ವಿಶ್ವದ ಅತಿದೊಡ್ಡ ಯುರೇನಿಯಂ ಉತ್ಪಾದಕ ರಾಷ್ಟ್ರ ಕಜಕಸ್ತಾನದೊಂದಿಗೆ ಭಾರತದ ಒಪ್ಪಂದ! India Uranium Purchase

ನವದೆಹಲಿ – ವಿಶ್ವದ ಅತಿದೊಡ್ಡ ಯುರೇನಿಯಂ ಉತ್ಪಾದಕ ರಾಷ್ಟ್ರವಾದ ಕಜಕಸ್ತಾನವು ಭಾರತದೊಂದಿಗೆ ಮಹತ್ವದ ಒಪ್ಪಂದ ಮಾಡಿಕೊಂಡಿದೆ. ಭಾರತದ ಪರಮಾಣು ವಿದ್ಯುತ್ ಸ್ಥಾವರಗಳಿಗೆ ಕಜಕಸ್ತಾನವು ಯುರೇನಿಯಂ ಇಂಧನವನ್ನು ಪೂರೈಸಲಿದೆ. ಕಜಕಸ್ತಾನದ ಸರಕಾರಿ ಸ್ವಾಮ್ಯದ ಯುರೇನಿಯಂ ಸಂಸ್ಥೆ ‘ಕಾಜಾಟೋಮ್‌ಪ್ರಾಮ್’ (Kazatomprom) ಭಾರತದ ಪರಮಾಣು ಶಕ್ತಿ ಇಲಾಖೆಯೊಂದಿಗೆ ಮಾತುಕತೆ ನಡೆಸಿದ ನಂತರ ಈ ಘೋಷಣೆ ಮಾಡಿದೆ.

೧. ಮೂಲತಃ ಕಳೆದ ೬-೭ ವರ್ಷಗಳಿಂದ ಎರಡೂ ದೇಶಗಳ ನಡುವೆ ಯುರೇನಿಯಂ ಸಂಬಂಧಿತ ವ್ಯಾಪಾರವು ಸ್ಥಗಿತಗೊಂಡಿತ್ತು. ಯುರೇನಿಯಂ ಪೂರೈಕೆ ಒಪ್ಪಂದದ ಕುರಿತು ಮಾತುಕತೆಗಳು ನಡೆಯುತ್ತಿದ್ದವು.

೨. ಜನವರಿ ೨೦೦೯ರಲ್ಲಿ ‘ಕಾಜಾಟೋಮ್‌ಪ್ರಾಮ್’ ಸಂಸ್ಥೆಯು ಭಾರತಕ್ಕೆ ೨,೧೦೦ ಟನ್ ಯುರೇನಿಯಂ ಪೂರೈಸಲು ‘ನ್ಯೂಕ್ಲಿಯರ್ ಪವರ್ ಕಾರ್ಪೊರೇಷನ್ ಆಫ್ ಇಂಡಿಯಾ’ (NPCIL) ಜೊತೆಗೆ ಒಪ್ಪಂದ ಮಾಡಿಕೊಂಡಿತ್ತು. ಜುಲೈ ೨೦೧೫ರಲ್ಲಿ ಮುಂದಿನ ೪ ವರ್ಷಗಳಿಗಾಗಿ ೫,೦೦೦ ಟನ್ ಯುರೇನಿಯಂ ಪೂರೈಸುವ ಹೊಸ ಒಪ್ಪಂದವಾಗಿತ್ತು. ಆದರೆ ಕಳೆದ ೬-೭ ವರ್ಷಗಳಿಂದ ಈ ಒಪ್ಪಂದವು ಸ್ಥಗಿತಗೊಂಡಿತ್ತು.

ಭಾರತವು ಯುರೇನಿಯಂ ಅನ್ನು ಎಲ್ಲಿಂದ ಪಡೆಯುತ್ತದೆ?

ಪ್ರಸ್ತುತ ಭಾರತವು ಮುಖ್ಯವಾಗಿ ರಷ್ಯಾ, ಉಜ್ಬೇಕಿಸ್ತಾನ್, ಫ್ರಾನ್ಸ್ ಮತ್ತು ಕೆನಡಾ ಸೇರಿದಂತೆ ಇತರ ದೇಶಗಳಿಂದ ಯುರೇನಿಯಂ ಇಂಧನವನ್ನು ಆಮದು ಮಾಡಿಕೊಳ್ಳುತ್ತಿದೆ.