ಮೊದಲ ಪ್ರಧಾನಿ ಜವಾಹರಲಾಲ್ ನೆಹರು ಅವರನ್ನು ಹಿಂದಿಕ್ಕಿದರು
ನವದೆಹಲಿ – ಸುಮಾರು 40 ವರ್ಷಗಳ ಪ್ರಭಾವಶಾಲಿ ರಾಜಕೀಯ ಜೀವನದ ನಂತರ ನರೇಂದ್ರ ಮೋದಿ ಅವರು ಚುನಾಯಿತರಾಗಿ ಮತ್ತು ಅತ್ಯಂತ ದೀರ್ಘಕಾಲ, ಅಂದರೆ ಸತತವಾಗಿ 12 ವರ್ಷಗಳ ಕಾಲ ಅಧಿಕಾರಾವಧಿಯನ್ನು ನಿಭಾಯಿಸಿದ ಭಾರತದ ಮೊದಲ ಪ್ರಧಾನಮಂತ್ರಿಯಾಗಿದ್ದಾರೆ. ಈ ಸಂದರ್ಭದಲ್ಲಿ ದೇಶ ಮತ್ತು ವಿದೇಶಗಳ ನಾಯಕರು ಪ್ರಧಾನಿ ಮೋದಿ ಅವರಿಗೆ ಶುಭ ಹಾರೈಸಿದ್ದಾರೆ.
ಪ್ರಧಾನಿ ಮೋದಿ ಅವರು ಜೂನ್ 10 ರಂದು ಪ್ರಧಾನಿಯಾಗಿ ಒಟ್ಟು 4 ಸಾವಿರದ 399 ದಿನಗಳನ್ನು ಪೂರೈಸಿದ್ದಾರೆ. ಅವರು ಜವಾಹರಲಾಲ್ ನೆಹರು ಅವರ 4 ಸಾವಿರದ 398 ದಿನಗಳ ಕಾಲ ಪ್ರಧಾನಿ ಹುದ್ದೆಯಲ್ಲಿದ್ದ ದಾಖಲೆಯನ್ನು ಮುರಿದಿದ್ದಾರೆ. ಮೇ 2014 ರಲ್ಲಿ ಪ್ರಧಾನಿ ಹುದ್ದೆಯ ಜವಾಬ್ದಾರಿಯನ್ನು ವಹಿಸಿಕೊಳ್ಳುವ ಮೊದಲು ಪ್ರಧಾನಿ ಮೋದಿ ಅವರು ಸುಮಾರು 13 ವರ್ಷಗಳ ಕಾಲ ಗುಜರಾತ್ನ ಮುಖ್ಯಮಂತ್ರಿಯಾಗಿ ಕೆಲಸ ಮಾಡಿದ್ದರು. ಇದರಿಂದಾಗಿ ಕೆಲವೇ ದಿನಗಳ ಹಿಂದೆ ಅವರು ಅತ್ಯಂತ ದೀರ್ಘಕಾಲ, ಅಂದರೆ 25 ವರ್ಷಗಳಿಗಿಂತ ಹೆಚ್ಚು ಕಾಲ ಸರಕಾರದ ಮುಖ್ಯಸ್ಥರಾಗಿ ಉಳಿದ ದಾಖಲೆಯನ್ನು ಬರೆದಿದ್ದರು.
ಪ್ರಧಾನಿ ಮೋದಿ ಅವರ ಪ್ರಧಾನಮಂತ್ರಿ ಅವಧಿಯಲ್ಲಿ ಅನೇಕ ಐತಿಹಾಸಿಕ ನಿರ್ಧಾರಗಳನ್ನು ತೆಗೆದುಕೊಳ್ಳಲಾಗಿದೆ. ಇದರಲ್ಲಿ ನೋಟು ಅಮಾನ್ಯೀಕರಣ, ಭಾರತೀಯ ಸಂವಿಧಾನದ ವಿಧಿ 370 ರದ್ದತಿ, ಉರಿ ಸರ್ಜಿಕಲ್ ಸ್ಟ್ರೈಕ್, ಬಾಲಾಕೋಟ್ ಸ್ಟ್ರೈಕ್ ಮತ್ತು ಆಪರೇಷನ್ ಸಿಂಧೂರ್ ನಂತಹ ನಿರ್ಧಾರಗಳು ಸೇರಿವೆ. ಕೊರೊನಾ ಸಾಂಕ್ರಾಮಿಕ ಮತ್ತು ವಿವಿಧ ಯುದ್ಧಗಳಂತಹ ಜಾಗತಿಕ ಸವಾಲುಗಳ ಕಾಲದಲ್ಲೂ ಪ್ರಧಾನಿ ಮೋದಿ ಅವರು ದೇಶವನ್ನು ಯಶಸ್ವಿಯಾಗಿ ಮುನ್ನಡೆಸಿದರು.
ಜಾಗತಿಕ ನಾಯಕರಿಂದ ಅಭಿನಂದನೆಗಳ ಮಹಾಪೂರ !
1. ಪ್ರಧಾನಿ ಮೋದಿ ಅವರಿಗೆ ಅಭಿನಂದನೆಗಳು ! ಇತ್ತೀಚಿನ ಕೆಲವು ವಾರಗಳಲ್ಲಿ ರೋಮ್ನಲ್ಲಿ ಮತ್ತೆ ಭೇಟಿಯಾಗುವುದು ಮತ್ತು ನಮ್ಮ ರಾಷ್ಟ್ರಗಳಿಗಾಗಿ ಹೊಸ ಅವಕಾಶಗಳನ್ನು ಸೃಷ್ಟಿಸುವ ನಿಟ್ಟಿನಲ್ಲಿ ಭವಿಷ್ಯದತ್ತ ಮುಖ ಮಾಡುವ ‘ವಿಶೇಷ ಕಾರ್ಯತಂತ್ರದ ಪಾಲುದಾರಿಕೆ’ಯನ್ನು ಜಂಟಿಯಾಗಿ ಪ್ರಾರಂಭಿಸುವುದು ಒಂದು ಆನಂದದಾಯಕ ಅನುಭವವಾಗಿತ್ತು. – ಜಾರ್ಜಿಯಾ ಮೆಲೋನಿ, ಪ್ರಧಾನಿ, ಇಟಲಿ
2. ಈ ಮೈಲಿಗಲ್ಲು ಕೇವಲ ನಿಮ್ಮ ಅಧಿಕಾರಾವಧಿಯದ್ದು ಮಾತ್ರವಲ್ಲ, ಬದಲಿಗೆ ವಿಶ್ವದ ಅತಿ ದೊಡ್ಡ ಪ್ರಜಾಪ್ರಭುತ್ವದ ಜನರು ನಿಮ್ಮ ನಾಯಕತ್ವದ ಮೇಲೆ ಪದೇ ಪದೇ ಇಟ್ಟಿರುವ ವಿಶ್ವಾಸದ ಪುರಾವೆಯಾಗಿದೆ. ನಿಮ್ಮ ದೂರದೃಷ್ಟಿಯು ಭಾರತದ ಗಡಿಗಳನ್ನು ಮೀರಿ, ವಿಶೇಷವಾಗಿ ಶ್ರೀಲಂಕಾದಲ್ಲೂ ಅನೇಕರಿಗೆ ಪ್ರೇರಣೆ ನೀಡಿದೆ ! – ಅನುರ ಕುಮಾರ ದಿಸ್ಸಾನಾಯಕೆ, ಅಧ್ಯಕ್ಷರು, ಶ್ರೀಲಂಕಾ
3. ಪ್ರಧಾನಿ ಮೋದಿ ಅವರ ಈ ಸಾಧನೆಯು ಅವರ ಹಲವು ವರ್ಷಗಳ ಸಮರ್ಪಿತ ಜನಸೇವೆಯ ಮತ್ತು ಭಾರತದ ಅಭಿವೃದ್ಧಿ, ಸಮೃದ್ಧಿ ಹಾಗೂ ಜಾಗತಿಕ ಮಟ್ಟದಲ್ಲಿ ಗೌರವವನ್ನು ಹೆಚ್ಚಿಸುವಲ್ಲಿ ಅವರ ನಾಯಕತ್ವದ ಪುರಾವೆಯಾಗಿದೆ. – ಅನ್ವರ್ ಇಬ್ರಾಹಿಂ, ಪ್ರಧಾನಿ, ಮಲೇಷ್ಯಾ
ಇರ್ಷಾದ್ ನಿಂದ ಹಿಂದೂ ಮಹಿಳೆಯನ್ನು ಅಪಹರಿಸಿ ಆಕೆಯನ್ನು ಸಿರಿಯಾಕ್ಕೆ ಕರೆದೊಯ್ಯುವುದಾಗಿ ಬೆದರಿಕೆ!
ಬಾಂಗ್ಲಾದೇಶದಲ್ಲಿ ಮತ್ತೊಬ್ಬ ಹಿಂದೂ ಯುವಕನ ಕೊಲೆ !
ಪ್ರಖರ ಹಿಂದುತ್ವನಿಷ್ಠ ಮುಖಂಡ ಗೌತಮ್ ಖಟ್ಟರ್ ಅವರಿಗೆ ಮಾರಿಷಸ್ ಪ್ರವಾಸ ಮಾಡಲು ಅನುಮತಿ !
ಜೆಜುರಿ(ಪುಣೆ): ಬೆಲಸರದಲ್ಲಿ ಛತ್ರಪತಿ ಸರದಾರರ ಐತಿಹಾಸಿಕ ಭೂಮಿಯ ಮೇಲೆ ಮತಾಂಧರ ಅತಿಕ್ರಮಣ!
ಶಿರಡಿ: ಶ್ರೀ ಸಾಯಿಬಾಬಾ ಮಂದಿರದಲ್ಲಿ ಫಂಗಸ್ ಪೇಡ ಮಾರಾಟ!
ಮುಂಬಯಿ: ಹಣ ಪಡೆದು ಬಾಂಗ್ಲಾದೇಶಿ ವಲಸಿಗರಿಗೆ ರಕ್ಷಣೆ!