ಅಸ್ಸಾಂನಲ್ಲಿ ಪಾಕಿಸ್ತಾನಕ್ಕಾಗಿ ಗೂಢಚಾರಿಕೆ ಮಾಡುತ್ತಿದ್ದ ವಾಯುಪಡೆಯ ಮಾಜಿ ಅಧಿಕಾರಿಯ ಬಂಧನ – Ex-IAF Officer Pakistan Spy

ಗುವಾಹಟಿ (ಅಸ್ಸಾಂ) – ಪಾಕಿಸ್ತಾನಕ್ಕಾಗಿ ಗೂಢಚಾರಿಕೆ ನಡೆಸಿದ ಪ್ರಕರಣದಲ್ಲಿ ನಿವೃತ್ತ ವಾಯುಪಡೆಯ ಅಧಿಕಾರಿ ಕುಲೇಂದ್ರ ಶರ್ಮಾ ಅವರನ್ನು ಬಂಧಿಸಲಾಗಿದೆ. ಕುಲೇಂದ್ರ ಅವರು ಪಾಕಿಸ್ತಾನದ ಏಜೆಂಟನೊಂದಿಗೆ ಸಂಪರ್ಕದಲ್ಲಿದ್ದರು ಎಂಬ ಆರೋಪವಿದೆ. ಅವರು ಭಾರತೀಯ ಸೇನೆಗೆ ಸಂಬಂಧಿಸಿದ ಸೂಕ್ಷ್ಮ ಮಾಹಿತಿಯನ್ನು ಆ ಏಜೆಂಟನಿಗೆ ನೀಡುತ್ತಿದ್ದರು. ಅವರ ಮೊಬೈಲ್ ಮತ್ತು ಲ್ಯಾಪ್‌ಟಾಪ್‌ನಲ್ಲಿ ಸಂದೇಹಾಸ್ಪದ ಸಾಮಗ್ರಿಗಳು ದೊರೆತಿವೆ.

ಅರುಣಾಚಲ ಪ್ರದೇಶದಲ್ಲಿ ೨ ಶಂಕಿತರ ಬಂಧನ ಅರುಣಾಚಲ ಪ್ರದೇಶದ ರಾಜಧಾನಿ ಇಟಾನಗರದಲ್ಲಿ ಪೊಲೀಸರು ಗೂಢಚಾರಿಕೆಯ ಆರೋಪದ ಮೇಲೆ ೨ ಜನರನ್ನು ಬಂಧಿಸಿದ್ದಾರೆ. ಪಶ್ಚಿಮ ಸಿಯಾಂಗ್ ಜಿಲ್ಲೆಯ ಆಲೋದಿಂದ ಒಬ್ಬರನ್ನು ಮತ್ತು ಚಾಂಗ್‌ಲಾಂಗ್ ಜಿಲ್ಲೆಯ ಮಿಯಾವೊದಿಂದ ಇನ್ನೊಬ್ಬ ಗೂಢಚಾರನನ್ನು ಬಂಧಿಸಲಾಗಿದೆ. ಇವರಲ್ಲಿ ಒಬ್ಬರ ಗುರುತನ್ನು ಹಿಲಾಲ್ ಅಹ್ಮದ್ ಎಂದು ಪತ್ತೆಹಚ್ಚಲಾಗಿದೆ. ಅವರು ಜಮ್ಮು-ಕಾಶ್ಮೀರದ ಕುಪ್ವಾರಾ ಜಿಲ್ಲೆಯವರು. ಪೊಲೀಸರು ಎರಡನೆಯವರ ಹೆಸರನ್ನು ಹೇಳಿಲ್ಲ. ಹಿಲಾಲ್ ಅವರು ತಮ್ಮ ಸಹೋದ್ಯೋಗಿಗಳಿಗೆ ಭದ್ರತೆಗೆ ಸಂಬಂಧಿಸಿದ ಸೂಕ್ಷ್ಮ ಮಾಹಿತಿಯನ್ನು ಕಳುಹಿಸುತ್ತಿದ್ದರು.