ಪಾಕಿಸ್ತಾನಿ ಸೇನೆಯಿಂದ ಅಫ್ಘಾನಿಸ್ತಾನದ 13 ಭಯೋತ್ಪಾದಕರ ಹತ್ಯೆ!

ಪೇಶಾವರ್ (ಪಾಕಿಸ್ತಾನ) – ಪಾಕಿಸ್ತಾನಿ ಭದ್ರತಾ ಪಡೆಗಳು ಖೈಬರ್ ಪಖ್ತುಂಖ್ವಾ ಪ್ರಾಂತ್ಯದಲ್ಲಿ ಅಫ್ಘಾನಿಸ್ತಾನದ ಗಡಿಯ ಬಳಿ ಕನಿಷ್ಠ 13 ಭಯೋತ್ಪಾದಕರನ್ನು ಕೊಂದಿವೆ. ಈ ಮಾಹಿತಿಯನ್ನು ಪಾಕಿಸ್ತಾನಿ ಸೇನೆಯ ಮಾಧ್ಯಮ ವಿಭಾಗವು ಮೇ 1 ರಂದು ನೀಡಿದೆ. ಏಪ್ರಿಲ್ 28 ಮತ್ತು 29 ರಂದು ಮೊಹಮ್ಮದ್ ಮತ್ತು ಉತ್ತರ ವಜಿರಿಸ್ತಾನ್ ಜಿಲ್ಲೆಗಳಲ್ಲಿ ಫಿತ್ನಾ-ಅಲ್-ಖವಾರಿಜ್ ಸಂಘಟನೆಗಳಿಗೆ ಸೇರಿದ ಭಯೋತ್ಪಾದಕರು ಹತ್ಯೆಗೀಡಾಗಿದ್ದಾರೆ. ಸರಕಾರದಿಂದ ನಿಷೇಧಿಸಲ್ಪಟ್ಟಿರುವ ತೆಹ್ರೀಕ್-ಎ-ತಾಲಿಬಾನ್ ಪಾಕಿಸ್ತಾನ್ ಸಂಘಟನೆಯನ್ನು ಉಲ್ಲೇಖಿಸಲು ಫಿತ್ನಾ-ಅಲ್-ಖವಾರಿಜ್ ಎಂಬ ಪದವನ್ನು ಬಳಸಲಾಗಿದೆ.