ಸಂಭಾಜಿನಗರ: ಅತಿಕ್ರಮಣ ತೆರವು ತಡೆದ ಎಐಎಂಐಎಂನ 10 ಮಾಜಿ ನಗರಸೇವಕರ ವಿರುದ್ಧ ಕೇಸ್.

(ಎ.ಐ.ಎಂ.ಐ.ಎಂ. ಎಂದರೆ ಆಲ್ ಇಂಡಿಯಾ ಮಜ್ಲಿಸ್-ಎ-ಇತ್ತೆಹಾದುಲ್ ಮುಸ್ಲಿಮೀನ್)

ಛತ್ರಪತಿ ಸಂಭಾಜಿನಗರ – ನಗರದ ಮುಸ್ಲಿಂ ಬಹುಸಂಖ್ಯಾತ ಶಹಗಂಜ್ ಪ್ರದೇಶದಲ್ಲಿ ಅತಿಕ್ರಮಣ ವಿರೋಧಿ ಕಾರ್ಯಾಚರಣೆಯ ವೇಳೆ ಮಹಾನಗರ ಪಾಲಿಕೆಯ ತಂಡಕ್ಕೆ “ಮಹಾನಗರ ಪಾಲಿಕೆ ಏನು ನಿಮ್ಮಪ್ಪನ ಆಸ್ತಿಯೇ?” ಎಂದು ಬೆದರಿಕೆ ಹಾಕಿ ಅವಾಚ್ಯ ಪದಗಳಿಂದ ನಿಂದಿಸಲಾಯಿತು. ವಿರೋಧ ಪಕ್ಷದ ನಾಯಕ ಅಬ್ದುಲ್ ಸಮೀರ್ ಸಾಜಿದ್ ಸೇರಿದಂತೆ ‘ಎ.ಐ.ಎಂ.ಐ.ಎಂ.’ನ 10 ನಗರಸೇವಕರು ಮತ್ತು 3 ಮಹಿಳಾ ನಗರಸೇವಕಿಯರ ಸಂಬಂಧಿಕರು ಈ ಪ್ರತಿರೋಧ ಒಡ್ಡಿದ್ದರು. ಇವರೊಂದಿಗೆ ವಿರೋಧ ವ್ಯಕ್ತಪಡಿಸಿದ 30 ರಿಂದ 40 ಜನರ ವಿರುದ್ಧ ಮಾರ್ಚ್ 1 ರಂದು ಪ್ರಕರಣ ದಾಖಲಿಸಲಾಗಿದೆ. ಉಪ ಆಯುಕ್ತ ಸವಿತಾ ಸೋನವಣೆ ನೀಡಿದ ದೂರಿನ ಆಧಾರದ ಮೇಲೆ ಪೊಲೀಸರು ಈ ಕ್ರಮ ಕೈಗೊಂಡಿದ್ದಾರೆ. ಈ ಪ್ರಕರಣದಿಂದಾಗಿ ಈಗ ಈ ನಗರಸೇವಕರ ಪದವಿ ಅಪಾಯದಲ್ಲಿದೆ.

ಏನಿದು ಘಟನೆ?

ಕೆಲವು ದಿನಗಳ ಹಿಂದೆ ಶಹಗಂಜ್ ಪ್ರದೇಶದಲ್ಲಿ ಅನಧಿಕೃತ ತಳ್ಳುಗಾಡಿ ನಡೆಸುವವರು ಗರ್ಭಿಣಿ ಮಹಿಳೆಯೊಬ್ಬರ ಮೇಲೆ ಹಲ್ಲೆ ನಡೆಸಿದ್ದರು. ಈ ಗೂಂಡಾಗಿರಿಯನ್ನು ತಡೆಯಲು ಮಹಾನಗರ ಪಾಲಿಕೆಯು ಫೆಬ್ರವರಿ 27 ರಂದು ದೊಡ್ಡ ಮಟ್ಟದ ಕಾರ್ಯಾಚರಣೆ ಹಮ್ಮಿಕೊಂಡಿತ್ತು; ಆದರೆ ಸಂಜೆ 5 ಗಂಟೆಗೆ ಅಬ್ದುಲ್ ಸಮೀರ್ ಸಾಜಿದ್ ನೇತೃತ್ವದ ನಗರಸೇವಕರ ತಂಡ ಅಲ್ಲಿಗೆ ಬಂದು ಕ್ರಮವನ್ನು ತಡೆದಿದೆ.

ಈ ಆಡಳಿತಾಧಿಕಾರಿಗಳನ್ನು ನಿಂದಿಸಿ ಹಲ್ಲೆ ನಡೆಸಲಾಗಿದೆ!

1. ಅತಿಕ್ರಮಣ ವಿರೋಧಿ ದಳದ ಉಪ ಆಯುಕ್ತ ಸವಿತಾ ಸೋನವಣೆ

2. ಮೇಲ್ವಿಚಾರಣಾ ಅಧಿಕಾರಿ ಸಂತೋಷ್ ವಾಹುಳೆ ಮತ್ತು ಇತರ ಸಿಬ್ಬಂದಿ

ನಗರಸೇವಕರು ಇವರೆಲ್ಲರಿಗೂ ಅಶ್ಲೀಲವಾಗಿ ಬೈಗುಳ ನೀಡಿದ್ದಾರೆ. ‘ಇಲ್ಲಿಂದ ಹೊರಟು ಹೋಗಿ’ (ಯಹಾಂ ಸೆ ನಿಕಲ್) ಎಂದು ಕಿರುಚುತ್ತಾ ದೂಡಿ, ತಂಡವನ್ನು ಅಲ್ಲಿಂದ ಓಡಿಸಿದ್ದಾರೆ. ನಗರಸೇವಕ ಫಿರೋಜ್ ಖಾನ್ ಈ ಘಟನೆಯ ವಿಡಿಯೋ ಮಾಡಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾರೆ. ಕಾನೂನು ಪಾಲಿಸುವ ಅಧಿಕಾರಿಗಳ ಪ್ರತಿಷ್ಠೆಗೆ ಧಕ್ಕೆ ತರಲು ಉದ್ದೇಶಪೂರ್ವಕವಾಗಿ ಈ ಪ್ರಯತ್ನ ಮಾಡಲಾಗಿದೆ ಎಂದು ದೂರಿನಲ್ಲಿ ತಿಳಿಸಲಾಗಿದೆ. (ಇಲ್ಲಿ ಪ್ರತಿಷ್ಠೆಗಿಂತ ಹೆಚ್ಚಾಗಿ ಅಧಿಕಾರಿಗಳು ಈ ವಿರೋಧಕ್ಕೆ ಬಗ್ಗದಿದ್ದರೆ, ಅವರ ಪ್ರಾಣಕ್ಕೇ ಅಪಾಯವಾಗುತ್ತಿತ್ತು ಎಂಬ ಅಂಶವನ್ನೂ ಗಮನಿಸಬೇಕು. ದೂರಿನಲ್ಲಿ ಇದನ್ನು ಉಲ್ಲೇಖಿಸಬೇಕಿತ್ತು! – ಸಂಪಾದಕರು)

ಪ್ರಕರಣ ದಾಖಲಾದ ನಗರಸೇವಕರು ಇವರು!

1. ವಿರೋಧ ಪಕ್ಷದ ನಾಯಕ ಅಬ್ದುಲ್ ಸಮೀರ್ ಸಾಜಿದ್

2. ನಗರಸೇವಕ ಸಯ್ಯದ್ ಉಸಾಮಾ ಅಬ್ದುಲ್ ಕದೀರ್

3. ನಗರಸೇವಕ ಕಾಕಾಸಾಹೇಬ್ ಕಾಕಡೆ

4. ನಗರಸೇವಕ ಅಕಿಲ್ ಅಹ್ಮದ್

5. ನಗರಸೇವಕ ಫಿರೋಜ್ ಖಾನ್

6. ನಗರಸೇವಕ ಮೆರಾಜ ಖಾನ್

7. ನಗರಸೇವಕ ಮಹಮ್ಮದ್ ವಾಜಿದ್ ಜಹಾಗೀರ್‌ದಾರ್

8. ನಗರಸೇವಕ ಸೋಹೇಲ್ ಖುರೇಷಿ

9. ನಗರಸೇವಕ ಮುನ್ಷಿ ಪಟೇಲ್

10. ನಗರಸೇವಕ ಮಹಮ್ಮದ್ ವಸೀಮ್