ಸಂಭಲ್‌ನಲ್ಲಿ ಉದ್ವಿಗ್ನ ಪರಿಸ್ಥಿತಿ: ಮಸೀದಿ ಪ್ರವೇಶಿಸಲು ಬಂದ ಪುರಾತತ್ವ ಇಲಾಖೆ ತಂಡಕ್ಕೆ ದಿಗ್ಬಂಧನ!

ವ್ಯವಸ್ಥಾಪಕ ಸಮಿತಿಯ ವಿರುದ್ಧ ದೂರು ದಾಖಲು!

ಸಂಭಲ್ (ಉತ್ತರ ಪ್ರದೇಶ) – ಇಲ್ಲಿನ ಜಾಮಾ (ಜಾಮಿಯಾ) ಮಸೀದಿಯ ವ್ಯವಸ್ಥಾಪಕ ಸಮಿತಿಯು ಇತ್ತೀಚೆಗೆ ಭಾರತೀಯ ಪುರಾತತ್ವ ಸರ್ವೇಕ್ಷಣಾ ಇಲಾಖೆ (ಎ.ಎಸ್.ಐ. – ಆರ್ಕಿಯಲಾಜಿಕಲ್ ಸರ್ವೆ ಆಫ್ ಇಂಡಿಯಾ) ತಂಡದೊಂದಿಗೆ ಅನುಚಿತವಾಗಿ ವರ್ತಿಸಿರುವುದು ಬೆಳಕಿಗೆ ಬಂದಿದೆ. ಎ.ಎಸ್.ಐ. ತಂಡವು ನಡೆಸುತ್ತಿದ್ದ ಪರಿಶೀಲನೆಯನ್ನು ತಡೆಯುವ ಉದ್ದೇಶದಿಂದ ಸಮಿತಿಯ ಸಿಬ್ಬಂದಿ ಉದ್ದೇಶಪೂರ್ವಕವಾಗಿ ಗಲಾಟೆ ಮಾಡಿದ್ದಾರೆಂದು ಆರೋಪಿಸಲಾಗಿದೆ. ಮಸೀದಿ ಸಮಿತಿಯ ಸಿಬ್ಬಂದಿಯಾದ ಹಾಫೀಜ್ ಮತ್ತು ಮೊಹಮ್ಮದ್ ಕಾಸಿಫ್ ಖಾನ್ ಅವರು ಪುರಾತತ್ವ ತಂಡಕ್ಕೆ ಮಸೀದಿಯ ಮುಖ್ಯ ಗುಮ್ಮಟದೊಳಗೆ ಪ್ರವೇಶಿಸುವುದನ್ನು ನಿರ್ಬಂಧಿಸಿದರು. ಈ ಕುರಿತು ಎ.ಎಸ್.ಐ.ಯ ಕಿರಿಯ ಇಂಜಿನಿಯರ್ ಅವರು ಸಂಭಲ್ ಸಾದರ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದರು. ಅಲ್ಲದೇ, ಸಂಪೂರ್ಣ ಪ್ರಕರಣದ ಮಾಹಿತಿಯನ್ನು ಜಿಲ್ಲಾಧಿಕಾರಿಗಳಿಗೂ ಲಿಖಿತ ರೂಪದಲ್ಲಿ ನೀಡಿದರು. ಈ ದೂರಿನ ಆಧಾರದ ಮೇಲೆ ಪೊಲೀಸರು ಮಸೀದಿ ವ್ಯವಸ್ಥಾಪಕ ಸಮಿತಿಯ ವಿರುದ್ಧ ದೂರು ದಾಖಲಿಸಿದ್ದಾರೆ. ಈ ಪ್ರಕರಣದ ಬಗ್ಗೆ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ.