ಚಾರ್ ಧಾಮ್ ಸಹಿತ ೫೧ ದೊಡ್ಡ ದೇವಾಲಯಗಳನ್ನು ಶೀಘ್ರದಲ್ಲೇ ಸರಕಾರಿಕರಣದಿಂದ ಮುಕ್ತಗೊಳಿಸಲಾಗುವುದು !

ಉತ್ತರಾಖಂಡ ಮುಖ್ಯಮಂತ್ರಿ ತಿರಥಸಿಂಹ ರಾವತ ಅವರಿಂದ ಬಹು ದೊಡ್ಡ ನಿರ್ಧಾರ

ತಿರಥಸಿಂಹ ರಾವತ ಅವರ ಆದರ್ಶವನ್ನು ಪಡೆದು, ಈಗ ದೇಶದ ಇತರ ರಾಜ್ಯಗಳ ಮುಖ್ಯಮಂತ್ರಿಗಳು ತಮ್ಮ ರಾಜ್ಯಗಳಲ್ಲಿನ ಸಾವಿರಾರು ದೇವಾಲಯಗಳನ್ನು ಸರಕಾರಿಕರಣದಿಂದ ಮುಕ್ತಗೊಳಿಸಿ ಭಕ್ತರಿಗೆ ಒಪ್ಪಿಸಬೇಕು !

ಹರಿದ್ವಾರ (ಉತ್ತರಾಖಂಡ) – ರಾಜ್ಯದ ಮುಖ್ಯಮಂತ್ರಿ ತಿರಥಸಿಂಹ ರಾವತ ಇವರು, ಬದ್ರಿನಾಥ, ಕೇದಾರನಾಥ, ಯಮುನೋತ್ರಿ ಮತ್ತು ಗಂಗೋತ್ರಿ ಈ ಚಾರ್ ಧಾಮ್ಗಳು ಸೇರಿದಂತೆ ೫೧ ದೊಡ್ಡ ದೇವಾಲಯಗಳನ್ನು ಶೀಘ್ರದಲ್ಲೇ ದೇವಸ್ಥಾನ ಬೋರ್ಡ್‍ನಿಂದ ಅಂದರೆ ಸರಕಾರಿಕರಣದಿಂದ ಮುಕ್ತಗೊಳಿಸಲಾಗುವುದು ಎಂದು ಘೋಷಿಸಿದ್ದಾರೆ. ರಾಜ್ಯದ ಮಾಜಿ ಮುಖ್ಯಮಂತ್ರಿ ತ್ರಿವೇಂದ್ರಸಿಂಹ ರಾವತ್ ರು ಈ ದೇವಾಲಯಗಳನ್ನು ಸರಕಾರೀಕರಣಗೊಳಿಸುವ ನಿರ್ಧಾರ ಕೈಗೊಂಡಿದ್ದರು. ತಿರಥಸಿಂಹ ರಾವತ ಇವರು ‘ದೇವಸ್ಥಾನ ಬೋರ್ಡ್ ಬಗ್ಗೆ ಮರುಪರಿಶೀಲಿಸಲಾಗುವುದು’ ಎಂದು ಹೇಳಿದ್ದಾರೆ. ಹರಿದ್ವಾರ ಪ್ರವಾಸದಲ್ಲಿದ್ದಾಗ, ವಿಶ್ವ ಹಿಂದೂ ಪರಿಷತ್ ಕರೆದಿದ್ದ ಸಾಧುಗಳ ಮತ್ತು ಸಂತರ ಸಭೆಯಲ್ಲಿ ಅವರು ಈ ಭರವಸೆಯನ್ನು ನೀಡಿದರು. ಕಳೆದ ತಿಂಗಳು ಚಾರ್ ಧಾಮ್ ದ  ಪುರೋಹಿತರು ಮುಖ್ಯಮಂತ್ರಿ ತಿರಥಸಿಂಹ ರಾವತ್ ಅವರನ್ನು ಭೇಟಿಯಾಗಿ ದೇವಸ್ಥಾನ ಬೋರ್ಡ್‍ಅನ್ನು ವಿಸರ್ಜಿಸುವಂತೆ ಒತ್ತಾಯಿಸಿದ್ದರು. ಈ ಬೋರ್ಡ್‍ಅನ್ನು ಮಾಜಿ ಮುಖ್ಯಮಂತ್ರಿ ತ್ರಿವೇಂದ್ರ ಸಿಂಹ ರಾವತ್ ಅವರು ೨೦೧೯ ರಲ್ಲಿ ರಚಿಸಿದ್ದರು. ಆ ನಂತರ ಪುರೋಹಿತರು ಇದನ್ನು ವಿರೋಧಿಸಿದ್ದರು. ಬಿಜೆಪಿ ಸಂಸದ ಡಾ. ಸುಬ್ರಹ್ಮಣ್ಯಂ ಸ್ವಾಮಿಯವರು ಸಹ ಇದನ್ನು ವಿರೋಧಿಸಿದ್ದರು. ಇದರ ವಿರುದ್ಧ ನ್ಯಾಯಾಲಯದಲ್ಲಿ ಅರ್ಜಿಯನ್ನುಸಹ ಸಲ್ಲಿಸಲಾಗಿದೆ.

ತಿರಥಸಿಂಹ ರಾವತ್ ತಮ್ಮ ಮಾತನ್ನು ಮುಂದುವರೆಸುತ್ತಾ,

೧. ರಾಜ್ಯ ಸರಕಾರವು ಶೀಘ್ರದಲ್ಲೇ ಸಾಧು, ಸಂತ ಮತ್ತು ತೀರ್ಥಕ್ಷೇತ್ರಗಳ ಪುರೋಹಿತರೊಂದಿಗೆ ಈ ಕುರಿತು ಗಂಭೀರ ಚರ್ಚೆ ನಡೆಸಲಿದೆ. ಚಾರ್ ಧಾಮ್ ಸಂಪ್ರದಾಯವು ಶಂಕರಾಚಾರ್ಯರ ಕಾಲದಿಂದಲೂ ನಡೆಯುತ್ತಿದೆ ಮತ್ತು ಅದನ್ನು ಮುಂದುವರಿಸಲಾಗುವುದು.

೨. ಯಾರ ಹಕ್ಕುಗಳನ್ನು ಯಾರಿಂದಲೂ ಕಸಿದುಕೊಳ್ಳಲಾಗುವುದಿಲ್ಲ. ಪ್ರಾಚೀನ ಕಾಲದಿಂದಲೂ ಚಾರಧಾಮನ ವ್ಯವಸ್ಥೆ ಮಾಡಲಾಗಿದೆ ಮತ್ತು ಅದನ್ನು ಮುಂದುವರಿಸಲಾಗುವುದು. ಇದರಲ್ಲಿ ಯಾವುದೇ ಬದಲಾವಣೆ ಮಾಡಲಾಗುವುದಿಲ್ಲ. ಯಾರ ಅಧಿಕಾರಗಳನ್ನು ಮೊಟಕುಗೊಳಿಸುವುದಿಲ್ಲ. ಈ ಪ್ರಕರಣದಲ್ಲಿ ನನ್ನಬಳಿ ಇರುವ ಅಧಿಕಾರಕ್ಕನುಸಾರ ಏನೆಲ್ಲಾ ಸಾಧ್ಯವೋ ಅದನ್ನೆಲ್ಲಾ ಮಾಡಲಾಗುವುದು. ಸಂತರನ್ನು ನಿರಾಶೆಗೊಳಿಸುವುದಿಲ್ಲ. ಎಂದು ಹೇಳಿದ್ದಾರೆ.