ಸಂಘವು ವ್ಯಕ್ತಿಗೆ ದೇಶಭಕ್ತಿಯನ್ನು ಕಲಿಸುವ ಸಂಸ್ಥೆ: ನೋಂದಣಿಯ ಅಗತ್ಯವಿಲ್ಲ! – ಸಿ.ಟಿ. ರವಿ

ಬೆಂಗಳೂರು – ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಮೇಲೆ 3 ಬಾರಿ ನಿಷೇಧ ಹೇರಲಾಗಿತ್ತು. 2 ಬಾರಿ ನ್ಯಾಯಾಲಯವು, ಒಮ್ಮೆ ಸರಕಾರವು ಅದನ್ನು ಹಿಂತೆಗೆದುಕೊಂಡಿತು. ನಿಮ್ಮ ಪ್ರಶ್ನೆಗಳ ಬಗ್ಗೆ ಸರಕಾರ ಮತ್ತು ನ್ಯಾಯಾಲಯದ ಮಟ್ಟದಲ್ಲಿ ಚರ್ಚೆ ನಡೆದಿದೆ. ಸಂವಿಧಾನವು ಸಂಸ್ಥೆಗಳಿಗೆ ನೋಂದಾಯಿತ ಮತ್ತು ನೋಂದಾಯಿತವಲ್ಲದ ರೂಪದಲ್ಲಿ ಕೆಲಸ ಮಾಡಲು ಅವಕಾಶ ನೀಡಿದೆ. ಸಂಘವು ಆರ್ಥಿಕ ನೆರವು ಪಡೆದಿದ್ದರೆ ಅಥವಾ ಅದರ ಸೊಸೈಟಿ, ಪಕ್ಷ, ಟ್ರಸ್ಟ್ ಇದ್ದರೆ ಮಾತ್ರ ನೋಂದಣಿ ಮಾಡುವುದು ಅಗತ್ಯವಾಗಿದೆ. ಸಂಘವು ಸೊಸೈಟಿ, ಟ್ರಸ್ಟ್ ಅಥವಾ ಸಂಸ್ಥೆಯಲ್ಲ. ಇದು ವ್ಯಕ್ತಿಗೆ ದೇಶಭಕ್ತಿಯನ್ನು ಕಲಿಸುವ ಸಂಘಟನೆಯಾಗಿದೆ. ಆದ್ದರಿಂದ ನೋಂದಣಿ ಮಾಡುವ ಅಗತ್ಯವಿಲ್ಲ ಎಂದು ಭಾಜಪ ಶಾಸಕ ಸಿ.ಟಿ. ರವಿ ಅವರು ರಾಜ್ಯದ ಗೃಹ ಸಚಿವ ಪ್ರಿಯಾಂಕ್ ಖರ್ಗೆ ಅವರಿಗೆ ತಕ್ಕ ಪ್ರತ್ಯುತ್ತರ ನೀಡಿದರು. ಪ.ಪೂ. ಸರಸಂಘಚಾಲಕ ಡಾ. ಮೋಹನ್ ಜಿ ಭಾಗವತ್ ಅವರಿಗೆ ಖರ್ಗೆ ಅವರು ಬರೆದ ಪತ್ರದ ಬಗ್ಗೆ ಶಾಸಕ ರವಿ ವಿಧಾನಸಭೆಯಲ್ಲಿ ಮಾತನಾಡುತ್ತಿದ್ದರು.

ರವಿ ಅವರು ಮುಂದೆ ಮಾತನಾಡುತ್ತಾ, ಸಂಘದ ಬಗ್ಗೆ ಕುತೂಹಲವಿದ್ದರೆ, ಖರ್ಗೆ ಅವರು ಶಾಖೆಯನ್ನು ನೋಡಲಿ. ಯಾವುದೇ ಶಾಖೆಗೆ ಹೋಗಿ ಸಂಘದ ಬಗ್ಗೆ ತಿಳಿದುಕೊಳ್ಳಬೇಕು. 100 ವರ್ಷಗಳಿಂದ ಸಂಘದ ಬಗ್ಗೆ ಅಪಪ್ರಚಾರ ಮಾಡುವ ಕೆಲಸ ನಡೆಯುತ್ತಿದೆ. ಪೂರ್ವಗ್ರಹ ಪೀಡಿತರಾಗಿ ಮತ್ತು ದ್ವೇಷದಿಂದ ನೋಡಿದರೆ ಸಂಘ ಅರ್ಥವಾಗುವುದಿಲ್ಲ. ಶಾಖೆಗೆ ಬಂದರೆ ಖರ್ಗೆ ಅವರ ಅಹಂಕಾರಕ್ಕೆ ಪೆಟ್ಟು ಬೀಳಬಹುದು. ಶಾಖೆಗೆ ಬಂದರೆ ಅಹಂಕಾರ ಕಡಿಮೆಯಾಗುತ್ತದೆ.