ನವದಂಪತಿಗಾಗಿ ರೈಲು ಕೂಪ್ ಅಲಂಕರಿಸಿದ ಟಿಟಿಇ ಅಮಾನತು : Train Coupe Decoration

​

(ಕೂಪ್ ಎಂದರೆ ಇಬ್ಬರು ಪ್ರಯಾಣಿಕರಿಗೆ ಇರುವ ಪ್ರತ್ಯೇಕ ಮುಚ್ಚಿದ ಕೊಠಡಿ)

ಜಾಲನಾ – ನವ ವಿವಾಹಿತ ದಂಪತಿಯ ಮಧುಚಂದ್ರಕ್ಕಾಗಿ ನಂದಿಗ್ರಾಮ್ ಎಕ್ಸ್‌ಪ್ರೆಸ್‌ ನ ಪ್ರಥಮ ದರ್ಜೆ ಕೂಪ್ ಅನ್ನು ಅಲಂಕರಿಸಿದ ಆಘಾತಕಾರಿ ಘಟನೆ ಇಲ್ಲಿ ನಡೆದಿದೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕವಾಗಿ ಹರಿದಾಡುತ್ತಿದೆ. ಇದರ ಬೆನ್ನಲ್ಲೇ ರೈಲ್ವೆ ಇಲಾಖೆ ಇದನ್ನು ಗಂಭೀರವಾಗಿ ಪರಿಗಣಿಸಿ, ಟಿಕೆಟ್ ಪರೀಕ್ಷಕನನ್ನು (ಟಿ.ಸಿ.) ತಕ್ಷಣ ಅಮಾನತುಗೊಳಿಸಿದೆ.

​ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ರೈಲ್ವೆ ಇಲಾಖೆ ನೀಡಿರುವ ಮಾಹಿತಿ ಪ್ರಕಾರ,  ಜುಲೈ ೬, ೨೦೨೬ ರಂದು  ನವ ವಿವಾಹಿತ ದಂಪತಿ ರೈಲು ಸಂಖ್ಯೆ ೧೧೦೦೨ ನಂದಿಗ್ರಾಮ್ ಎಕ್ಸ್‌ಪ್ರೆಸ್‌ ನಲ್ಲಿ ಪ್ರಯಾಣಿಸುತ್ತಿದ್ದರು. ಈ ದಂಪತಿ ಓರ್ವ ಖಾಸಗಿ ಡೆಕೋರೇಟರ್‌ ಗೆ (ಅಲಂಕಾರಗಾರರಿಗೆ) ಅಲಂಕಾರ ಮಾಡಲು ‘ಆನ್‌ ಲೈನ್ ಆರ್ಡರ್’ ನೀಡಿದ್ದರು. ಈ ರೈಲು ಜಾಲನಾ ನಿಲ್ದಾಣಕ್ಕೆ ಬಂದಾಗ, ಸದರಿ ಅಲಂಕಾರಗಾರನು ರೈಲಿನೊಳಗೆ ಬಂದು ಈ ಕೂಪ್ ಅನ್ನು ಅಲಂಕರಿಸಿದ್ದಾನೆ. ರೈಲಿನ ಇಡೀ ಬೋಗಿಯನ್ನೇ ಪಂಚತಾರಾ ಹೋಟೆಲ್‌ ನಂತೆ ಅಲಂಕರಿಸಿದ್ದನು. ಬೋಗಿಯಲ್ಲಿ ರಂಗುರಂಗಿನ ಬಲೂನ್‌ಗಳು, ಸುಗಂಧಿತ ಹೂವುಗಳು, ಗುಲಾಬಿ ದಳಗಳು, ‘ಎಲ್‌ ಇಡಿ ಫೇರಿ ಲೈಟ್ಸ್’ ಮತ್ತು ಕೆಂಪು ಬಣ್ಣದ ಪರದೆಗಳನ್ನು ಹಾಕಲಾಗಿತ್ತು. ಅಲ್ಲದೇ ದಂಪತಿಯ ಆಸನದ ಬಳಿ ಪ್ರೇಮ ಸಂದೇಶವನ್ನೂ ಬರೆಯಲಾಗಿತ್ತು. ಅವರ ಆಸನ ಸೇರಿದಂತೆ ಬೋಗಿಯ ಇಡೀ ನೆಲವನ್ನು ಗುಲಾಬಿ ದಳಗಳಿಂದ ಅಲಂಕರಿಸಲಾಗಿತ್ತು.

​ರೈಲ್ವೆ ಅಧಿಕಾರಿಗಳ ಪ್ರಕಾರ, ಈ ಅಲಂಕಾರಗಾರನಿಗೆ ರೈಲಿನೊಳಗೆ ಪ್ರವೇಶಿಸಲು ಬಿಟ್ಟಿರುವುದು ಕಾನೂನು ಬಾಹಿರವಾಗಿದೆ. ಆದ್ದರಿಂದ ಆತನ ವಿರುದ್ಧವೂ ಕಾನೂನು ಕ್ರಮ ಕೈಗೊಳ್ಳಲಾಗುವುದು. ಸದರಿ ಟಿಕೆಟ್ ಪರೀಕ್ಷಕನು ಆ ಅಲಂಕಾರಗಾರನನ್ನು ರೈಲು ಹತ್ತದಂತೆ ತಡೆಯಬೇಕಿತ್ತು. ಈ ಘಟನೆಯು ರೈಲ್ವೆ ಸುರಕ್ಷತೆಯಲ್ಲಿ ನಡೆದ ದೊಡ್ಡ ಲೋಪವಾಗಿದೆ ಎಂದು ರೈಲ್ವೆ ಇಲಾಖೆ ಹೇಳಿದೆ.