‘ಮಾನವ ಸೇವಾ ಸಮಿತಿ ಟ್ರಸ್ಟ್’ ವತಿಯಿಂದ ಕೇರಳದ ಸನಾತನ ಸಂಸ್ಥೆಯ ಸಾಧಕಿ ಶ್ರೀಮತಿ ವಿಜಯಾ ಕುಮಾರಿ ಅವರಿಗೆ ಸನ್ಮಾನ !

‘ವಿಶ್ವ ಮಹಿಳಾ ದಿನಾಚರಣೆ’ಯ ಅಂಗವಾಗಿ ಕಾರ್ಯಕ್ರಮ

ಕೊಚ್ಚಿ (ಕೇರಳ) – ಮಾರ್ಚ್ 8ರ ‘ವಿಶ್ವ ಮಹಿಳಾ ದಿನಾಚರಣೆ’ಯ ಅಂಗವಾಗಿ ‘ಮಾನವ ಸೇವಾ ಸಮಿತಿ ಟ್ರಸ್ಟ್’ ವತಿಯಿಂದ ಕೇರಳದ ಎಳಮಕ್ಕರ (ಎರ್ನಾಕುಲಂ ಜಿಲ್ಲೆ) ನಿವಾಸಿಯಾದ ಸನಾತನ ಸಂಸ್ಥೆಯ ಸಾಧಕಿ ಶ್ರೀಮತಿ ವಿಜಯಾ ಕುಮಾರಿ ಅವರನ್ನು ಸನ್ಮಾನಿಸಲಾಯಿತು. ಶ್ರೀಮತಿ ವಿಜಯಾ ಕುಮಾರಿ ಅವರು ಅಂಗನವಾಡಿ ಶಿಕ್ಷಕಿಯಾಗಿದ್ದು, ‘ಮತದಾನ ಕೇಂದ್ರ ಮಟ್ಟದ ಅಧಿಕಾರಿ’ಯಾಗಿಯೂ (BLO) ಸೇವೆ ಸಲ್ಲಿಸುತ್ತಿದ್ದಾರೆ. ಅವರು ಸಮಾಜದ ಅನೇಕರಿಗೆ ನಿಸ್ವಾರ್ಥ ಭಾವದಿಂದ ಸಹಾಯ ಮಾಡುತ್ತಿದ್ದಾರೆ. ಅವರ ಈ ನಿಸ್ವಾರ್ಥ ಸೇವೆಯನ್ನು ಗುರುತಿಸಿ ‘ಮಾನವ ಸೇವಾ ಸಮಿತಿ ಟ್ರಸ್ಟ್’ ವತಿಯಿಂದ ಶ್ರೀಮತಿ ವಿಜಯಾ ಕುಮಾರಿ ಅವರ ನಿವಾಸದಲ್ಲಿ ಶಾಲು ಹೊದಿಸಿ ಮತ್ತು ಸ್ಮರಣಿಕೆ ನೀಡಿ ಗೌರವಿಸಲಾಯಿತು. ಸನ್ಮಾನ ಸ್ವೀಕರಿಸಿದ ನಂತರ ಮಾತನಾಡಿದ ಶ್ರೀಮತಿ ವಿಜಯಾ ಕುಮಾರಿ ಅವರು, ‘‘ನಾನು ಮಾಡುತ್ತಿರುವ ಪ್ರತಿಯೊಂದು ಕಾರ್ಯವು ಕೇವಲ ಗುರುಗಳ ಕೃಪೆಯಿಂದ ಸಾಧ್ಯವಾಗುತ್ತಿದೆ. ಆದ್ದರಿಂದ ಈ ಸನ್ಮಾನವನ್ನು ನಾನು ಅವರ ಚರಣಗಳಿಗೆ ಸಮರ್ಪಿಸುತ್ತೇನೆ’’ ಎಂದು ಹೇಳಿದರು.