ಚೀನಾದ ದೇವಸ್ಥಾನದಲ್ಲಿ ಭಕ್ತರು ದಾನ ಮಾಡಿದ ನಂತರ ದೇಣಿಗೆ ಪೆಟ್ಟಿಗೆಗೆ ಮೊಬೈಲ್ ಫೋನ್ ಅನ್ನು ಏಕೆ ಸ್ಪರ್ಶಿಸುತ್ತಿದ್ದಾರೆಂಬ ಆಶ್ಚರ್ಯಕರ ಸಂಗತಿ ಬಯಲು : China Temples Tradition

ಬೀಜಿಂಗ್ – ಚೀನಾದ ದೇವಸ್ಥಾನಗಳಲ್ಲಿ ‘ಕ್ಯೂಆರ್ ಕೋಡ್’ (ಆನ್‌ಲೈನ್ ಹಣ ವರ್ಗಾವಣೆ ಕೋಡ್) ಮೂಲಕ ದಾನ ಮಾಡಿದ ನಂತರ ಭಕ್ತರು ತಮ್ಮ ಮೊಬೈಲ್ ಫೋನ್‌ಗಳನ್ನು ಅಲ್ಲಿನ ದೇಣಿಗೆ ಪೆಟ್ಟಿಗೆಗೆ ಸ್ಪರ್ಶಿಸುತ್ತಿರುವ ಪ್ರಕರಣ ಬೆಳಕಿಗೆ ಬಂದಿದೆ. ಈ ಸಂಬಂಧದ ಒಂದು ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.

ಇತ್ತೀಚೆಗೆ ಪ್ರಪಂಚದಾದ್ಯಂತ ಬಹುತೇಕ ಎಲ್ಲ ದೇವಸ್ಥಾನಗಳಲ್ಲಿ ‘ಕ್ಯೂಆರ್ ಕೋಡ್’ (ಆನ್‌ಲೈನ್ ಹಣ ವರ್ಗಾವಣೆ ಕೋಡ್) ಮೂಲಕ ದಾನವನ್ನು ಸ್ವೀಕರಿಸಲಾಗುತ್ತದೆ. ಚೀನಾದಲ್ಲೂ ಈ ಪದ್ಧತಿ ಸಾಮಾನ್ಯವಾಗಿದೆ; ಆದರೆ ಚೀನಾದಲ್ಲಿ ಭಕ್ತರು ‘ಕ್ಯೂಆರ್ ಕೋಡ್’ ಸ್ಕ್ಯಾನ್ ಮಾಡಿ ದಾನ ನೀಡಿದ ನಂತರ ತಮ್ಮ ಮೊಬೈಲ್ ಫೋನ್‌ಗಳನ್ನು ದೇಣಿಗೆ ಪೆಟ್ಟಿಗೆಗೆ ಲಘುವಾಗಿ ಸ್ಪರ್ಶಿಸುತ್ತಾರೆ. ಅನೇಕ ಭಕ್ತರು ತಮ್ಮ ಮೊಬೈಲ್ ಫೋನ್‌ಗಳ ಮೇಲೆ ಧೂಪ ಮತ್ತು ಊದಬತ್ತಿಯನ್ನು ಬೆಳಗುವುದು ಕಂಡುಬರುತ್ತದೆ. ‘ಹೀಗೆ ಮಾಡುವುದರಿಂದ ದೇವರು ದಾನವನ್ನು ಸ್ವೀಕರಿಸುತ್ತಾನೆ ಮತ್ತು ಆಶೀರ್ವಾದವನ್ನೂ ನೀಡುತ್ತಾನೆ’ ಎಂಬುದು ಅವರ ನಂಬಿಕೆಯಾಗಿದೆ.