ನೂಪುರ ಶರ್ಮಾ ಅವರ ಶಿರಚ್ಛೇದ ಮಾಡುವಂತೆ ಪ್ರಚೋದನೆ ನೀಡಿದ ಗೌಹರ್ ಚಿಶ್ತಿಯ ಬಂಧನ !

ಭಾಗ್ಯನಗರದಲ್ಲಿ ಕ್ರಮ!

ಭಾಗ್ಯನಗರ (ತೆಲಂಗಾಣಾ) – ಅಜ್ಮೀರ್‌ನ ಖ್ವಾಜಾ ಮೊಯಿನುದ್ದೀನ್ ಚಿಶ್ತಿ ದರ್ಗಾದ ಖಾದಿಮ್ (ಸೇವಕ) ಗೌಹರ್ ಚಿಶ್ತಿಯನ್ನು ಭಾಗ್ಯನಗರದಿಂದ ಬಂಧಿಸಲಾಗಿದೆ. ಭಾಜಪದ ಮಾಜಿ ವಕ್ತಾರೆ ನೂಪುರ್ ಶರ್ಮಾ ಅವರು ಪ್ರವಾದಿ ಮುಹಮ್ಮದ್ ಬಗ್ಗೆ ನೀಡಿದ ತಥಾಕಥಿತ ಆಕ್ಷೇಪಾರ್ಹ ಹೇಳಿಕೆಗೆ ಸಂಬಂಧಿಸಿದಂತೆ ಚಿಶ್ತಿಯು ಶರ್ಮಾ ಅವರ ಶಿರಚ್ಛೇದ ಮಾಡುವಂತೆ ಮುಸ್ಲಿಮರನ್ನು ಪ್ರಚೋದಿಸಿದ್ದ. ಅದೇ ರೀತಿ ಉದಯಪುರದಲ್ಲಿ ಕನ್ಹೈಯ್ಯಾಲಾಲ್‌ನನ್ನು ಕೊಂದವರಿಗೂ ಆತನಿಗೂ ಸಂಬಂಧವಿದೆ ಎಂಬ ಅಂಶವೂ ಬೆಳಕಿಗೆ ಬಂದಿದೆ. ಚಿಶ್ತಿಯನ್ನು ಅಜ್ಮೀರ್‌ಗೆ ಕರೆದೊಯ್ಯಲಾಗುವುದು.
ಚಿಶ್ತಿ ಪ್ರಚೋದನೆ ನೀಡಿದ ಪ್ರಕರಣ ಬೆಳಕಿಗೆ ಬಂದಾಗ, ಚಿಶ್ತಿ ತನ್ನ ಕುಟುಂಬದೊಂದಿಗೆ ತಲೆಮರೆಸಿಕೊಂಡಿದ್ದ. ಜೂನ್ ೧೭ ರಂದು ಚಿಸ್ತಿ ಉದಯಪುರಕ್ಕೆ ಹೋಗಿದ್ದನು. ಅಲ್ಲಿ ಆತ ‘ಸರ್ ತಾನ್ ಸೆ ಜುದಾ’ (ದೇಹದಿಂದ ತಲೆಯನ್ನು ಬೇರ್ಪಡಿಸಿ) ಎಂಬ ಘೋಷಣೆಗಳನ್ನು ನೀಡಿದ್ದ. ಆ ಸಮಯದಲ್ಲಿ ಅವನು ಕನ್ಹೈಯಾಲಾಲನ ಹಂತಕರಲ್ಲಿ ಒಬ್ಬನಾದ ಮುಹಮ್ಮದ್ ರಿಯಾಜ್‌ನನ್ನು ಭೇಟಿಯಾಗಿದ್ದ. ಅದೇ ದಿನ ರಿಯಾಜ್ ಶಿರಚ್ಛೇದದ ಬಗ್ಗೆ ವೀಡಿಯೋ ಮಾಡಿ ಹೇಳಿಕೆ ನೀಡಿದ್ದನು.