ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ಮಾಲೆಗಾಂವ್: ಬಾಲಕಿಯ ಮೇಲೆ ಅತ್ಯಾಚಾರ ಪ್ರಕರಣ; ಪ್ರತಿಭಟನಕಾರರಿಂದ ನ್ಯಾಯಾಲಯದ ಪ್ರವೇಶ ದ್ವಾರ ಮುರಿದು ಒಳನುಗ್ಗಲು ಪ್ರಯತ್ನ Maharashtra Minor Rape Case

ಮಾಲೆಗಾಂವ್: ಬಾಲಕಿಯ ಮೇಲೆ ಅತ್ಯಾಚಾರ ಪ್ರಕರಣ; ಪ್ರತಿಭಟನಕಾರರಿಂದ ನ್ಯಾಯಾಲಯದ ಪ್ರವೇಶ ದ್ವಾರ ಮುರಿದು ಒಳನುಗ್ಗಲು ಪ್ರಯತ್ನ Maharashtra Minor Rape Case

ನ್ಯಾಯಾಲಯಕ್ಕೆ ಕರೆತಂದಿದ್ದ ಆರೋಪಿಯ ವಿರುದ್ಧ ಪ್ರತಿಭಟನಕಾರರ ಆಕ್ರೋಶ; ಪೊಲೀಸರಿಂದ ಸೌಮ್ಯ ಲಾಠಿ ಪ್ರಹಾರ

ನಾಶಿಕ – ಮಾಲೆಗಾಂವ್ ನಲ್ಲಿ 3 ವರ್ಷದ ಬಾಲಕಿಯ ಮೇಲೆ ಅತ್ಯಾಚಾರ ಮಾಡಿ ಆಕೆಯನ್ನು ನಿರ್ದಯವಾಗಿ ಹತ್ಯೆ ಮಾಡಲಾಗಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ವಿಜಯ ಖೈರನಾರ್ (ವಯಸ್ಸು24 ವರ್ಷ) ಎಂಬ ಶಂಕಿತ ಆರೋಪಿಯನ್ನು ಬಂಧಿಸಿದ್ದಾರೆ. ಆತನನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುತ್ತಿದೆಯೆಂದು ತಿಳಿದ ಕೂಡಲೇ ಪ್ರತಿಭಟನಕಾರರು ನೇರವಾಗಿ ಪ್ರವೇಶ ದ್ವಾರವನ್ನು ಮುರಿದು ನ್ಯಾಯಾಲಯದೊಳಗೆ ನುಗ್ಗಲು ಪ್ರಯತ್ನಿಸಿದರು. ಇದರಿಂದ ಪೊಲೀಸರು ಸೌಮ್ಯ ಲಾಠಿ ಪ್ರಹಾರ ಮಾಡಬೇಕಾಯಿತು. ಈ ಪ್ರತಿಭಟನಾಕಾರರ ಗುಂಪಿನಲ್ಲಿ ಮಹಿಳೆಯರು ಮತ್ತು ಯುವಕರು ಹೆಚ್ಚಿನ ಸಂಖ್ಯೆಯಲ್ಲಿದ್ದರು.

ಪೊಲೀಸರು ಹೆಚ್ಚುತ್ತಿರುವ ಜನಸಮೂಹವನ್ನು ಮನಗಂಡು ಆರೋಪಿಯನ್ನು ನ್ಯಾಯಾಲಯಕ್ಕೆ ಕರೆತರುವ ಕ್ರಮದಿಂದ ಹಿಂದೆ ಸರಿದರು ಮತ್ತು ವಿಚಾರಣೆಗಾಗಿ ‘ವೀಡಿಯೋ ಸಂವಾದ’ ವಿಧಾನವನ್ನು ಬಳಸಿಕೊಂಡರು. ಮಹಾರಾಷ್ಟ್ರ ರಾಜ್ಯ ಮಹಿಳಾ ಆಯೋಗದ ಅಧ್ಯಕ್ಷೆ ರೂಪಾಲಿ ಚಾಕಣಕರ ಅವರು ಮಾಧ್ಯಮಗಳೊಂದಿಗೆ ಮಾತನಾಡಿ, ಮಾಲೆಗಾಂವ್ ನ ಘಟನೆ ಅತ್ಯಂತ ದುರದೃಷ್ಟಕರವಾಗಿದೆ. ಈ ಪ್ರಕರಣದ ಆರೋಪಿಗೆ ಗಲ್ಲು ಶಿಕ್ಷೆಯಾಗಬೇಕು ಎಂದು ಆಗ್ರಹಿಸಿದ್ದಾರೆ.

ಸಂಪಾದಕೀಯ ನಿಲುವು

ಇದರಿಂದ ಇಂತಹ ಘಟನೆಗಳ ಬಗ್ಗೆ ಸಾರ್ವಜನಿಕರಲ್ಲಿ ಎಷ್ಟು ಆಕ್ರೋಶವಿದೆ ಎಂಬುದು ಸ್ಪಷ್ಟವಾಗುತ್ತದೆ

ಸಂಬಂಧಿತ ಲೇಖನಗಳು