ಹಳೆಯ ವಾಹನವನ್ನು ಗುಜರಿಗೆ ಹಾಕಿದ ನಂತರ ಸಿಗುವ ಪ್ರಮಾಣಪತ್ರದ ಮೂಲಕ ಹೊಸ ವಾಹನವನ್ನು ಖರೀದಿಸಿದರೆ, ಅದರ ನೋಂದಣಿ ಮತ್ತು ರಸ್ತೆ ತೆರಿಗೆಯಲ್ಲಿ ರಿಯಾಯಿತಿ ಪಡೆಯುವಿರಿ ! – ಪ್ರಧಾನಿ ಮೋದಿಯವರಿಂದ ಘೋಷಣೆ

ನವದೆಹಲಿ – ಗುಜರಿಗೆ ಹಾಕಿದ ನಂತರ ವಾಹನದ ಒಂದು ಪ್ರಮಾಣಪತ್ರ ವಾಹನದ ಮಾಲೀಕರಿಗೆ ಸಿಗಲಿದೆ. ಇದರಿಂದ ಅವರಿಗೆ ಹೊಸ ವಾಹನವನ್ನು ಖರೀದಿಸುವಾಗ ನೋಂದಣಿ ಮತ್ತು ರಸ್ತೆ ತೆರಿಗೆಯಲ್ಲಿ ರಿಯಾಯಿತಿಯನ್ನು ನೀಡಲಾಗುವುದು ಎಂದು ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಕಾರ್ಯಕ್ರಮವೊಂದರಲ್ಲಿ ಘೋಷಿಸಿದರು.

Vehicle scrappage policy: What it means for car owners https://t.co/IULo4SYs3P

— TOI Top Stories (@TOITopStories) August 13, 2021

ಪ್ರಧಾನಿ ಮೋದಿಯವರು ತಮ್ಮ ಮಾತನ್ನು ಮುಂದುವರೆಸುತ್ತಾ, ಹಳೆಯ ವಾಹನಗಳನ್ನು ವೈಜ್ಞಾನಿಕ ರೀತಿಯಲ್ಲಿ ಪರೀಕ್ಷಿಸಲಾಗುವುದು; ಅನಂತರ ಗುಜರಿಗೆ ಹಾಕುವ ಪ್ರಕ್ರಿಯೆಯು ಆರಂಭವಾಗುವುದು. ಇದರಿಂದ ವಾಹನ ತಯಾರಿಕೆ ಮತ್ತು ಲೋಹಗಳಿಗೆ ಸಂಬಂಧಿಸಿದ ಸಂಸ್ಥೆಗಳಿಗೆ ಹೆಚ್ಚಿನ ಲಾಭವಾಗುತ್ತದೆ. ಗುಜರಿಯ ವ್ಯವಹಾರದಲ್ಲಿ ಕೆಲಸ ಮಾಡುವ ಜನರಿಗೂ ಲಾಭವಾಗಲಿದೆ ಎಂದು ಹೇಳಿದರು.