ಕೇಂದ್ರ ಸರಕಾರದಿಂದ 16 ರೀತಿಯ ಮಿಶ್ರ ಔಷಧಗಳ ಮೇಲೆ ನಿಷೇಧ !

ನವದೆಹಲಿ – ಕೇಂದ್ರ ಸರಕಾರವು 16 ರೀತಿಯ ‘ಫಿಕ್ಸ್ಡ್-ಡೋಸ್ ಕಾಂಬಿನೇಷನ್’ (ಮಿಶ್ರ ಔಷಧಗಳು) ಉತ್ಪಾದನೆ, ಮಾರಾಟ ಮತ್ತು ವಿತರಣೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ಸಂಪೂರ್ಣವಾಗಿ ನಿಷೇಧಿಸಿದೆ. ಕೇಂದ್ರ ಆರೋಗ್ಯ ಸಚಿವಾಲಯವು ‘ಔಷಧ ಮತ್ತು ಸೌಂದರ್ಯವರ್ಧಕ ಕಾಯ್ದೆ’ಯ ಸೆಕ್ಷನ್ 26ಎ ಅಡಿಯಲ್ಲಿ ಈ ಆದೇಶವನ್ನು ಹೊರಡಿಸಿದೆ. ಸುಪ್ರೀಂ ಕೋರ್ಟ್ ಆದೇಶದ ನಂತರ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ.

ಈ ಔಷಧಗಳು ಕಾಯಿಲೆಗಳನ್ನು ಗುಣಪಡಿಸಲು ಅಷ್ಟಾಗಿ ಪರಿಣಾಮಕಾರಿಯಾಗಿಲ್ಲ, ಬದಲಿಗೆ ಇವುಗಳ ಬಳಕೆಯಿಂದ ಜನರ ಆರೋಗ್ಯಕ್ಕೆ ದೊಡ್ಡ ಅಪಾಯ ಉಂಟಾಗಬಹುದು ಎಂಬ ಕಾರಣದಿಂದಾಗಿ ಈ ನಿಷೇಧ ಹೇರಲಾಗಿದೆ. ಸುಪ್ರೀಂ ಕೋರ್ಟ್ ನಿರ್ದೇಶನದಂತೆ ‘ಡ್ರಗ್ಸ್ ಟೆಕ್ನಿಕಲ್ ಅಡ್ವೈಸರಿ ಬೋರ್ಡ್’ ಒಂದು ತಜ್ಞರ ಸಮಿತಿಯನ್ನು ರಚಿಸಿತ್ತು. ಈ ಸಮಿತಿಯು ‘ಕ್ಲಿನಿಕಲ್ ಡೇಟಾ’ ಮತ್ತು ಔಷಧಗಳ ಪರಿಣಾಮಗಳ ಬಗ್ಗೆ ಆಳವಾದ ಅಧ್ಯಯನ ನಡೆಸಿತು. ತದನಂತರ, ಈ 16 ಮಿಶ್ರ ಔಷಧಗಳು ರೋಗಿಗಳಿಗೆ ನಿರುಪಯುಕ್ತ ಮತ್ತು ಹಾನಿಕಾರಕ ಎಂದು ತಿಳಿಸಿ, ಇವುಗಳನ್ನು ಮಾರುಕಟ್ಟೆಯಿಂದ ತಕ್ಷಣವೇ ಹಿಂಪಡೆಯುವಂತೆ ಶಿಫಾರಸು ಮಾಡಿದೆ.

ನಿಷೇಧಿಸಲಾದ 16 ಔಷಧಗಳ ಹೆಸರುಗಳು:

1. ಅಸಿಟೈಲ್ ಸ್ಯಾಲಿಸಿಲಿಕ್ ಆಸಿಡ್ + ಇಥೋಹೆಪ್ಟಾಜಿನ್
2. ಅಲೋವೆರಾ ಸಾರ (ಲೋಳೆಸರ) + ಅಲಂಟೊಯಿನ್ + ಆಲ್ಫಾ ಟೊಕೊಫೆರಾಲ್ ಅಸಿಟೇಟ್ + ಡಿ-ಪ್ಯಾಂಥೆನಾಲ್ + ವಿಟಮಿನ್ ಎ
3. ಅಲೋವೆರಾ ಸಾರ + ವಿಟಮಿನ್ ಇ + ಡೈಮೆಥಿಕೋನ್ + ಗ್ಲಿಸರಿನ್
4. ಅಲೋವೆರಾ + ಜೊಜೊಬಾ ಆಯಿಲ್ + ವಿಟಮಿನ್ ಇ
5. ಅಲೋವೆರಾ + ಆರೆಂಜ್ ಆಯಿಲ್
6. ಅಲೋವೆರಾ + ಜೊಜೊಬಾ ಆಯಿಲ್ + ಗೋಧಿ ಎಣ್ಣೆ (ವ್ಹೀಟ್ ಜರ್ಮ್ ಆಯಿಲ್) + ಟೀ ಟ್ರೀ ಆಯಿಲ್
7. ಅಲೋವೆರಾ + ವಿಟಮಿನ್ ಇ + ಹರ್ಬಲ್ ಮಿಶ್ರಣ
8. ಡೈಸೈಕ್ಲೋಮೈನ್ + ಪ್ಯಾರಸಿಟಮಾಲ್ + ಕ್ಲಿಡಿನಿಯಮ್ ಬ್ರೋಮೈಡ್
9. ಡೈಸೈಕ್ಲೋಮೈನ್ + ಪ್ಯಾರಸಿಟಮಾಲ್ + ಕ್ಲಿಡಿನಿಯಮ್ ಬ್ರೋಮೈಡ್ + ಕ್ಲೋರ್ಡಿಯಾಜೆಪಾಕ್ಸೈಡ್
10. ಗ್ಲೈಕ್ಲಾಜೈಡ್ + ಕ್ರೋಮಿಯಂ ಪಿಕೋಲಿನೇಟ್
11. ಪ್ಯಾರಸಿಟಮಾಲ್ + ಲಿಗ್ನೋಕೇನ್
12. ಅಮೋಕ್ಸಿಸಿಲಿನ್ + ಸೆರಾಟಿಯೋಪೆಪ್ಟಿಡೇಸ್ + ಲ್ಯಾಕ್ಟೋಬಾಸಿಲಸ್ ಸ್ಪೊರೊಜೆನ್ಸ್
13. ಅಮೋಕ್ಸಿಸಿಲಿನ್+ಕ್ಲೋಕ್ಸಾಸಿಲಿನ್+ಲ್ಯಾಕ್ಟಿಕ್ ಆಸಿಡ್ ಬ್ಯಾಸಿಲಸ್+ಸೆರಾಟಿಯೋಪೆಪ್ಟಿಡೇಸ್
14. ಅಮೋಕ್ಸಿಸಿಲಿನ್+ಸೆರಾಟಿಯೋಪೆಪ್ಟಿಡೇಸ್
15. ಸೆಫಾಡ್ರಾಕ್ಸಿಲ್+ಪ್ರೊಬೆನೆಸಿಡ್
16. ಸೆಫ್ಯುರಾಕ್ಸಿಮ್+ಸೆರಾಟಿಯೋಪೆಪ್ಟಿಡೇಸ್