​ತುರ್ಕಿಯೆ (ಟರ್ಕಿ): ೧೩ ವರ್ಷದ ವಿದ್ಯಾರ್ಥಿಯಿಂದ ಗುಂಡಿನ ದಾಳಿ; ೪ ಜನರ ಸಾವು

​ಅಂಕಾರಾ (ತುರ್ಕಿಯೆ) – ದೇಶದ ಕಹ್ರಮನ್ಮರಾಶ್ ನಗರದ ಮಾಧ್ಯಮಿಕ ಶಾಲೆಯೊಂದರಲ್ಲಿ ಏಪ್ರಿಲ್ ೧೫ ರಂದು ೧೩ ವರ್ಷದ ವಿದ್ಯಾರ್ಥಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದಾನೆ. ಈ ದಾಳಿಯಲ್ಲಿ ಮೂವರು ವಿದ್ಯಾರ್ಥಿಗಳು ಮತ್ತು ಓರ್ವ ಶಿಕ್ಷಕ ಸಾವನ್ನಪ್ಪಿದ್ದಾರೆ, ಹಾಗೂ ಸುಮಾರು ೨೦ ಜನರು ಈ ದಾಳಿಯಲ್ಲಿ ಗಾಯಗೊಂಡಿದ್ದಾರೆ. ದಾಳಿ ಮಾಡಿದ ಬಾಲಕ ನಂತರ ತನಗೂ ಗುಂಡು ಹಾರಿಸಿಕೊಂಡಿದ್ದಾನೆ. ಟರ್ಕಿ ಶಾಲೆಗಳಲ್ಲಿ ಸತತವಾಗಿ ಇಂತಹ ಎರಡು ದಾಳಿಗಳು ನಡೆದಿವೆ. ಇದರಿಂದ ಜನರಲ್ಲಿ ಭೀತಿಯ ವಾತಾವರಣ ನಿರ್ಮಾಣವಾಗಿದೆ.

​೧. ದಾಳಿ ಮಾಡಿದವನು ಎಂಟನೇ ತರಗತಿಯ ವಿದ್ಯಾರ್ಥಿಯಾಗಿದ್ದ ಎಂದು ಕಹ್ರಮನ್ಮರಾಶ್ ನಗರದ ರಾಜ್ಯಪಾಲ ಮುಕೆರ್ರಮ್ ಉನ್ಲುಯೆರ್ ತಿಳಿಸಿದ್ದಾರೆ. ಬಾಲಕ ತನ್ನ ಬ್ಯಾಗ್‌ನಲ್ಲಿ ೫ ಶಸ್ತ್ರಗಳು ಮತ್ತು ೭ ಮ್ಯಾಗಜೀನ್‌ಗಳನ್ನು ಇಟ್ಟುಕೊಂಡು ಶಾಲೆಗೆ ಬಂದಿದ್ದನು. ಪ್ರಾಥಮಿಕ ಮಾಹಿತಿಯ ಪ್ರಕಾರ, ಮಾಜಿ ಪೊಲೀಸ್ ಅಧಿಕಾರಿಯಾಗಿದ್ದ ಆತನ ತಂದೆಯ ಶಸ್ತ್ರಗಳು ಇದಾಗಿರಬಹುದು ಎನ್ನಲಾಗಿದೆ.

​೨. ಏಪ್ರಿಲ್ ೧೪ ರಂದು ದೇಶದ ಸಾನ್ಲಿಉರ್ಫಾ ಪ್ರಾಂತ್ಯದ ಶಾಲೆಯೊಂದರಲ್ಲಿ ಗುಂಡಿನ ದಾಳಿ ನಡೆದಿತ್ತು. ೧೮ ವರ್ಷದ ಯುವಕನೊಬ್ಬ ತನ್ನ ಹಳೆಯ ಶಾಲೆಗೆ ನುಗ್ಗಿ ಏಕಾಏಕಿ ಗುಂಡಿನ ದಾಳಿ ನಡೆಸಿದ್ದನು. ಈ ದಾಳಿಯಲ್ಲಿ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರು ಸೇರಿದಂತೆ ೧೬ ಜನರು ಗಾಯಗೊಂಡಿದ್ದರು. ಆರೋಪಿಯು ನಂತರ ತನ್ನ ಮೇಲೆ ತಾನೇ ಗುಂಡು ಹಾರಿಸಿಕೊಂಡಿದ್ದನು.