ಮಹಾರಾಷ್ಟ್ರದಲ್ಲಿ ವ್ಯವಹಾರ ಮಾಡಬೇಕೆಂದರೆ, ಮರಾಠಿ ಭಾಷೆ ಕಡ್ಡಾಯ ! – ಪ್ರತಾಪ್ ಸರ್ನಾಯಕ್, ಸಾರಿಗೆ ಸಚಿವ

ಮುಂಬಯಿ – ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಸ್ಥಳೀಯ ಭಾಷೆಗಳಿಗೆ ಆದ್ಯತೆ ನೀಡಲಾಗುತ್ತದೆ. ಹಾಗಾದರೆ ಮಹಾರಾಷ್ಟ್ರವನ್ನು ಮಾತ್ರ ಏಕೆ ಭಿನ್ನವಾಗಿ ಪರಿಗಣಿಸಬೇಕು? ಮರಾಠಿ ಭಾಷೆಯ ಪ್ರಚಾರ ಮತ್ತು ಪ್ರಸಾರ ಮಾಡುವುದು ಕಾಲದ ಅಗತ್ಯವಾಗಿದೆ. ಮಹಾರಾಷ್ಟ್ರದಲ್ಲಿ ವ್ಯವಹಾರ ಮಾಡಬೇಕೆಂದರೆ ಮರಾಠಿ ಭಾಷೆ ಬರಲೇಬೇಕು ಎಂದು ಸಾರಿಗೆ ಸಚಿವ ಪ್ರತಾಪ್ ಸರ್ನಾಯಕ್ ಅವರು ಮಾಧ್ಯಮಗಳೊಂದಿಗೆ ಮಾತನಾಡುತ್ತಾ ಹೇಳಿದ್ದಾರೆ.

ಪ್ರತಾಪ್ ಸರ್ನಾಯಕ್ ಅವರು ಮಾತನಾಡುತ್ತಾ, “ಮಹಾರಾಷ್ಟ್ರದಲ್ಲಿ ಮರಾಠಿ ಭಾಷೆಗೆ ಆದ್ಯತೆ ನೀಡುವ 1989ರ ಕಾಯ್ದೆಯಿದೆ. ಈ ಕಾಯ್ದೆಯ ಪ್ರಕಾರ 2019ರಲ್ಲಿ ಸುತ್ತೋಲೆಯನ್ನು ಹೊರಡಿಸಲಾಗಿದೆ. ಇದಕ್ಕನುಗುಣವಾಗಿ ಮರಾಠಿ ಭಾಷೆಗೆ ಆದ್ಯತೆ ನೀಡಲು ನಾವು ನಿರ್ಧಾರ ತೆಗೆದುಕೊಂಡಿದ್ದೇವೆ. ಪ್ರಯಾಣಿಕರು ಮರಾಠಿ ಭಾಷಿಕರಾಗಿದ್ದರೆ, ರಿಕ್ಷಾ, ಟ್ಯಾಕ್ಸಿ, ಓಲಾ-ಉಬರ್ ಮುಂತಾದವುಗಳ ಚಾಲಕರು ಮರಾಠಿಯಲ್ಲಿಯೇ ಮಾತನಾಡುವುದು ಕಡ್ಡಾಯವಾಗಿದೆ. ಇದರಿಂದ ವಾದ-ವಿವಾದಗಳು ಉಂಟಾಗುವುದಿಲ್ಲ. ಈ ನಿರ್ಧಾರದ ವಿರುದ್ಧ ಕೆಲವರು ಮುಷ್ಕರ ಘೋಷಿಸಿದ್ದಾರೆ ಎಂದು ತಿಳಿಯಿತು. ಇಂತಹ ಹಠಮಾರಿತನ ಸರಿಯಲ್ಲ. ನಿಮ್ಮದೇನಾದರೂ ಹೇಳಿಕೆಗಳಿದ್ದರೆ ನನ್ನನ್ನು ಸಂಪರ್ಕಿಸಬೇಕು. ನಿಮಗೆ ಸಮಯ ಬೇಕಿದ್ದರೆ ಅದನ್ನು ಹೆಚ್ಚಿಸಿಕೊಡಲು ನಾನು ಸಿದ್ಧನಿದ್ದೇನೆ. ಟ್ಯಾಕ್ಸಿ, ರಿಕ್ಷಾ ಚಾಲಕರು ಮರಾಠಿ ಮಾತನಾಡದ ಕಾರಣ ಅನೇಕ ದೂರುಗಳು ಬಂದಿವೆ ಮತ್ತು ಪ್ರಕರಣಗಳನ್ನು ದಾಖಲಿಸಲಾಗಿದೆ. ಆದ್ದರಿಂದ ವಾದ-ವಿವಾದಗಳನ್ನು ತಪ್ಪಿಸಲು ಮರಾಠಿಯಲ್ಲಿಯೇ ಮಾತನಾಡಲು ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ,” ಎಂದರು.