‘ಮಾವುಲಿ-ಮಾವುಲಿ’ಯ ಭಕ್ತಿಮಯ ಜಯಘೋಷದೊಂದಿಗೆ ಮಾಳಶಿರಸ ತಾಲೂಕಿನ ಠಾಕೂರಬುವಾ ಸಮಾಧಿಯ ಬಳಿ ನೆರವೇರಿದ ಮಾವುಲಿ ಪಲ್ಲಕ್ಕಿಯ ಮೂರನೇ ಗೋಲಾಕಾರದ ರಿಂಗಣ! : Sant Dnyaneshwar

ಸೋಲಾಪುರ – ಸಂತಶ್ರೇಷ್ಠ ಜ್ಞಾನೇಶ್ವರ ಮಹಾರಾಜರ ಪಲ್ಲಕ್ಕಿ ಸಮಾರಂಭದ ಮೂರನೇ ಹಾಗೂ ಕೊನೆಯ ಗೋಲಾಕಾರದ ‘ರಿಂಗಣ’ವು ಜುಲೈ ೨೨ ರಂದು ಮಾಳಶಿರಸ ತಾಲೂಕಿನ ಠಾಕೂರಬುವಾ ಸಮಾಧಿ ಮಂದಿರದ ಮುಂದೆ ‘ಮಾವುಲಿ-ಮಾವುಲಿ’ಯ ಘೋಷಣೆಯಿಂದ ಹಾಗೂ ಭಕ್ತಿಪರವಶತೆಯ ವಾತಾವರಣದಲ್ಲಿ ನೆರವೇರಿತು.

ಎರಡೂ ಕುದುರೆಗಳು ೩ ಸುತ್ತುಗಳನ್ನು ಪೂರ್ಣಗೊಳಿಸಿ ಭಕ್ತರ ಕಣ್ಣುಗಳಿಗೆ ಆನಂದವನ್ನು ನೀಡಿದವು. ರಿಂಗಣ ಸಮಾರಂಭದ ನಂತರ ಜಿಗಿತ, ಫುಗಡಿ, ಪಾವಲ್ಯಾ, ಕಾಟವಟ್, ಹುತುತು ಮುಂತಾದ ಸಾಂಪ್ರದಾಯಿಕ ಆಟಗಳನ್ನು ಪುರುಷ ಮತ್ತು ಮಹಿಳಾ ವಾರಕರಿಗಳು ಪ್ರದರ್ಶಿಸಿದರು. ಇದರ ನಂತರ, ಪಲ್ಲಕ್ಕಿಯನ್ನು ರಥದಲ್ಲಿ ಇರಿಸಿ, ಈ ಮೆರವಣಿಗೆಯು ಮಾವುಲಿ-ಸೋಪಾನದೇವ ಸಹೋದರರ ಭೇಟಿಗಾಗಿ ಭಂಡಿಶೇಗಾಂವ್‌ನಲ್ಲಿ ತಂಗಲು ಪಂಡರಪುರದ ಕಡೆಗೆ ಪ್ರಯಾಣ ಬೆಳೆಸಿತು.