ವಿಶ್ವದ ದೊಡ್ಡ ಜನಸಂಖ್ಯೆಯನ್ನು ’ಪರಿಸರ ಯೋಧರನ್ನಾಗಿ’ ಮಾಡುವ ಶಕ್ತಿ ಧರ್ಮಕ್ಕಿದೆ ! – ವಿಶ್ವಸಂಸ್ಥೆ

ಪರಿಸರವನ್ನು ರಕ್ಷಿಸಲು ವಿಶ್ವಸಂಸ್ಥೆಯು ಧಾರ್ಮಿಕ ಮುಖಂಡರ ಸಹಾಯವನ್ನು ಪಡೆಯಲಿದೆ!

ನವದೆಹಲಿ : ಹವಾಮಾನ ಬದಲಾವಣೆಯನ್ನು ನಿಗ್ರಹಿಸುವ ಎಲ್ಲಾ ಪ್ರಯತ್ನಗಳಿಂದ, ವಿಶ್ವದ ದೊಡ್ಡ ಜನಸಂಖ್ಯೆಯನ್ನು‘’ಪರಿಸರ ಯೋಧ’ನನ್ನಾಗಿ ಮಾಡುವ ಶಕ್ತಿ ಕೇವಲ ಧರ್ಮದಲ್ಲಿ ಮಾತ್ರವಿದೆ ಎಂಬ ತೀರ್ಮಾನಕ್ಕೆ ನಾವು ಬಂದಿದ್ದೇವೆ. ವಿಜ್ಞಾನವು ಅಂಕಿಅಂಶಗಳನ್ನು ನೀಡಬಹುದು; ಆದರೆ ಶ್ರದ್ಧೆಯೇ ಭೂಮಿಯನ್ನು ಉಳಿಸುವ ಬಯಕೆಯನ್ನು ಸೃಷ್ಟಿಸಬಹುದು ಎಂದು ವಿಶ್ವಸಂಸ್ಥೆಯ ಪರಿಸರ ಕಾರ್ಯಕ್ರಮದ (ಯುಎನ್‌ಇಪಿ)ಅಂತರ್ಗತ ‘ಫೆತ್ ಫಾರ್ ಅರ್ತ್’ ಅಭಿಯಾನದ ನಿರ್ದೇಶಕ ಡಾ. ಇಯಾದ್ ಅಬು ಮೊಗ್ಲಿ ಪ್ರತಿಪಾದಿಸಿದ್ದಾರೆ. ವಿಶ್ವದಾದ್ಯಂತದ ಧಾರ್ಮಿಕ ಸಂಸ್ಥೆಗಳು, ಧರ್ಮಗುರುಗಳು ಮತ್ತು ಆಧ್ಯಾತ್ಮಿಕ ಮುಖಂಡರ ಸಹಾಯದಿಂದ, ೨೦೩೦ ರ ವೇಳೆಗೆ ಭೂಮಿಯ ಶೇಕಡಾ ೩೦ ರಷ್ಟು ಭಾಗವನ್ನು ಅದರ ಮೂಲ ನೈಸರ್ಗಿಕ ಸ್ಥಿತಿಗೆ ಪರಿವರ್ತಿಸುವ ಗುರಿಯೇ ಈ ಕಾರ್ಯಕ್ರಮದ ಮುಖ್ಯ ಉದ್ದೇಶವಾಗಿದೆ.

ಡಾ. ಇಯಾದ ಇವರ ಪ್ರಕಾರ ಪರಿಸರ ರಕ್ಷಣೆಗಾಗಿ ವಿಶ್ವದಾದ್ಯಂತವಿರುವ ಧಾರ್ಮಿಕ ಸಂಸ್ಥೆಗಳಿಂದ ಎಷ್ಟು ಬೇಕೋ ಅಷ್ಟು ಬೆಂಬಲ ಸಿಗುತ್ತಿಲ್ಲ ಎಂದು ಇಯಾದ್ ಹೇಳುತ್ತಾರೆ. ವಿಶ್ವದ ಜನಸಂಖ್ಯೆಯ ಎಂಭತ್ತು ಪ್ರತಿಶತ ಜನರು ಧಾರ್ಮಿಕ ನೈತಿಕತೆಯನ್ನು ಪಾಲಿಸುತ್ತಾರೆ. ಇದರಿಂದ, ಈ ಸಂಘಟನೆಯ ಸಾಮರ್ಥ್ಯದ ಕಲ್ಪನೆ ಬರುತ್ತದೆ. ಈ ಸಂಸ್ಥೆಗಳ ಒಟ್ಟು ಸಂಪತ್ತನ್ನು ಒಟ್ಟುಗೂಡಿಸಿದರೆ, ಇದು ವಿಶ್ವದ ನಾಲ್ಕನೇ ಅತಿದೊಡ್ಡ ಆರ್ಥಿಕತೆಯಾಗಬಲ್ಲದು. ವಿಶ್ವದ ಶೇಕಡಾ ೧೦ ರಷ್ಟು ಭೂಮಿಯು ನಿಯಂತ್ರಣವು ಈ ಸಂಸ್ಥೆಗಳಲ್ಲಿದೆ. ಧಾರ್ಮಿಕ ಸಂಸ್ಥೆಗಳಲ್ಲಿ ಶೇ ೬೦ ರಷ್ಟು ಶಾಲೆಗಳು ಮತ್ತು ೫೦ ರಷ್ಟು ಆಸ್ಪತ್ರೆಗಳಿವೆ. ಮಾನವ ಕಲ್ಯಾಣಕ್ಕಾಗಿ ಈ ಶಕ್ತಿಯನ್ನು ಮುಖ್ಯವಾಹಿನಿಗೆ ತರುವ ಉದ್ದೇಶದಿಂದ ’ಫೇತ್ ಫಾರ್ ಅರ್ಥ್’ ಅಭಿಯಾನ ಹುಟ್ಟಿಕೊಂಡಿದೆ. ಈ ವರ್ಷ ವಿಶ್ವದ ಧಾರ್ಮಿಕ ಮುಖಂಡರ ಸಂಸತ್ತು ಜಿನೀವಾದಲ್ಲಿ ನಡೆಯಲಿದೆ. ಇದರಲ್ಲಿ ’ಧಾರ್ಮಿಕ ಇಕೋ-ಯೋಧರು’ ಕೂಡ ಬರಲಿದ್ದಾರೆ. ವಿಜ್ಞಾನ ಮತ್ತು ಧಾರ್ಮಿಕ-ಆಧ್ಯಾತ್ಮಿಕ ನೀತಿಗಳನ್ನು ಸಂಯೋಜಿಸುವುದರಿಂದ ಈ ಅಭಿಯಾನಕ್ಕೆ ವ್ಯಾಪಕ ಸ್ವರೂಪವನ್ನು ನೀಡುವುವು.