ಗುಜರಿ ಮಾರಾಟ ಮಾಡಿ ೮೦೦ ಕೋಟಿ ರೂ. ಆದಾಯ ಗಳಿಸಿದ ಸರಕಾರ! Scrap Selling 800 Crore Revenue

ನವದೆಹಲಿ – ಸರಕಾರಿ ಕಚೇರಿಗಳಲ್ಲಿ ಅಕ್ಟೋಬರ್‌ನಿಂದ ಪ್ರಾರಂಭವಾದ ಸ್ವಚ್ಛತಾ ಅಭಿಯಾನದಲ್ಲಿ ಸರಕಾರಕ್ಕೆ ಗುಜರಿ ಮಾರಾಟದಿಂದ ೮೦೦ ಕೋಟಿ ರೂ.ಗಳಿಗಿಂತ ಹೆಚ್ಚು ಆದಾಯ ಬಂದಿದೆ. ಕಳೆದ ೫ ವರ್ಷಗಳಲ್ಲಿ, ಇಂತಹ ಅಭಿಯಾನಗಳಿಂದ ಸರಕಾರವು ಗುಜರಿ ಮಾರಾಟದಿಂದ ಒಟ್ಟು ೪ ಸಾವಿರದ ೧೦೦ ಕೋಟಿ ರೂ. ಗಳಿಸಿದೆ. ಈ ಮೊತ್ತವು ಒಂದು ದೊಡ್ಡ ಬಾಹ್ಯಾಕಾಶ ಯೋಜನೆ ಅಥವಾ ‘ಚಂದ್ರಯಾನ ಮಿಷನ್’ನ ಒಟ್ಟು ನಿಧಿಯಷ್ಟಿದೆ. (ಗುಜರಿ ಮಾರಾಟದಿಂದ ಹಣ ಗಳಿಸುವ ಏಕೈಕ ದೇಶ ಭಾರತ! ಇದು ಸ್ವಚ್ಛತೆಯ ಬಗ್ಗೆ ಭಾರತ ಎಷ್ಟೊಂದು ನಿರ್ಲಕ್ಷ್ಯ ವಹಿಸಿದೆ ಎಂಬುದನ್ನು ತೋರಿಸುತ್ತದೆ. ಮಹಾಶಕ್ತಿಯಾಗುವ ಕನಸು ಕಾಣುತ್ತಿರುವ ದೇಶಕ್ಕೆ ಇದು ನಾಚಿಕೆಗೇಡಿನ ಸಂಗತಿ! – ಸಂಪಾದಕರು)

ಕೇಂದ್ರ ಕಾರ್ಮಿಕ ಸಚಿವ ಜಿತೇಂದ್ರ ಸಿಂಗ್ ಅವರು, ಈ ಸ್ವಚ್ಛತಾ ಅಭಿಯಾನದ ಸಮಯದಲ್ಲಿ ಸರಕಾರಿ ಸಂಸ್ಥೆಗಳು ಮತ್ತು ಇಲಾಖೆಗಳು ೯ ಕೋಟಿ ೨೩ ಲಕ್ಷ ಚದರ ಅಡಿ ಜಾಗವನ್ನು ಮುಕ್ತಗೊಳಿಸಿವೆ. ೨೦೨೧ ರಲ್ಲಿ, ಸರಕಾರವು ಪ್ರತಿ ವರ್ಷ ಅಕ್ಟೋಬರ್ ೨ ರಿಂದ ಅಕ್ಟೋಬರ್ ೩೧ ರವರೆಗೆ ವಿಶೇಷ ಸ್ವಚ್ಛತಾ ಅಭಿಯಾನವನ್ನು ಪ್ರಾರಂಭಿಸಲು ನಿರ್ಧರಿಸಿತು ಎಂದು ತಿಳಿಸಿದರು. (ಸ್ವಚ್ಛತೆಗಾಗಿ ಅಭಿಯಾನವನ್ನು ನಡೆಸಬೇಕಾಗಿರುವುದು ಆಡಳಿತಕ್ಕೆ ನಾಚಿಕೆಗೇಡಿನ ಸಂಗತಿ! ಸ್ವಚ್ಛತೆಯು ಸೇವೆಯ ಒಂದು ಭಾಗವಾಗಿದೆ ಎಂದು ಸರಕಾರವು ಸರಕಾರಿ ನೌಕರರಿಗೆ ಯಾವಾಗ ಕಲಿಸುತ್ತದೆ? – ಸಂಪಾದಕರು)