ನೇಪಾಳದ ಹೊಸ ೧೦೦ ರೂಪಾಯಿಯ ನೋಟ್ ಮೇಲಿನ ನಕ್ಷೆಯಲ್ಲಿ ಭಾರತದ ೩ ಭಾಗಗಳನ್ನು ತೋರಿಸಿದೆ !

ಭಾರತದಿಂದ ವಿರೋಧ

ಕಠ್ಮಂಡು (ನೇಪಾಳ) – ನೇಪಾಳವು ತನ್ನ ಹೊಸ ೧೦೦ ರೂಪಾಯಿ ನೋಟಿನ ಮೇಲೆ ದೇಶದ ನಕ್ಷೆಯನ್ನು ಮುದ್ರಿಸಿದೆ. ಆ ನಕ್ಷೆಯಲ್ಲಿ, ಲಿಪುಲೇಖ್, ಕಾಲಾಪಾನಿ ಮತ್ತು ಲಿಂಪಿಯಾಧುರಾ ಪ್ರದೇಶಗಳನ್ನು ನೇಪಾಳಕ್ಕೆ ಸೇರಿದ್ದು ಎಂದು ತೋರಿಸಲಾಗಿದೆ. ಆದರೆ ವಾಸ್ತವದಲ್ಲಿ ಈ ಮೂರೂ ಪ್ರದೇಶಗಳು ಭಾರತದ ಗಡಿಯೊಳಗೆ ಬರುತ್ತವೆ.
ಭಾರತದ ವಿದೇಶಾಂಗ ಸಚಿವಾಲಯವು ಇದರ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿ, ‘ಈ ರೀತಿಯ ಹೇಳಿಕೆಗಳಿಂದ ಸತ್ಯ ಬದಲಾಗುವುದಿಲ್ಲ. ನೇಪಾಳವು ಭಾರತದ ಸಾರ್ವಭೌಮತ್ವದ ಮತ್ತು ಪ್ರಾದೇಶಿಕ ಸಮಗ್ರತೆಯನ್ನು ಗೌರವಿಸಬೇಕು. ಇಂತಹ ಹಕ್ಕುಗಳು ದ್ವಿಪಕ್ಷೀಯ ಒಪ್ಪಂದಗಳನ್ನು ಉಲ್ಲಂಘಿಸುತ್ತವೆ. ನೇಪಾಳವು ಐತಿಹಾಸಿಕ ಸಂಗತಿಗಳನ್ನು ನಿರ್ಲಕ್ಷಿಸಿದೆ’ ಎಂದು ಹೇಳಿದೆ.

ನೇಪಾಳದ ಬ್ಯಾಂಕ್‌ನ ಹೇಳಿಕೆಯ ಪ್ರಕಾರ, ಹಳೆಯ ೧೦೦ ರೂಪಾಯಿ ನೋಟಿನ ಮೇಲೆಯೂ ನಕ್ಷೆ ಇತ್ತು, ಈಗ ಅದನ್ನು ಕೇವಲ ಸರಕಾರದ ನಿರ್ಧಾರದಂತೆ ‘ಪರಿಷ್ಕರಿಸಿ’ ಮುದ್ರಿಸಲಾಗಿದೆ ಎಂದಿದೆ.