ತಮಿಳುನಾಡಿನಲ್ಲಿನ ದೇವಸ್ಥಾನಗಳ 1 ಸಾವಿರ ಕೋಟಿ ರೂಪಾಯಿ ಮೌಲ್ಯದ ಭೂಮಿಯು 4 ತಿಂಗಳಿನಲ್ಲಿ ಅತಿಕ್ರಮಣದಿಂದ ಮುಕ್ತ !

ಚೆನ್ನೈ (ತಮಿಳುನಾಡು) – ತಮಿಳುನಾಡು ರಾಜ್ಯದಲ್ಲಿ ಕಳೆದ ನಾಲ್ಕು ತಿಂಗಳುಗಳಿಂದ ನಡೆಸಲಾದ ಅತಿಕ್ರಮಣ ವಿರೋಧಿ ಅಭಿಯಾನದಿಂದ ದೇವಸ್ಥಾನಗಳ 1 ಸಾವಿರ ಕೋಟಿ ರೂಪಾಯಿ ಮೌಲ್ಯದ ಭೂಮಿಯನ್ನು ಅತಿಕ್ರಮಣ ಮುಕ್ತಗೊಳಿಸುವಲ್ಲಿ ಯಶಸ್ಸು ದೊರೆತಿದೆ. ದ್ರಮುಕ ಸರಕಾರವು ಆಡಳಿತಕ್ಕೆ ಬಂದ ನಂತರ ಈ ಭೂಮಿಯನ್ನು ಅತಿಕ್ರಮಣ ಮುಕ್ತಗೊಳಿಸುವ ನಿರ್ಣಯವನ್ನು ತೆಗೆದುಕೊಂಡು ಅದರಂತೆಯೇ ಆದೇಶ ನೀಡಿತ್ತು. ರಾಜ್ಯದಲ್ಲಿ 44000 ದೇವಸ್ಥಾನಗಳಿದ್ದು ಅವುಗಳ ಮಾಹಿತಿಯನ್ನು ಡಿಜಿಟಲ್ (ಸಂಗಣಕೀಯ ಪದ್ಧತಿಯಂತೆ ಸಂಗ್ರಹಿಸಲಾದ) ಮಾಡಲಾಗಿದೆ.

The latest retrieval was a land belonging to Kancheepuram Ekambareswarar Temple, spread over 49 grounds on Chennai’s Poonamallee high road. https://t.co/Y51s9FkpDo

— The Indian Express (@IndianExpress) September 29, 2021

ರಾಜ್ಯದ ಮಂತ್ರಿ ಪಿ.ಕೆ. ಶೇಖರ ಬಾಬುರವರು ‘ನನ್ನ ವಿಭಾಗದ ಅಧಿಕಾರಿಗಳು ದೇವಸ್ಥಾನಗಳ ಸಂಪತ್ತಿನ ಬಗೆಗಿನ ಕಾಗದಪತ್ರಗಳನ್ನು ಡಿಜಿಟಲ್ ಮಾಡುತ್ತಿದ್ದಾರೆ. ಈ ಮೂಲಕ ದೇವಸ್ಥಾನಗಳ ಭೂಮಿಯ ಮಾಹಿತಿಯನ್ನು ಸಾರ್ವಜನಿಕಗೊಳಿಸಲಾಗುವುದು’ ಎಂದು ಹೇಳಿದ್ದಾರೆ