ಛತ್ರಪತಿ ಶಿವಾಜಿ ಮಹಾರಾಜರನ್ನು ಅಪಕೀರ್ತಿಗೊಳಿಸುವ ಗೋವಿಂದ ಪಾನಸರೆ ಲಿಖಿತ ಶಿವಾಜಿ ಕೋಣ ಹೋತಾ ? (ಶಿವಾಜಿ ಯಾರಾಗಿದ್ದ ?) ಪುಸ್ತಕಕ್ಕೆ ಗಣ್ಯರ ಆಕ್ಷೇಪ!

ಡೊಂಬಿವಲಿ (ಠಾಣೆ) – ಕಾಮ್ರೇಡ್ ಗೋವಿಂದ ಪಾನಸರೆ ಲಿಖಿತ ಶಿವಾಜಿ ಕೋಣ ಹೋತಾ ? ಎಂಬ ಪುಸ್ತಕದ ಕುರಿತು ಪ್ರಸ್ತುತ ವಿವಾದ ನಡೆಯುತ್ತಿದೆ. ಈ ಪುಸ್ತಕದಲ್ಲಿ ಛತ್ರಪತಿ ಶಿವಾಜಿ ಮಹಾರಾಜರನ್ನು ನಿಧರ್ಮಿ ಎಂದು ಬಿಂಬಿಸುವ ವ್ಯರ್ಥ ಪ್ರಯತ್ನ ಮಾಡಲಾಗಿದೆ, ಎಂದು ಹಿಂದುತ್ವನಿಷ್ಠ ಲೇಖಕರು ಮತ್ತು ಉಪನ್ಯಾಸಕರಾದ ದುರ್ಗೇಶ ಪರುಳಕರ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. ಕಾ. ಪಾನಸರೆಯವರು ಪುಸ್ತಕದಲ್ಲಿ ಮುಸಲ್ಮಾನ ಆಡಳಿತಾಧಿಕಾರಿಗಳೊಂದಿಗೆ ಶಿವಾಜಿ ಮಹಾರಾಜರು ನಡೆಸಿದ ಯುದ್ಧವು ಧಾರ್ಮಿಕ ಯುದ್ಧವಾಗಿರಲಿಲ್ಲ ಎಂದು ಹೇಳಿದ್ದಾರೆ. ಇದಕ್ಕೆ ಪೂರಕವಾಗಿ ಅವರು ಆದಿಲ್ ಶಾಹ ಮತ್ತು ಮೊಘಲರ ನಡುವಿನ ಯುದ್ಧದ ಉದಾಹರಣೆ ನೀಡಿದ್ದಾರೆ. ಶಿವರಾಯರೊಂದಿಗೆ ಯುದ್ಧ ಮಾಡುವಾಗ ಮುಸಲ್ಮಾನರು ಹಿಂದೂ ಧರ್ಮದ ವಿರುದ್ಧವೇ ಹೋರಾಡುತ್ತಿದ್ದರು; ಆದರೆ ಅವರು ಪರಸ್ಪರರ ವಿರುದ್ಧ ಹೋರಾಡುವಾಗ ಅದು ಅವರ ರಾಜಕೀಯ ಯುದ್ಧವಾಗಿತ್ತು ಎಂದು ನಾವು ಸ್ಪಷ್ಟವಾಗಿ ಹೇಳಬಹುದು; ಏಕೆಂದರೆ ಆದಿಲ್ ಶಾಹ ಮತ್ತು ಮೊಘಲರ ನಡುವಿನ ಯುದ್ಧದಲ್ಲಿ ಎರಡೂ ಕಡೆಯಿಂದ ಒಂದೇ ಒಂದು ಮಸೀದಿಯನ್ನು ಕೆಡವಲಾಗಿಲ್ಲ. ಆದರೆ ಹಿಂದೂಗಳೊಂದಿಗೆ ಯುದ್ಧ ಮಾಡುವಾಗ ಹಿಂದೂ ದೇವಾಲಯಗಳನ್ನು ಕೆಡವಲಾಯಿತು ಮತ್ತು ಮೂರ್ತಿಗಳನ್ನು ಧ್ವಂಸಗೊಳಿಸಲಾಯಿತು. ಈ ಅಂಶದ ಕಡೆಗೆ ಗೋವಿಂದ ಪಾನಸರೆ ಅವರು ಗಮನ ಹರಿಸಿಲ್ಲ ಎಂದರು.

ಆದಾಗ್ಯೂ ಇದೇ ಪುಸ್ತಕದಲ್ಲಿ ಗೋವಿಂದ ಪಾನಸರೆಯವರು ಮುಸಲ್ಮಾನರು ದೇವಸ್ಥಾನಗಳನ್ನು ಲೂಟಿ ಮಾಡಲು ಅವುಗಳ ಮೇಲೆ ಆಕ್ರಮಣ ಮಾಡಿದರು ಎಂದು ಹೇಳುತ್ತಾರೆ ಮತ್ತು ಮುಸಲ್ಮಾನರ ಈ ದೋಷವನ್ನು ಮುಚ್ಚಿಡಲು, ಮುಸಲ್ಮಾನ ಆಡಳಿತಾಧಿಕಾರಿಗಳು ಅಧಿಕಾರ ಸ್ಥಾಪಿಸಿದ ನಂತರ ದೇವಸ್ಥಾನಗಳಿಗೆ ದೇಣಿಗೆ ನೀಡಿದ್ದನ್ನು ಮರೆಮಾಚುತ್ತಾರೆ.

ಅಲ್ಲಾಹನ ಹೊರತಾಗಿ ಜಗತ್ತಿನಲ್ಲಿ ಬೇರೆ ಯಾವ ದೇವರೂ ಶ್ರೇಷ್ಠನಲ್ಲ, ವಂದನೀಯನಲ್ಲ ಮತ್ತು ಪೂಜನೀಯನಲ್ಲ. ಮುಸಲ್ಮಾನೇತರರನ್ನು ಹೊರತುಪಡಿಸಿ ಅನ್ಯ ಯಾವುದೇ ಧರ್ಮದ ವ್ಯಕ್ತಿ ಸ್ವರ್ಗಕ್ಕೆ ಹೋಗಲು ಸಾಧ್ಯವಿಲ್ಲ, ಇಂತಹ ಮೂಲಭೂತ ಸಿದ್ಧಾಂತಗಳ ಮೇಲೆ ಇಸ್ಲಾಂ ಧರ್ಮವು ಸ್ಥಾಪಿತವಾಗಿದೆ. ಆದ್ದರಿಂದ ಇಸ್ಲಾಮಿ ಆಡಳಿತಾಧಿಕಾರಿಗಳು ದೇವಸ್ಥಾನಗಳಿಗೆ ದೇಣಿಗೆ ನೀಡಿದ್ದಾರೆ ಎಂದು ಪಾನಸರೆಯವರು ಹೇಳುವುದು ಸತ್ಯಕ್ಕೆ ದೂರವಾಗಿದೆ.

ಸಹಿಷ್ಣುತೆಯ ಅರ್ಥವನ್ನು ಪಾನಸರೆಯವರು ವಿವರಿಸುವಂತೆ ಮಹಾರಾಜರು ಎಂದಿಗೂ ತೆಗೆದುಕೊಂಡಿರಲಿಲ್ಲ. ಪರಧರ್ಮದ ಬಗ್ಗೆ ಸಹಿಷ್ಣುತೆ ಎಂದರೆ ಸ್ವಧರ್ಮದ ಬಗ್ಗೆ ಉದಾಸೀನತೆ ಎಂಬ ಪಾನಸರೆಯವರ ವ್ಯಾಖ್ಯಾನವು ಶಿವರಾಯರಿಗೆ ಒಪ್ಪಿತವಾದುದಲ್ಲ.
ಗೋವಿಂದ ಪಾನಸರೆ ಲಿಖಿತ ಶಿವಾಜಿ ಕೋಣ ಹೋತಾ ? (ಶಿವಾಜಿ ಯಾರು ?) ಎಂಬ ಪುಸ್ತಕವು ಮ್ಲೇಚ್ಛ ಸಂಹಾರಕ ಮತ್ತು ಹಿಂದವಿ ಸ್ವರಾಜ್ಯದ ಸಂಸ್ಥಾಪಕ ಛತ್ರಪತಿ ಶಿವಾಜಿ ಮಹಾರಾಜರ ಕುರಿತಾದ ಪುಸ್ತಕವಲ್ಲ.

ಶಿವಾಜಿ ಕೋಣ ಹೋತಾ ? ಪುಸ್ತಕದ ಮೂಲಕ ಇತಿಹಾಸದ ವಿರೂಪಗೊಳಿಸುವಿಕೆ! – ರಣಜಿತ ಸಾವರಕರ, ಕಾರ್ಯಾಧ್ಯಕ್ಷರು, ಸ್ವಾತಂತ್ರ್ಯವೀರ ಸಾವರಕರ ರಾಷ್ಟ್ರೀಯ ಸ್ಮಾರಕ

ಮುಂಬಯಿ – ಕಾ. ಗೋವಿಂದ ಪಾನಸರೆ ಅವರು ಬರೆದ ಶಿವಾಜಿ ಕೋಣ ಹೋತಾ ? ಪುಸ್ತಕವು ಉದ್ದೇಶಪೂರ್ವಕವಾಗಿ ಛತ್ರಪತಿ ಶಿವಾಜಿ ಮಹಾರಾಜರನ್ನು ಅವಮಾನಿಸುವ ಮತ್ತು ಮೂಲ ಇತಿಹಾಸವನ್ನು ಮರೆಮಾಚುವ ಪ್ರಯತ್ನವಾಗಿದೆ. ಈ ಪುಸ್ತಕದಲ್ಲಿ ಮಹಾರಾಜರನ್ನು ಏಕವಚನದಲ್ಲಿ ಮತ್ತು ದ್ವೇಷಪೂರಿತವಾಗಿ ಉಲ್ಲೇಖಿಸಲಾಗಿದೆ. ಪ್ರತಿಯೊಬ್ಬ ಹಿಂದೂ ಇಂತಹ ವಿರೂಪಗೊಳಿಸುವಿಕೆಯನ್ನು ಪ್ರತಿಭಟಿಸಬೇಕು ಎಂದು ಸ್ವಾತಂತ್ರ್ಯವೀರ ಸಾವರಕರ ರಾಷ್ಟ್ರೀಯ ಸ್ಮಾರಕದ ಕಾರ್ಯಾಧ್ಯಕ್ಷರಾದ ಶ್ರೀ. ರಣಜಿತ ಸಾವರಕರ ಅವರು ಸನಾತನ ಪ್ರಭಾತದ ಪ್ರತಿನಿಧಿಯೊಂದಿಗೆ ಮಾತನಾಡುವಾಗ ತಿಳಿಸಿದರು.
ಶ್ರೀ. ರಣಜಿತ ಸಾವರಕರ ಅವರು, ‘ತುಳಜಾಪುರದ ದೇವಸ್ಥಾನವನ್ನು ಯಾರು ಕೆಡವಿದರು ಎಂಬುದಕ್ಕೆ ಸಾಕ್ಷ್ಯವಿಲ್ಲ ಎಂದು ಪಾನಸರೆಯವರು ಬರೆಯುತ್ತಾರೆ. ಆದರೆ ಮಹಾರಾಜರ ಕಾಲದ ಕವಿ ಭೂಷಣ ಅವರು ಇದನ್ನು ಉಲ್ಲೇಖಿಸಿದ್ದಾರೆ. ಶಿವಭಾರತದಲ್ಲೂ ಇದರ ಉಲ್ಲೇಖವಿದೆ. ಇವೆಲ್ಲವನ್ನೂ ಉದ್ದೇಶಪೂರ್ವಕವಾಗಿ ನಿರ್ಲಕ್ಷಿಸಿ ಮುಸಲ್ಮಾನ ಬಾದಶಹರು ಎಷ್ಟು ಶ್ರೇಷ್ಠರಾಗಿದ್ದರು ಎಂದು ತೋರಿಸಲು ಪಾನಸರೆ ಪ್ರಯತ್ನಿಸಿದ್ದಾರೆ. ತಪ್ಪು ಇತಿಹಾಸವನ್ನು ಮಂಡಿಸಿ ಹಿಂದೂಗಳನ್ನು ಭ್ರಮಿತರನ್ನಾಗಿ ಮಾಡುವ ಕೆಲಸ ನಡೆಯುತ್ತಿದೆ’, ಎಂದರು.

ಶಾಸಕ ಸಂಜಯ ಗಾಯಕವಾಡ ಅವರ ಬಗ್ಗೆ ನನಗೆ ಹೆಮ್ಮೆಯಿದೆ!

ಛತ್ರಪತಿ ಶಿವಾಜಿ ಮಹಾರಾಜರಿಗೆ ಅಪಮಾನವಾಗುತ್ತಿರುವಾಗ ಯಾವುದೇ ನಿಜವಾದ ಮರಾಠಿಗನ ರಕ್ತ ಕುದಿಯುವುದು ಸ್ವಾಭಾವಿಕವಾಗಿದೆ. ಮಹಾರಾಜರ ಅಪಮಾನದಿಂದ ಕೆರಳಿ ಅವರು ಕೆಲವು ಶಬ್ದಗಳನ್ನು ಉಚ್ಚರಿಸಿದ್ದರೆ, ಅವು ಕ್ಷಮಾರ್ಹವಾಗಿವೆ. ಮೂಲದಲ್ಲಿ ಇತಿಹಾಸವನ್ನು ತಿರುಚುವ ಮೂಲಕ ಗೋವಿಂದ ಪಾನಸರೆಯವರು ಅಪರಾಧ ಎಸಗಿದ್ದಾರೆ. ಒಬ್ಬ ಹಿಂದೂ ಜಾಗೃತಗೊಂಡು ಇತಿಹಾಸದ ವಿರೂಪಗೊಳಿಸುವಿಕೆಯ ವಿರುದ್ಧ ಧ್ವನಿ ಎತ್ತುತ್ತಿದ್ದರೆ, ಅದರ ಬಗ್ಗೆ ನನಗೆ ಹೆಮ್ಮೆಯಿದೆ. ಗೋವಿಂದ ಪಾನಸರೆಯವರ ಈ ಪುಸ್ತಕವು ಸಮಾಜದಿಂದ বহিಷ್ಕೃತಗೊಂಡು ವಿಸ್ಮೃತಿಗೆ ಸರಿಯುವುದೇ ರಾಷ್ಟ್ರಹಿತದ ದೃಷ್ಟಿಯಿಂದ ಒಳ್ಳೆಯದು, ಎಂದು ಶ್ರೀ. ರಣಜಿತ ಸಾವರಕರ ಅವರು ಹೇಳಿದರು.

ಶಿವಾಜಿ ಕೋಣ ಹೋತಾ ? ಪುಸ್ತಕವನ್ನು ಮರು ಪ್ರಕಟಿಸಿ ವಿತರಿಸುವುದು ಸಾಮಾಜಿಕ ಶಾಂತಿ ಕದಡುವ ಪ್ರಯತ್ನ! – ವೈದ್ಯ ಅಶ್ವಿನಿ ಮಾಳಕರ, ಆರೋಗ್ಯಭಾರತಿ, ಕೊಲ್ಲಾಪುರ

ಕೊಲ್ಲಾಪುರ – ಕಾಮ್ರೇಡ್ ಗೋವಿಂದ ಪಾನಸರೆ ಅವರ ಶಿವಾಜಿ ಕೋಣ ಹೋತಾ ? ಪುಸ್ತಕವನ್ನು ಮರು ಪ್ರಕಟಿಸಿ ಅದರ ವಿತರಣೆ ಮಾಡುವುದು ಸಾಮಾಜಿಕ ಶಾಂತಿಯನ್ನು ಕದಡುವ ಒಂದು ಪ್ರಯತ್ನವಾಗಿದೆ ಎಂದು ಆರೋಗ್ಯಭಾರತಿಯ ವೈದ್ಯ ಅಶ್ವಿನಿ ಮಾಳಕರ ಅವರು ಪ್ರತಿಕ್ರಿಯೆ ನೀಡಿದ್ದಾರೆ. ಕಾಮ್ರೇಡ್ ಗೋವಿಂದ ಪಾನಸರೆ ಲಿಖಿತ ಈ ಪುಸ್ತಕದ ಕುರಿತು ಉಂಟಾಗಿರುವ ವಿವಾದದ ಹಿನ್ನೆಲೆಯಲ್ಲಿ ಅವರು ಮಾತನಾಡುತ್ತಿದ್ದರು.

ಅವರುಮಾತನಾಡುತ್ತಾ, ಕೆಲವು ದಿನಗಳ ಹಿಂದೆ ಕಾಂಗ್ರೆಸ್ಸಿನ ಹರ್ಷವರ್ಧನ್ ಸಪಕಾಳ ಅವರು ಛತ್ರಪತಿ ಶಿವಾಜಿ ಮಹಾರಾಜರನ್ನು ಕ್ರೂರಕರ್ಮಿ ಟಿಪ್ಪು ಸುಲ್ತಾನನಿಗೆ ಹೋಲಿಸಿದ್ದರು. ಕಬನೂರು-ಇಚಲಕರಂಜಿಯಲ್ಲಿ ಒಬ್ಬ ಮತಾಂಧ ಮಹಿಳೆಯು ಛತ್ರಪತಿ ಶಿವಾಜಿ ಮಹಾರಾಜರ ಛಾಯಾಚಿತ್ರವನ್ನು ಹರಿದು ಹಾಕಿದ್ದಳು. ಈ ಕಾರಣದಿಂದಾಗಿ ಕೆಲವು ಜನರು ಈಗ ಕೊಲ್ಲಾಪುರವನ್ನು ನಗರ ನಕ್ಸಲೀಯರ ಕೇಂದ್ರವನ್ನಾಗಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ ಎಂದೇ ಹೇಳಬೇಕಾಗುತ್ತದೆ. ಇಂತಹ ವಿಕೃತ ಮಾನಸಿಕತೆಯ ಜನರ ಬೇರುಗಳನ್ನು ಪೊಲೀಸ್ ಆಡಳಿತವು ಬೇರು ಸಹಿತ ಕಿತ್ತೊಗೆಯಬೇಕು! ಪೊಲೀಸ್ ಆಡಳಿತವು ಇಂತಹ ಕೃತ್ಯಗಳನ್ನು ಎಸಗುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವುದು ಅಪೇಕ್ಷಿತವಾಗಿದೆ. ಹಿಂದುತ್ವನಿಷ್ಠರ ಸಂಯಮ ಕಟ್ಟೆಯೊಡೆಯುವುದನ್ನು ಪ್ರಗತಿಪರರು ನೋಡಬಾರದು, ಎಂದು ಹೇಳಿದರು.