೨೦೨೦ ರಲ್ಲಿ ಬಾಂಗ್ಲಾದೇಶದಲ್ಲಿ ೧೪೯ ಹಿಂದೂಗಳ ಹತ್ಯೆ ಹಾಗೂ ೨೬೨೩ ಹಿಂದೂಗಳು ಮತಾಂತರ

ಮುಸ್ಲಿಂ ಬಹುಸಂಖ್ಯಾತ ದೇಶದಲ್ಲಿ ಅಲ್ಪಸಂಖ್ಯಾತ ಹಿಂದೂಗಳ ಸ್ಥಿತಿ !

ಢಾಕಾ – ೨೦೨೦ ರಲ್ಲಿ ಬಾಂಗ್ಲಾದೇಶದಲ್ಲಿ ನಡೆದ ವಿವಿಧ ಘಟನೆಗಳಲ್ಲಿ ಒಟ್ಟು ೧೪೯ ಹಿಂದೂಗಳ ಹತ್ಯೆ ಮಾಡಲಾಗಿದ್ದರೆ, ೭೦೩೬ ಹಿಂದೂಗಳು ಗಾಯಗೊಂಡಿದ್ದಾರೆ. ಅಲ್ಲದೆ ೨ ಸಾವಿರ ೬೨೩ ಹಿಂದೂಗಳನ್ನು ಮತಾಂತರಗೊಳಿಸಿ ಅವರನ್ನು ಮುಸಲ್ಮಾನರನ್ನಾಗಿಸಲಾಯಿತು. ‘ಜಟಿಯಾ ಹಿಂದೂ ಮಹಾಜೋತ’ ಎಂಬ ಸಂಘಟನೆಯು ಪತ್ರಿಕಾಗೋಷ್ಠಿಯಲ್ಲಿ ಈ ಅಂಕಿ ಅಂಶಗಳನ್ನು ಬೆಳಕಿಗೆ ತಂದಿದೆ. ಈ ಸಂಖ್ಯೆ ೨೦೧೯ ವರ್ಷಕ್ಕಿಂತ ಹೆಚ್ಚಾಗಿದೆ. ೨೦೧೯ ರಲ್ಲಿ ವಿವಿಧ ಘಟನೆಗಳಲ್ಲಿ ೧೦೮ ಹಿಂದೂಗಳ ಹತ್ಯೆಯಾಗಿತ್ತು, ಹಾಗೂ ೪೮೪ ಹಿಂದೂಗಳು ಗಾಯಗೊಂಡಿದ್ದರು.

ಈ ಸಂಘಟನೆಯ ಪ್ರಧಾನ ಕಾರ್ಯದರ್ಶಿ ಗೋಬಿಂದ ಚಂದ್ರ ಪ್ರಮಾಣಿಕ ಇವರು,

೧. ಬಾಂಗ್ಲಾದೇಶದಲ್ಲಿ ಹಿಂದೂಗಳ ಮೇಲಿನ ದೌರ್ಜನ್ಯಗಳು ದಿನದಿಂದ ದಿನಕ್ಕೆ ಹೆಚ್ಚುತ್ತಿವೆ. ಕಳೆದ ಒಂದು ವರ್ಷದಲ್ಲಿ ೯೪ ಹಿಂದೂಗಳನ್ನು ಅಪಹರಿಸಲಾಗಿದೆ. ೨೦೧೯ ರಲ್ಲಿ ೭೬ ಹಿಂದೂಗಳನ್ನು ಅಪಹರಿಸಿದ್ದರೆ ೧೮ ಹಿಂದೂಗಳನ್ನು ಮತಾಂತರಗೊಳಿಸಲಾಯಿತು.

೨. ೨೦೨೦ ರಲ್ಲಿ ೫೩ ಹಿಂದೂ ಮಹಿಳೆಯರ ಮತ್ತು ಹುಡುಗಿಯರ ಮೇಲೆ ಅತ್ಯಾಚಾರ ಮಾಡಲಾಯಿತು ಮತ್ತು ೩೭೦ ದೇವಾಲಯಗಳಲ್ಲಿ ವಿಗ್ರಹಗಳನ್ನು ಧ್ವಂಸ ಮಾಡಲಾಗಿದೆ. ೨೦೧೯ ರಲ್ಲಿ ಈ ಸಂಖ್ಯೆಗಳು ಕ್ರಮವಾಗಿ ೪೨ ಮತ್ತು ೨೪೬ ಆಗಿದ್ದವು.

೩. ೨೦೨೦ ರಲ್ಲಿ ದೇವಾಲಯ ಧ್ವಂಸಗೊಳಿಸಿದ ೧೬೩ ಘಟನೆಗಳು ನಡೆದಿವೆ. ೨೦೧೯ ರಲ್ಲಿ ಇಂತಹ ೧೫೩ ಘಟನೆಗಳು ನಡೆದಿತ್ತು.

೪. ಕಳೆದ ವರ್ಷ ೨೧೨೫ ಹಿಂದೂ ಕುಟುಂಬಗಳನ್ನು ದೇಶ ತೊರೆಯಯವಂತೆ ಮಾಡಲಾಯಿತು. ೨೦೧೯ ರಲ್ಲಿ ೩೭೯ ಕುಟುಂಬಗಳು ದೇಶವನ್ನು ತೊರೆದಿದ್ದರು.

೫. ೨೦೨೦ ರಲ್ಲಿ ಹಿಂದೂಗಳ ಮೇಲೆ ವಿವಿಧ ದಾಳಿಗಳು ಮತ್ತು ದೌರ್ಜನ್ಯಗಳ ೪೦,೭೦೩ ಘಟನೆಗಳು ನಡೆದರೆ, ೨೦೧೯ ರಲ್ಲಿ ಇಂತಹ ೩೧,೫೦೫ ಘಟನೆಗಳು ನಡೆದಿವೆ ಎಂದು ಹೇಳಿದರು.