ದೆಹಲಿ ಬಾಂಬ್ ಸ್ಪೋಟ ವರದಿಯ ಬೇಜವಾಬ್ದಾರಿತನ : ಕೇಂದ್ರದಿಂದ ಖಾಸಗಿ ವಾರ್ತಾವಾಹಿನಿಗಳಿಗೆ ಎಚ್ಚರಿಕೆ – Indian Government Warns News Channels

ಸೂಕ್ಷ್ಮ ಮತ್ತು ಪ್ರಚೋದನಕಾರಿ ವಿಷಯಗಳನ್ನು ಪ್ರಸಾರ ಮಾಡಬೇಡಿರಿ!

ನವ ದೆಹಲಿ – ದೆಹಲಿ ಬಾಂಬ್ ಸ್ಫೋಟದ ವರದಿ ಮಾಡುವಾಗ ನಿರ್ಲಕ್ಷ್ಯ ತೋರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ, ಕೇಂದ್ರ ಸರಕಾರವು ಖಾಸಗಿ ಸುದ್ದಿ ವಾಹಿನಿಗಳಿಗೆ, ‘ಸೂಕ್ಷ್ಮ ಮತ್ತು ಪ್ರಚೋದನಕಾರಿ ವಿಷಯಗಳನ್ನು ಪ್ರಸಾರ ಮಾಡಬೇಡಿರಿ’ ಎಂದು ಎಚ್ಚರಿಕೆ ನೀಡಿದೆ. ಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಈ ಕುರಿತು ಅಧಿಸೂಚನೆಯನ್ನು ಪ್ರಕಟಿಸಿದೆ. ಇದರಲ್ಲಿ, ಕೆಲವು ಮಾಧ್ಯಮಗಳು ಆರೋಪಿಗಳನ್ನು ತೋರಿಸಿದ ರೀತಿ ನೋಡಿದರೆ, ಅದು ಹಿಂಸಾಚಾರವನ್ನು ಬೆಂಬಲಿಸುವಂತೆ ಕಾಣುತ್ತಿತ್ತು. ಕೆಲವು ಸುದ್ದಿ ವಾಹಿನಿಗಳು, ‘ಸ್ಫೋಟಕ ವಸ್ತುಗಳನ್ನು ತಯಾರಿಸುವ ವಿಧಾನಗಳು’ ಎಂಬರ್ಥ ಬರುವಂತಹ ವಿಡಿಯೋಗಳು ಅಥವಾ ಮಾಹಿತಿಯನ್ನು ಪ್ರಸಾರ ಮಾಡುತ್ತವೆ. ಇದರಿಂದ ಅಜಾಗರೂಕತೆಯಿಂದ ಹಿಂಸಾಚಾರವು ಭುಗಿಲೇಳಬಹುದು, ಸಾರ್ವಜನಿಕ ಸುವ್ಯವಸ್ಥೆಗೆ ಧಕ್ಕೆಯಾಗಬಹುದು ಮತ್ತು ರಾಷ್ಟ್ರೀಯ ಭದ್ರತೆಗೆ ಅಪಾಯ ಒದಗಬಹುದು, ಎಂದು ತಿಳಿಸಲಾಗಿದೆ.