ವಾಣಿಜ್ಯ ಎಲ್.ಪಿ.ಜಿ. ಪೂರೈಕೆ ನಿಲ್ಲಿಸಿಲ್ಲ! – ಕೇಂದ್ರ ಸರಕಾರ

ಹೋಟೆಲ್ ಉದ್ಯಮಿಗಳಲ್ಲಿ ಹರಡಿದ್ದ ವದಂತಿಗಳಿಗೆ ಪೂರ್ಣವಿರಾಮ!

(ಎಲ್.ಪಿ.ಜಿ. ಎಂದರೆ ಲಿಕ್ವಿಫೈಡ್ ಪೆಟ್ರೋಲಿಯಂ ಗ್ಯಾಸ್, ಅಂದರೆ ದ್ರವೀಕೃತ ಪೆಟ್ರೋಲಿಯಂ ಅನಿಲ)

ನವದೆಹಲಿ – ಇರಾನ್-ಇಸ್ರೇಲ್ ನಡುವೆ ಯುದ್ಧ ಆರಂಭವಾಗಿ ಈಗ ಒಂದು ವಾರ ಕಳೆದಿದೆ. ‘ಯುದ್ಧದ ನೇರ ಪರಿಣಾಮಗಳು ಭಾರತದಲ್ಲಿ ಕಾಣಿಸಿಕೊಳ್ಳಲಾರಂಭಿಸಿವೆ. ವಾಣಿಜ್ಯ ಎಲ್.ಪಿ.ಜಿ. ಸಿಲಿಂಡರ್‌ಗಳ ಪೂರೈಕೆಯನ್ನು ತಾತ್ಕಾಲಿಕವಾಗಿಯಾದರೂ ನಿಲ್ಲಿಸಲಾಗಿದೆ’ ಎಂಬ ತಪ್ಪು ಕಲ್ಪನೆ ವ್ಯಾಪಕವಾಗಿ ಹರಡಿತ್ತು. ಮಹಾರಾಷ್ಟ್ರದ ಹೋಟೆಲ್ ಸಂಘಟನೆಗಳು ಈ ಬಗ್ಗೆ ಧ್ವನಿ ಎತ್ತಲು ಪ್ರಾರಂಭಿಸಿದ್ದವು. ಇದಕ್ಕೆ ಪ್ರತಿಕ್ರಿಯಿಸಿರುವ ಸರಕಾರವು, ಈ ರೀತಿ ಗ್ಯಾಸ್ ಪೂರೈಕೆಯನ್ನು ಯಾವುದೇ ಕಾರಣಕ್ಕೂ ನಿಲ್ಲಿಸಿಲ್ಲ ಎಂದು ಸ್ಪಷ್ಟಪಡಿಸಿದೆ. ಸರಕಾರದ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯವು ಈ ಸ್ಪಷ್ಟನೆಯನ್ನು ನೀಡಿದೆ.

ಗೃಹಬಳಕೆ ಮತ್ತು ವಾಣಿಜ್ಯ ಸಿಲಿಂಡರ್ ದರ ಏರಿಕೆ!

ಪೂರೈಕೆ ನಿಂತಿಲ್ಲದಿದ್ದರೂ, ಭಾರತದಲ್ಲಿ 19.2 ಕೆಜಿ ತೂಕದ ‘ಕಮರ್ಷಿಯಲ್’ (ವಾಣಿಜ್ಯ) ಸಿಲಿಂಡರ್ ಬೆಲೆಯು ಬರೋಬ್ಬರಿ 115 ರೂಪಾಯಿಗಳಷ್ಟು ಏರಿಕೆಯಾಗಿದ್ದು, ಪ್ರಸ್ತುತ ಅದು 1,883 ರೂಪಾಯಿಗಳಿಗಿಂತಲೂ ಅಧಿಕವಾಗಿದೆ. ದೆಹಲಿಯಲ್ಲಿ ‘ಇಂಡಿಯನ್ ಆಯಿಲ್’ ಸಂಸ್ಥೆಯು ಗೃಹಬಳಕೆಯ ಎಲ್.ಪಿ.ಜಿ. ಸಿಲಿಂಡರ್ ಬೆಲೆಯನ್ನು ಶೇ. 7 ರಷ್ಟು ಹೆಚ್ಚಿಸಿದ್ದು, ಅದು 913 ರೂಪಾಯಿಗಳಿಗೆ ತಲುಪಿದೆ.