನಿರಾಶ್ರಿತರಿಗೆ ತಮ್ಮ ದೇಶಗಳಿಗೆ ಪ್ರವೇಶಿಸುವುದನ್ನು ನಿಷೇಧಿಸಿವೆ. ಈ ನಿರಾಶ್ರಿತರಲ್ಲಿ ಮುಸಲ್ಮಾನ ದೇಶಗಳಿಂದ ಬಂದಿರುವ ಮುಸಲ್ಮಾನರ ಸಂಖ್ಯೆಯೇ ಹೆಚ್ಚು ಇದೆ. ಕಳೆದ ಕೆಲವು ವರ್ಷಗಳಿಂದ ಈ ಮುಸಲ್ಮಾನರು ಯುರೋಪಿನಲ್ಲಿ ಕಾನೂನು ಮತ್ತು ಸುವ್ಯವಸ್ಥೆ ಹಾಗೂ ಸಾಮಾಜಿಕ ಸಾಮರಸ್ಯವನ್ನು ಕದಡಿದ ಕಾರಣ ಯುರೋಪಿನ ಜನರಲ್ಲಿ ಕೋಪವಿದೆ. ಅದರಲ್ಲೂ ಈ ೧೩ ದೇಶಗಳಲ್ಲಿ ಇದೀಗ ರಾಷ್ಟ್ರೀಯವಾದಿ ಪಕ್ಷಗಳ ಸರಕಾರಗಳು ಅಧಿಕಾರಕ್ಕೆ ಬಂದಿರುವ ಕಾರಣ ಈ ನಿಷೇಧವನ್ನು ಹೇರಲಾಗಿದೆ ಎಂದು ಹೇಳಲಾಗುತ್ತಿದೆ. ರಾಷ್ಟ್ರವಾದಿ ಪಕ್ಷಗಳ ಹೆಚ್ಚುತ್ತಿರುವ ಪ್ರಾಬಲ್ಯವನ್ನು ನೋಡಿದರೆ ಇತರ ದೇಶಗಳಲ್ಲಿಯೂ ರಾಷ್ಟ್ರೀಯವಾದಿ ಪಕ್ಷಗಳಿಗೆ ಹೆಚ್ಚಿನ ಬೆಂಬಲ ಸಿಗಬಹುದು ಎಂಬ ಅನುಮಾನವನ್ನು ಯುರೋಪಿಯನ್ ಯೂನಿಯನ್ ನ ವರದಿಯಲ್ಲಿ ವ್ಯಕ್ತ ಪಡಿಸಲಾಗಿದೆ. ಈ ದೇಶಗಳಲ್ಲಿಯೂ ರಾಷ್ಟ್ರೀಯವಾದಿ ಸರಕಾರಗಳು ಅಧಿಕಾರಕ್ಕೆ ಬರಬಹುದು.

ಮುಸಲ್ಮಾನ ನಿರಾಶ್ರಿತರಿಂದಾಗಿ ಅಪರಾಧಗಳಲ್ಲಿ ಹೆಚ್ಚಳ !

ಯುರೋಪಿನ ಒಕ್ಕೂಟದ ಅಭಿವೃದ್ಧಿ ಹೊಂದಿರುವ ದೇಶಗಳಿಗೆ ಬರುವ ನಿರಾಶ್ರಿತ ಮುಸಲ್ಮಾನರಿಂದಾಗಿ ಅಲ್ಲಿ ಅಪರಾಧ ಪ್ರಕರಣಗಳು ಹೆಚ್ಚುತ್ತಿವೆ. ತುಲನಾತ್ಮಕವಾಗಿ, ಸ್ವೀಡನ್‌ನಲ್ಲಿ ಅಪರಾಧವು ೫ ವರ್ಷಗಳಲ್ಲಿ ಶೇ. ೬೦ ರಷ್ಟು ಹೆಚ್ಚಾಗಿದೆ ಮತ್ತು ಜನನಿಬಿಡ ಪ್ರದೇಶಗಳಲ್ಲಿ ಮುಸಲ್ಮಾನ ವಲಸಿಗರ ವಾಸವಿರುವ ಕಾರಣ ಧಾರ್ಮಿಕ ಮತ್ತು ಸಾಮಾಜಿಕ ಸಮತೋಲನವು ಕೆಟ್ಟಿತು. ಫ್ರಾಂಸ್ ನ ಹಲವು ನಗರಗಳಲ್ಲಿ ಸಾಮಾಜಿಕ ಸಾಮರಸ್ಯವು ಹದಗೆಟ್ಟಿದೆ.