ಗಣಕಯಂತ್ರದಲ್ಲಿ 'ಗೇಮ್' ಆಡುವ ಹಾಗೂ ಅದನ್ನೇ ವೃತ್ತಿಯನ್ನಾಗಿಸುವತ್ತ ಯುವಕರ ಚಿತ್ತ !

ಎಹ್.ಪಿ. ಯ ‘ಇಂಡಿಯಾ ಗೇಮಿಂಗ್ ಲ್ಯಾಂಡ್ಸ್ಕೇಪ್’ ಸಮೀಕ್ಷೆಯ ವರದಿ

ಗಣಕಯಂತ್ರದ ಆಟಗಳನ್ನು ಆಡುವುದರಿಂದ ಮನಸ್ಸಿನ ಒತ್ತಡ ಕಡಿಮೆಯಾಗುತ್ತಿದೆ ಎಂದು ಯುವಕರಿಗೆ ಅನಿಸುತ್ತಿದೆ !
ಶೇ. 87 ರಷ್ಟು ಯುವಕರಿಗೆ ಹಾಗೂ ಶೇ. 91ರಷ್ಟು ಯುವತಿಯರಿಗೆ ಆನ್ಲೈನ್ ಆಟಗಳು ಇಷ್ಟವಾಗುತ್ತವೆ!

ಹೀಗೆ ಗೇಮ್ ಗಳನ್ನು ಆಡುವುದರಿಂದ ಅನೇಕರು ಮಾನಸಿಕ ರೋಗಗಳಿಂದ ಪೀಡಿತರಾಗಿದ್ದಾರೆ. ‘ಆಗಾಗ ಗಣಕಯಂತ್ರದ ಆಟಗಳನ್ನು ಆಡುವುದರಿಂದ ಏಕಾಂಗಿ, ಸಿಡುಕಿನ ಹಾಗೂ ಕಿರಿಕಿರಿಯ ಸ್ವಭಾವ ಉಂಟಾಗುತ್ತದೆ’ ಎಂದು ಅನೇಕ ಮಾನಸೋಪಚಾರ ತಜ್ಞರು ಹೇಳಿದ್ದಾರೆ. ಅಧ್ಯಾತ್ಮಿಕ ಮಟ್ಟದಲ್ಲಿಯೂ ಇಂತಹ ಆಟಗಳಿಂದ ವ್ಯಕ್ತಿಯ ಮೇಲೆ ನಕಾರಾತ್ಮಕ ಪರಿಣಾಮಗಳಾಗುತ್ತವೆ – ಸಂಪಾದಕರು
ಯುವ ಪೀಳಿಗೆಗೆ ಧರ್ಮ ಶಿಕ್ಷಣವನ್ನು ನೀಡದಿರುವುದರಿಂದ ಅವರು ಗಣಕಯಂತ್ರದ ಆಟಗಳನ್ನು ಆಡುವ ವಿಕೃತಿಯೆಡೆಗೆ ಸೆಳೆಯಲ್ಪಟ್ಟಿದ್ದಾರೆ. ‘ಸಾಧನೆಯನ್ನು ಮಾಡುವುದೇ ಆನಂದಮಯ ಜೀವನವನ್ನು ನಡೆಸುವ ಮತ್ತು ಸಕಾರಾತ್ಮಕ, ಹಾಗೆಯೇ ಒತ್ತಡರಹಿತ ವಿಚಾರ ಮಾಡುವ ಮೂಲ ಮಂತ್ರವಾಗಿದೆ’ ಎಂಬುದನ್ನು ಯುವಕರ ಮನಸ್ಸಿನ ಮೇಲೆ ಬಿಂಬಿಸಬೇಕಾಗಿದೆ. ಯುವಕರು ಸಾಧನೆಯನ್ನು ಮಾಡಬೇಕು ಎಂಬುದಕ್ಕಾಗಿ ಸರಕಾರವು ವ್ಯಾಪಕ ಸ್ತರದಲ್ಲಿ ವ್ಯವಸ್ಥೆ ಮಾಡುವುದು ಆವಶ್ಯಕವಾಗಿದೆ! – ಸಂಪಾದಕರು

ನಾಗಪುರ – ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಮುಂಚೂಣಿಯಲ್ಲಿರುವ ಎಚ್.ಪಿ (ಹೇವ್ಲೆಟ್ ಪೇಕಾರ್ಡ್) ಈ ಸಂಸ್ಥೆಯು ರಾಜ್ಯದ ಪ್ರಮುಖ ನಗರಗಳಲ್ಲಿ ಗಣಕಯಂತ್ರದ ಆಟ (ಕಂಪ್ಯೂಟರ್ ಗೇಮ್) ಆಡುವ ವಿಷಯದಲ್ಲಿ ‘ಇಂಡಿಯಾ ಗೇಮಿಂಗ್ ಲ್ಯಾಂಡ್ಸ್ಕೇಪ್’ ಸಮೀಕ್ಷೆಯನ್ನು ನಡೆಸಿದೆ. ಇದರಲ್ಲಿ ಪುರುಷರ ತುಲನೆಯಲ್ಲಿ ಮಹಿಳೆಯರಿಗೆ ಗಣಕಯಂತ್ರದ ಆಟಗಳನ್ನು ಆಡುವ ಮತ್ತು ಅದನ್ನೇ ವೃತ್ತಿ ಮಾಡಿಕೊಳ್ಳುವ ಆಸಕ್ತಿಯು ಹೆಚ್ಚಾಗಿದೆ’ ಎಂಬ ಮಾಹಿತಿಯು ಗಮನಕ್ಕೆ ಬಂದಿದೆ. ಈ ಸಮೀಕ್ಷೆಯಲ್ಲಿ ಶೇ. 87 ರಷ್ಟು ಪುರುಷರು ಮತ್ತು ಶೇ. 91ರಷ್ಟು ಮಹಿಳೆಯರಿಗೆ ಇಂತಹ ಆಟಗಳಲ್ಲಿ ಆಸಕ್ತಿ ಇದೆ ಎಂಬುದು ತಿಳಿದುಬಂದಿದೆ.

ಕಳೆದ ಅನೇಕ ವರ್ಷಗಳಿಂದ ‘ಆನ್ಲೈನ್’ಆಟಗಳನ್ನು ಆಡುವಲ್ಲಿ ಗಮನಾರ್ಹ ಹೆಚ್ಚಳವಾಗಿದೆ. ಎಚ್.ಪಿ ಮಾಡಿರುವ ಸಮೀಕ್ಷೆಯಲ್ಲಿ ನಾಗಪುರದಲ್ಲಿನ ಆನ್ಲೈನ್ ಆಟಗಳನ್ನು ಆಡುವ ಶೇ. 96 ರಷ್ಟು ಜನರಲ್ಲಿ ಇದರಲ್ಲಿಯೇ ವೃತ್ತಿ ಮಾಡಿಕೊಳ್ಳುವ ಆಸಕ್ತಿಯಿದೆ. ಮುಂಬೈನಲ್ಲಿ ಈ ಪ್ರಮಾಣವು ಶೇ. 95 ರಷ್ಟಿದ್ದರೆ ಪುಣೆಯಲ್ಲಿ ಶೇ. 75 ರಷ್ಟಿದೆ. ಗಣಕಯಂತ್ರದ ಆಟಗಳನ್ನು ಆಡಲು ಗಣಕಯಂತ್ರಗಳ ಖರೀದಿಯ ಪ್ರಮಾಣವು ಮುಂಬೈನಲ್ಲಿ ಶೇ. 78ರಷ್ಟು ಆದರೆ ನಾಗಪುರದಲ್ಲಿ ಶೇ. 65ರಷ್ಟು ಹಾಗೂ ಪುಣೆಯಲ್ಲಿ ಶೇ. 53 ರಷ್ಟಿದೆ.