ಇಸ್ರೇಲ್‌: ನಮಾಜ್ ಮಾಡುತ್ತಿದ್ದ ಯುವಕನ ಮೇಲೆ ವಾಹನ ಹತ್ತಿಸಿದ ಸೈನಿಕ !

ಸೈನಿಕನ ಬಂಧನ!

ಟೆಲ್ ಅವೀವ್ (ಇಸ್ರೇಲ್) – ಇಸ್ರೇಲ್ ಮತ್ತು ಪ್ಯಾಲೆಸ್ತೀನ್ ನಡುವಿನ ವೆಸ್ಟ್ ಬ್ಯಾಂಕ್ ಪ್ರದೇಶದಲ್ಲಿ ರಸ್ತೆಯ ಬದಿಯಲ್ಲಿ ನಮಾಜ್ ಮಾಡುತ್ತಿದ್ದ ಪ್ಯಾಲೆಸ್ತೀನ್ ಯುವಕನ ಮೇಲೆ ಒಬ್ಬ ಇಸ್ರೇಲಿ ಮೀಸಲು ಪಡೆಯ ಸೈನಿಕನು ಉದ್ದೇಶಪೂರ್ವಕವಾಗಿ ನಾಲ್ಕು ಚಕ್ರದ ಎಟಿವಿ ವಾಹನವನ್ನು ಹತ್ತಿಸಿದನು. ಅಕಸ್ಮಾತ್ ಆದ ಡಿಕ್ಕಿಯಿಂದ ಆತ ಕೆಳಗೆ ಬಿದ್ದನು ಮತ್ತು ವಾಹನದ ಒಂದು ಭಾಗವು ಆತನ ದೇಹದ ಮೇಲೆ ಹಾದು ಹೋಯಿತು. ಅದೃಷ್ಟವಶಾತ್ ಯುವಕ ಪಾರಾದನು. ಯುವಕ ಆಕ್ಷೇಪಿಸಿದಾಗ, ಆತನನ್ನು ಗದರಿಸಿ ಓಡಿಸಲಾಯಿತು. ಈ ಘಟನೆಯ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಪ್ರಸಾರವಾಗಿದೆ.

ವಿಡಿಯೋ ಪ್ರಸಾರವಾದ ನಂತರ ಸೈನಿಕನನ್ನು ಬಂಧಿಸಿ ೫ ದಿನಗಳ ಕಾಲ ಜೈಲಿನಲ್ಲಿಡಲಾಯಿತು. ಈ ಹಿಂದೆಯೂ ಕೂಡ ಈ ಸೈನಿಕ ಗ್ರಾಮದಲ್ಲಿ ಗುಂಡು ಹಾರಿಸಿ ಭಯೋತ್ಪಾದನೆ ಹರಡಲು ಪ್ರಯತ್ನಿಸಿದ್ದಾನೆ ಎಂದು ಆರೋಪಿಸಲಾಗಿದೆ.