ಫತೇಪುರ (ಉತ್ತರ ಪ್ರದೇಶ) ಇಲ್ಲಿ ಅಪ್ರಾಪ್ತ ಹಿಂದೂ ಹುಡುಗಿಯ ಮೇಲೆ ಮೂವರು ಮುಸ್ಲಿಂ ಯುವಕರಿಂದ ಸಾಮೂಹಿಕ ಬಲಾತ್ಕಾರ

ಹುಡುಗಿಯನ್ನು ಅಪಹರಿಸಿ ಮತಾಂತರ !

ಫತೇಪುರ (ಉತ್ತರ ಪ್ರದೇಶ) – ಇಲ್ಲಿನ ಓರ್ವ ಹಿಂದೂ ಅಪ್ರಾಪ್ತ ಬಾಲಕಿಯನ್ನು ಅಪಹರಿಸಿ, ಅತ್ಯಾಚಾರ ಮಾಡಿ ಇಸ್ಲಾಂಗೆ ಮತಾಂತರಿಸಲಾಗಿರುವ ಘಟನೆ ನಡೆದಿದೆ. ಅವಳನ್ನು ಕೂಡಲೇ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿದ್ದು, ಆಕೆಯ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಫತೇಪುರ್ ಜಿಲ್ಲೆಯ ಆಂಗ್ ಪೊಲೀಸ್ ಠಾಣೆ ಸರಹದ್ದಿನ ಒಂದು ಗ್ರಾಮದ ನಿವಾಸಿಯಾಗಿರುವ ಈ ಅಪ್ರಾಪ್ತ ಬಾಲಕಿಯನ್ನು ಲಬರಿ, ರೋಷನ್ ಮತ್ತು ಇರ್ಷಾದ್ ಎಂಬ ಮುಸ್ಲಿಂ ಯುವಕರು ನವೆಂಬರ್ 3 ರಂದು ಅಪಹರಿಸಿ ಆಕೆಯನ್ನು ಘಾಟಂಪುರ ಮಸೀದಿಗೆ ಕರೆದೊಯ್ದು ಮತಾಂತರ ಮಾಡಿದ್ದಾರೆ. ನಂತರ ಘಾಟಂಪುರದ ಪೇರಲೆಹಣ್ಣಿನ ತೋಟದಲ್ಲಿ ಸಾಮೂಹಿಕ ಅತ್ಯಾಚಾರ ಎಸಗಿದ್ದಾರೆ, ಎಂದು ಸಂತ್ರಸ್ತೆ ತನ್ನ ಕುಟುಂಬ ಸದಸ್ಯರಿಗೆ ತಿಳಿಸಿದ್ದಾಳೆ. ಪೊಲೀಸರು ಸಂತ್ರಸ್ತ ಬಾಲಕಿಯ ಹೇಳಿಕೆಯನ್ನು ದಾಖಲಿಸಿಕೊಂಡಿದ್ದಾರೆ. ಸಂತ್ರಸ್ತ ಬಾಲಕಿಯ ಕುಟುಂಬದವರು ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಆರೋಪಿ ವಿರುದ್ಧ ಪ್ರಕರಣ ದಾಖಲಿಸಿಕೊಂಡು ಲಬರಿಯನ್ನು ಬಂಧಿಸಿದ್ದಾರೆ. ಈ ಪ್ರಕರಣದಲ್ಲಿ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ.