ಅಶ್ಲೀಲ ಮತ್ತು ಸಮಲಿಂಗಿ ವಿಷಯಗಳನ್ನು ಪ್ರತಿಬಂಧಿಸಲು ಅಮೆರಿಕದಲ್ಲಿ ‘ಯೇಸು-ಕೇಂದ್ರಿತ’ ‘ಕ್ರಿಶ್ಚಿಯನ್ ಮೊಬೈಲ್ ನೆಟ್‌ ವರ್ಕ್’ ಆರಂಭ

ವಾಷಿಂಗ್ಟನ್ (ಅಮೆರಿಕ) – ಅಶ್ಲೀಲ ಸಾಹಿತ್ಯ ಮತ್ತು ಸಲಿಂಗಕಾಮಕ್ಕೆ ಸಂಬಂಧಿಸಿದ ವಿಷಯಗಳನ್ನು ಪ್ರತಿಬಂಧಿಸಲು ಅಮೆರಿಕದಲ್ಲಿ ಹೊಸ ‘ಯೇಸು-ಕೇಂದ್ರಿತ’ (Jesus-centric) ‘ಕ್ರಿಶ್ಚಿಯನ್ ಮೊಬೈಲ್ ನೆಟ್‌ವರ್ಕ್’ ಒಂದನ್ನು ಆರಂಭಿಸಲಾಗುವುದು ಎಂದು ಹೇಳಲಾಗಿದೆ. ಈ ‘ನೆಟ್‌ ವರ್ಕ್’ ಅನ್ನು ಕ್ರಿಶ್ಚಿಯನ್ ಮೌಲ್ಯಗಳನ್ನು ಪಾಲಿಸುವ ಗ್ರಾಹಕರಿಗಾಗಿ ರೂಪಿಸಲಾಗಿದೆ. ಈ ಹೊಸ ‘ಟೆಲಿಕಾಂ’ ಸೇವೆಯ ಹೆಸರು ‘ಕಿಂಗ್‌ ಡಮ್ ಮೊಬೈಲ್’ ಎಂದಾಗಿದ್ದು, ಈ ‘ನೆಟ್‌ ವರ್ಕ್’ ಬಳಕೆದಾರರಿಗೆ ‘ಸ್ವಚ್ಛ ಮತ್ತು ಸುರಕ್ಷಿತ’ ಇಂಟರ್ನೆಟ್ ಅನುಭವ ನೀಡುವ ಭರವಸೆ ನೀಡುತ್ತಿದೆ. ಕಂಪನಿಯ ಪ್ರಕಾರ, ಕ್ರಿಶ್ಚಿಯನ್ ಧರ್ಮದ ಬೋಧನೆಗಳಿಗೆ ವಿರುದ್ಧವಾಗಿರುವ ಎಲ್ಲಾ ವಿಷಯಗಳನ್ನು ಈ ನೆಟ್‌ ವರ್ಕ್ ಪರಿಶೀಲಿಸುತ್ತದೆ (ಫಿಲ್ಟರ್ ಮಾಡುತ್ತದೆ).

ಈ ನಿರ್ಧಾರವು ಅಮೆರಿಕದಲ್ಲಿ ವಿವಾದಕ್ಕೆ ನಾಂದಿ ಹಾಡಿದೆ. ಅನೇಕರು ಇದನ್ನು ‘ಸೆನ್ಸಾರ್‌ ಶಿಪ್’ ಮತ್ತು ಮಾನವ ಹಕ್ಕುಗಳ ಉಲ್ಲಂಘನೆ ಎಂದು ಕರೆದಿದ್ದಾರೆ, ಆದರೆ ಇನ್ನೊಂದೆಡೆ ಸಂಪ್ರದಾಯವಾದಿ ಕ್ರಿಶ್ಚಿಯನ್ ಸಮುದಾಯದ ಕೆಲವು ಗುಂಪುಗಳು ಈ ಕ್ರಮವನ್ನು ಸ್ವಾಗತಿಸಿವೆ. ಪ್ರಸ್ತುತ ಈ ‘ನೆಟ್‌ ವರ್ಕ್’ ಅನ್ನು ಅಮೆರಿಕದ ಕೆಲವು ರಾಜ್ಯಗಳಲ್ಲಿ ಪ್ರಾರಂಭಿಸಲು ಯೋಜಿಸಲಾಗಿದ್ದು, ಭವಿಷ್ಯದಲ್ಲಿ ಇದನ್ನು ವಿಸ್ತರಿಸುವ ಸಾಧ್ಯತೆಯಿದೆ.