ಬಡ್ನೇರಾ(ಅಮರಾವತಿ): ಹಿಂದೂ ಯುವಕನ ಹತ್ಯೆ: 9 ಆರೋಪಿಗಳ ಬಂಧನ!

ಭಾಜಪದ ಸಂಸದ ಅನಿಲ್ ಬೊಂಡೆ ಅವರಿಂದ ಪೊಲೀಸ್ ಠಾಣೆಯಲ್ಲಿ ಪ್ರತಿಭಟನೆ!

ಅಮರಾವತಿ – ಬಡ್ನೇರಾ ನಗರದಲ್ಲಿ ರಿಷಿ ಖಾಪೇಕರ್ (ವಯಸ್ಸು 27) ಎಂಬ ಯುವಕನನ್ನು ಕೊಲೆ ಮಾಡಲಾಗಿದೆ. ಈ ಪ್ರಕರಣದಲ್ಲಿ ಪೊಲೀಸರು ಶೇಖ್ ತೌಫಿಕ್ ಶೇಖ್ ಶಕೂರ್ (ವಯಸ್ಸು 21) ಸೇರಿದಂತೆ ಮೂವರು ಅಪ್ರಾಪ್ತ ವಯಸ್ಕ ಆರೋಪಿಗಳನ್ನು ವಶಕ್ಕೆ ಪಡೆದಿದ್ದರು. ಈಗ ಮತ್ತೆ ಐದು ಆರೋಪಿಗಳನ್ನು ಬಂಧಿಸಲಾಗಿದೆ. ಮೂವರು ಮಹಿಳಾ ಆರೋಪಿಗಳು ಸೇರಿದಂತೆ ಈಗ ಆರೋಪಿಗಳ ಸಂಖ್ಯೆ ಒಂಬತ್ತಕ್ಕೇರಿದೆ.

1. ರಿಷಿ ಖಾಪೇಕರ್ ಮತ್ತು ಶಕೂರ್ ರೈಲಿನಲ್ಲಿ ಕಡಲೆ-ಶೇಂಗಾ ಮಾರಾಟ ಮಾಡುವ ವ್ಯಾಪಾರ ಮಾಡುತ್ತಿದ್ದರು. ವ್ಯಾಪಾರಕ್ಕೆ ಸಂಬಂಧಿಸಿದಂತೆ ಅವರ ನಡುವೆ ಜಗಳವಾಗುತ್ತಿತ್ತು. ಆರೋಪಿ ತೌಫಿಕ್, ರಿಷಿಯನ್ನು ಚಾಕು ಮತ್ತು ದೊಣ್ಣೆಯಿಂದ ಹೊಡೆದು ತೀವ್ರವಾಗಿ ಗಾಯಗೊಳಿಸಿದ ನಂತರ ಆತ ಸಾವನ್ನಪ್ಪಿದನು.

2. ಭಾಜಪ ಸಂಸದ ಅನಿಲ್ ಬೊಂಡೆ ಅವರು ಬಡ್ನೇರಾ ಪೊಲೀಸ್ ಠಾಣೆಯಲ್ಲಿ ಪ್ರತಿಭಟನೆ ನಡೆಸಿ, ಆರೋಪಿಗಳನ್ನು ಬಂಧಿಸುವಂತೆ ಆಗ್ರಹಿಸಿದ್ದರು. “ಹನ್ನೆರಡು ಮುಸ್ಲಿಂ ಆರೋಪಿಗಳನ್ನು ಬಂಧಿಸುವವರೆಗೆ ಅಂತ್ಯಸಂಸ್ಕಾರ ನಡೆಯುವುದಿಲ್ಲ” ಎಂದು ಸಂಸದ ಅನಿಲ್ ಬೊಂಡೆ ಅವರು ಹೇಳಿದ್ದಾರೆ. ಅಲ್ಲದೇ, ಬಡ್ನೇರಾ ಪೊಲೀಸ್ ಠಾಣೆಯ ಠಾಣಾಧಿಕಾರಿ ಸುನಿಲ್ ಚವಾಣ್ ಅವರನ್ನು ಅಮಾನತುಗೊಳಿಸಬೇಕೆಂದು ಸಹ ಸಂಸದ ಬೊಂಡೆ ಈ ಸಂದರ್ಭದಲ್ಲಿ ಒತ್ತಾಯಿಸಿದ್ದಾರೆ.