'ಅಮೆಜಾನ' ಇನ್ನೊಂದು ಈಸ್ಟ್ ಇಂಡಿಯಾ ಕಂಪನಿ ! - 'ಪಾಂಚಜನ್ಯ' ನಿಯತಕಾಲಿಕೆಯ ಟೀಕೆ

ನವ ದೆಹಲಿ – ‘ಅಮೆಜಾನ್’ ಈ ಸಂಸ್ಥೆ ಎಂದರೆ ಇನ್ನೊಂದು ಈಸ್ಟ್ ಇಂಡಿಯಾ ಕಂಪನಿಯಾಗಿದೆ, ಎಂದು ಪಾಂಚಜನ್ಯ ನಿಯತಕಾಲಿಕೆಯು ಟೀಕಿಸಿದೆ. ‘ಪಾಂಚಜನ್ಯ’ದ ಹಿಂದಿನ ಸಂಚಿಕೆಯಲ್ಲಿ ‘ಇನ್ಫೋಸಿಸ್’ ಸಂಸ್ಥೆಯನ್ನು ಟೀಕಿಸುತ್ತಾ ಅದು ನಕ್ಸಲರಿಗೆ ಸಹಾಯಮಾಡುತ್ತದೆ ಎಂದು ಆರೋಪಿಸಿತ್ತು; ಆದರೆ ಆ ಸಮಯದಲ್ಲಿ ಈ ವಿಷಯವಾಗಿ ಯಾವುದೇ ಸಾಕ್ಷಾಧಾರ ಇಲ್ಲವೆಂದು ನಿಯತಕಾಲಿಕೆ ಸ್ಪಷ್ಟಪಡಿಸಿತು.

पाञ्चजन्य यानी बात भारत की।
पढ़िये आगामी अंक –#अमेज़न ऐसा क्या गलत करती है कि उसे घूस देने की जरूरत पड़ती है? क्यों इस भीमकाय कंपनी को देसी उद्यमिता, आर्थिक स्वतंत्रता और संस्कृति के लिए खतरा मानते हैं लोग#Vocal_for_Local @epanchjanya pic.twitter.com/eCimaplnKJ

— Hitesh Shankar (@hiteshshankar) September 26, 2021

‘ಪಾಂಚಜನ್ಯ’ದ ಸಂಪಾದಕ ಹಿತೇಶ ಶಂಕರ ಇವರು `ಪಾಂಚಜನ್ಯ’ದ ಹೊಸ ಸಂಚಿಕೆಯ ಮುಖಪುಟವನ್ನು ಟ್ವೀಟ್ ಮಾಡಿದ್ದಾರೆ. ಅದರಲ್ಲಿ ‘ಅಮೆಜಾನ್’ನ ಸಂಸ್ಥಾಪಕ ಮತ್ತು ಮುಖ್ಯ ಕಾರ್ಯಕಾರಿ ಅಧಿಕಾರಿ ಜೆಫ್ ಬೇಜೊಸ ಇವರ ಛಾಯಾಚಿತ್ರ ಕಾಣುತ್ತಿದೆ. ಆ ಸಂಚಿಕೆಯ ಶೀರ್ಷಿಕೆ ‘#ಅಮೆಜಾನ್ : ಈಸ್ಟ್ ಇಂಡಿಯಾ ಕಂಪನಿ 2.0‘ ಎಂದು ಬರೆದಿದ್ದು ಕಾಣುತ್ತಿದೆ. ಹಾಗೆ ‘ಈ ಸಂಸ್ಥೆಯು ಏನು ತಪ್ಪು ಮಾಡಿದೆ ಎಂದು ಅದಕ್ಕೆ ಲಂಚ ಕೊಡುವ ಪರಿಸ್ಥಿತಿ ಬಂದಿದೆ ? ಜನರು ಈ ಸಂಸ್ಥೆಯನ್ನು ಭಾರತದಲ್ಲಿನ ಹೊಸ ಉದ್ಯಮಿಗಳಿಗೆ ಆರ್ಥಿಕ ಸ್ವಾತಂತ್ರ್ಯಕ್ಕೆ ಮತ್ತು ಸಂಸ್ಕೃತಿಗೆ ಅಪಾಯಕಾರಿ ಎಂದು ಏಕೆ ಪರಿಗಣಿಸುತ್ತಾರೆ ?’, ಈ ರೀತಿಯ ವಾಕ್ಯಗಳನ್ನು ಬರೆಯಲಾಗಿದೆ. ಕಳೆದ ವಾರದಲ್ಲಿ ಭಾರತ ಸರಕಾರವು ಭಾರತದಲ್ಲಿ ‘ಅಮೆಜಾನ್’ನ ಕಾನೂನು ಪ್ರತಿನಿಧಿಗಳು ಸರಕಾರಿ ಅಧಿಕಾರಿಗಳಿಗೆ ಲಂಚ ಕೊಟ್ಟಿದ್ದಾರೆಂಬ ಆರೋಪದ ವಿಚಾರಣೆ ನಡೆಸಲಾಗುವುದು ಎಂದು ಸ್ಪಷ್ಟಪಡಿಸಿದೆ.