Fake Supreme Court Order : ಸರ್ವೋಚ್ಚ ನ್ಯಾಯಾಲಯದ ನಕಲಿ ಆದೇಶ ಪತ್ರ ಬಳಸಿ ಜೀವಾವಧಿ ಶಿಕ್ಷೆಯ ಕೈದಿಯ ಬಿಡುಗಡೆ !

ಬೆಂಗಳೂರು – ಸರ್ವೋಚ್ಚ ನ್ಯಾಯಾಲಯದ ನಕಲಿ ಆದೇಶ ಪತ್ರವನ್ನು ಸಲ್ಲಿಸಿ ಜೀವಾವಧಿ ಶಿಕ್ಷೆ ಅನುಭವಿಸುತ್ತಿದ್ದ ಕೈದಿಯೊಬ್ಬ ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಿಂದ (ಬೆಂಗಳೂರು ಕೇಂದ್ರ ಕಾರಾಗೃಹದಿಂದ) ಬಿಡುಗಡೆಯಾಗಿರುವ ಘಟನೆ 8 ವರ್ಷಗಳ ನಂತರ ಬೆಳಕಿಗೆ ಬಂದಿದೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.

೧. ಶಂಕರ್ ಎ. ಹೆಸರಿನ ಆರೋಪಿಗೆ 2001 ರಲ್ಲಿ ಅಪಹರಣ ಮತ್ತು ಹಣ ಸುಲಿಗೆ ಪ್ರಕರಣದಲ್ಲಿ ಜೀವಾವಧಿ ಶಿಕ್ಷೆಯಾಗಿತ್ತು. ಅವನು ಪರಪ್ಪನ ಅಗ್ರಹಾರ ಕೇಂದ್ರ ಕಾರಾಗೃಹದಲ್ಲಿ ಶಿಕ್ಷೆ ಅನುಭವಿಸುತ್ತಿದ್ದನು.

೨. ಸರ್ವೋಚ್ಚ ನ್ಯಾಯಾಲಯದ ಆದೇಶದ ನಕಲಿ ಪ್ರತಿಯನ್ನು ಕಾರಾಗೃಹ ಅಧಿಕಾರಿಗಳಿಗೆ ಸಲ್ಲಿಸಿದ ಬಳಿಕ ನವೆಂಬರ್ ೧೩, 2018 ರಂದು ಅವನನ್ನು ಬಿಡುಗಡೆ ಮಾಡಲಾಗಿತ್ತು. ಬಿಡುಗಡೆಯ ಸಮಯದಲ್ಲಿ ಆತ 10,೦೦೦ ರೂಪಾಯಿ ದಂಡವನ್ನೂ ಪಾವತಿಸಿದ್ದನು.

೩. ಈ ಕುರಿತು ಪರಪ್ಪನ ಅಗ್ರಹಾರ ಪೊಲೀಸ್ ಠಾಣೆಯ ಪೊಲೀಸರು ಮೇ 20ರಂದು ಭಾರತೀಯ ನ್ಯಾಯ ಸಂಹಿತೆಯ ವಿವಿಧ ಸೆಕ್ಷನ್‌ ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದಾರೆ.

೪. ದೂರಿನ ಪ್ರಕಾರ, ನ್ಯಾಯಾಲಯದ ನಕಲಿ ಆದೇಶವನ್ನು ಬಳಸಿ ಕೈದಿಯೊಬ್ಬ ಬಿಡುಗಡೆಯಾಗಿದ್ದಾನೆಂಬ ಮಾಹಿತಿ ಕಾರಾಗೃಹ ಮತ್ತು ಸುಧಾರಣಾ ಸೇವೆಗಳ ಮಹಾನಿರ್ದೇಶಕರಿಗೆ ಲಭಿಸಿತ್ತು. ತದನಂತರ ನಡೆಸಲಾದ ಆಂತರಿಕ ತನಿಖೆಯಲ್ಲಿ ಆರೋಪ ಸತ್ಯ ಎಂಬುದು ಮುನ್ನಲೆಗೆ ಬಂದಿದೆ.

೫. ಆರೋಪಿಯ ಬಿಡುಗಡೆಗೆ ಅಂದಿನ ಕಾರಾಗೃಹ ಅಧಿಕಾರಿಗಳ ಕರ್ತವ್ಯ ಲೋಪವೂ ಕಾರಣವಾಗಿರಬಹುದು ಎಂಬ ಸಂಶಯ ವ್ಯಕ್ತಪಡಿಸಲಾಗಿದೆ.

೬. ನ್ಯಾಯಾಲಯದ ಆದೇಶದ ಸತ್ಯಾಸತ್ಯತೆಯನ್ನು ಪರಿಶೀಲಿಸದೆ ಮತ್ತು ಅಗತ್ಯ ಪ್ರಕ್ರಿಯೆಗಳನ್ನು ಪಾಲಿಸದೆ ಕೈದಿಯನ್ನು ಬಿಡುಗಡೆ ಮಾಡಲಾಗಿದೆ ಎಂಬುದು ತನಿಖೆಯಲ್ಲಿ ಬಹಿರಂಗಗೊಂಡಿದೆ.