ಸೂರತ್ (ಗುಜರಾತ್) ನಲ್ಲಿ ಆದಿವಾಸಿಗಳ ನೆಲದಲ್ಲಿ ಅನಧಿಕೃತ ಚರ್ಚ್ ನಿರ್ಮಾಣ! – Unauthorized Church Construction in Surat

ಮತಾಂತರದಿಂದ ಸಂಸ್ಕೃತಿ ನಾಶವಾಗುತ್ತಿದೆ ಎಂಬ ಗ್ರಾಮಸ್ಥರ ಅಳಲು

ಸೂರತ್ (ಗುಜರಾತ್) – ಉಮರಪಾಡಾ ಸಮೀಪದ ‘ಬಹಾರ್’ ಗ್ರಾಮದ ಆದಿವಾಸಿಗಳ ಜಮೀನಿನಲ್ಲಿ ಒಂದು ಅನಧಿಕೃತ ಚರ್ಚ್‌ನ ಕಟ್ಟಡ ಕಾಮಗಾರಿ ನಡೆಯುತ್ತಿರುವುದು ಬೆಳಕಿಗೆ ಬಂದಿದೆ. ಬಹಾರ್ ಗ್ರಾಮದ ಸ್ಥಳೀಯ ಹಿಂದೂಗಳು ಈ ಚರ್ಚು ನಿರ್ಮಾಣಕ್ಕೆ ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಈ ನಿರ್ಮಾಣಕ್ಕೆ ಯಾವುದೇ ಅನುಮತಿ ಪಡೆದಿಲ್ಲ ಎಂದು ಗ್ರಾಮಸ್ಥರು ಹೇಳಿದ್ದಾರೆ.

೧. ಆದಿವಾಸಿ ಸಮುದಾಯದ ಜನರ ಪ್ರಕಾರ, ಈ ಚರ್ಚ್‌ದಿಂದ ಆ ಪ್ರದೇಶದಲ್ಲಿ ಮತಾಂತರ ಚಟುವಟಿಕೆಗಳಿಗೆ ಚಾಲನೆ ಸಿಗುತ್ತಿದೆ. ಜನರಿಗೆ ಮತಾಂತರಕ್ಕೆ ಆಮಿಷ ತೋರಿಸಲಾಗುತ್ತಿದ್ದು, ಇದು ಸ್ಥಳೀಯರ ಸಾಂಪ್ರದಾಯಿಕ ಸಂಸ್ಕೃತಿ ಮತ್ತು ಆಚಾರ-ವಿಚಾರಗಳನ್ನು ನಾಶಪಡಿಸುವ ಒಂದು ಷಡ್ಯಂತ್ರದ ಭಾಗವಾಗಿದೆ.

೨. ಆದಿವಾಸಿ ಸಮುದಾಯದ ಓರ್ವ ಸದಸ್ಯರು, ‘ಆದಿವಾಸಿ ಸಮುದಾಯವು ಹಿಂದಿನಿಂದಲೂ ನಾಗದೇವ, ಗೋವಳದೇವ, ವಾಘದೇವ ಮತ್ತು ಇತರ ದೇವತೆಗಳನ್ನು ಪೂಜಿಸುತ್ತಿದೆ. ಈ ಆಚಾರ ಮತ್ತು ಸಂಪ್ರದಾಯವು ಅನಾದಿ ಕಾಲದಿಂದಲೂ ನಡೆದುಬಂದಿದೆ; ಆದರೆ ಈತ್ತಿಚಿನ ದಿನಗಳಲ್ಲಿ ಆದಿವಾಸಿ ಪ್ರದೇಶಗಳಲ್ಲಿ ದೊಡ್ಡ ಚರ್ಚ್‌ಗಳನ್ನು ನಿರ್ಮಿಸಲಾಗುತ್ತಿದೆ ಮತ್ತು ಪರವಾನಿಗೆ ಇಲ್ಲದೆ ಸಭೆಗಳನ್ನು ಏರ್ಪಡಿಸಲಾಗುತ್ತಿದೆ. ಮುಗ್ಧ ಆದಿವಾಸಿ ಜನರಿಗೆ ಆಮಿಷ ತೋರಿಸಿ ಮತಾಂತರ ಮಾಡಲಾಗುತ್ತಿದೆ. ಇದು ಆದಿವಾಸಿ ಸಂಸ್ಕೃತಿಯನ್ನು ನಾಶಪಡಿಸುವ ಉದ್ದೇಶದಿಂದ ಮಾಡಿರುವ ಪಿತೂರಿ ಆಗಿದೆ,’ ಎಂದು ಹೇಳಿದರು.

ಜವಾಬ್ದಾರ ಪಾದ್ರಿಯ ವಿರುದ್ಧ ಕ್ರಮ ಕೈಗೊಳ್ಳಲಿ! – ಗ್ರಾಮಸ್ಥರು

ಈ ಅನಧಿಕೃತ ಕಟ್ಟಡ ಕಾಮಗಾರಿಯಲ್ಲಿ ತೊಡಗಿರುವ ಕ್ರೈಸ್ತ ಸಂಘಟನೆಯ ಪಾದ್ರಿಯ ವಿರುದ್ಧ ಕ್ರಮ ಕೈಗೊಳ್ಳಬೇಕೆಂದು ಗ್ರಾಮಸ್ಥರು ಆಗ್ರಹಿಸಿದ್ದಾರೆ ಮತ್ತು ಈ ಕುರಿತು ಉಮರ್‌ಪಾಡಾದ ಸ್ಥಳೀಯ ಆಡಳಿತಕ್ಕೆ ಮನವಿ ಪತ್ರವನ್ನು ಸಲ್ಲಿಸಿದ್ದಾರೆ.