ಮಹಿಳಾ ಶಾಖೆಯ ಹೆಸರಿನಲ್ಲಿ 1 ಸಾವಿರದ 500 ಭಯೋತ್ಪಾದಕರನ್ನು ನೇಮಕಾತಿ ಮಾಡಿದ ಜೈಶ್-ಎ-ಮೊಹಮ್ಮದ್‌!

100 ಕೋಟಿ ರೂಪಾಯಿ ದೇಣಿಗಿ ಸಂಗ್ರಹ!

ಇಸ್ಲಾಮಾಬಾದ್ (ಪಾಕಿಸ್ತಾನ) – ಪಾಕಿಸ್ತಾನದ ಭಯೋತ್ಪಾದಕ ಸಂಘಟನೆ ಜೈಶ್-ಎ-ಮೊಹಮ್ಮದ್ ತನ್ನ ಮೊದಲ ಮಹಿಳಾ ವಿಭಾಗವಾದ ‘ಜಮಾತ್-ಉಲ್-ಮೊಮಿನಾತ್’ ಅನ್ನು ಪ್ರಾರಂಭಿಸಿದೆ. ಈ ವಿಭಾಗದಲ್ಲಿ ಅಕ್ಟೋಬರ್ 8 ರಿಂದ ನೇಮಕಾತಿ ಪ್ರಾರಂಭವಾಗಿದೆ. ಆನ್‌ಲೈನ್ ನೇಮಕಾತಿ ಪ್ರಕ್ರಿಯೆಯ ಹೆಸರಿನಲ್ಲಿ, ಯುವ ಭಯೋತ್ಪಾದಕರನ್ನು ವಾಸ್ತವವಾಗಿ ಸಂಘಟನೆಗೆ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಇಲ್ಲಿಯವರೆಗೆ, ಪಂಜಾಬ್ ಮತ್ತು ಸಿಂಧ್ ಪ್ರಾಂತ್ಯಗಳಿಂದ ಸುಮಾರು 1,500 ಭಯೋತ್ಪಾದಕರನ್ನು ನೇಮಕ ಮಾಡಿಕೊಳ್ಳಲಾಗಿದೆ. ಇದರ ಜೊತೆಗೆ, ಪಾಕಿಸ್ತಾನದ ನಗರಗಳಲ್ಲಿ ಕಾರ್ಯನಿರ್ವಹಿಸುತ್ತಿರುವ ಜೈಶ್‌ನ ಮದರಸಾಗಳು ಮತ್ತು ಮಸೀದಿಗಳಿಂದ ಸುಮಾರು 1 ಬಿಲಿಯನ್ ಪಾಕಿಸ್ತಾನಿ ರೂಪಾಯಿಗಳ ದೇಣಿಗೆಯನ್ನು ಸಂಗ್ರಹಿಸಲಾಗಿದೆ. ನೇಮಕಾತಿಯ ಹೆಸರಿನಲ್ಲಿ ಜೈಶ್ ನಿಧಿಯನ್ನು ಸಂಗ್ರಹಿಸುತ್ತಿದೆ. ಮುಂದಿನ ತಿಂಗಳು ಪಾಕಿಸ್ತಾನದ ನಗರಗಳಲ್ಲಿ 100ಕ್ಕೂ ಹೆಚ್ಚು ಮರ್ಕಜ್‌ಗಳನ್ನು (ಪರಿಷತ್ತುಗಳು) ಆಯೋಜಿಸಲು ಜೈಶ್ ನಿರ್ಧರಿಸಿದೆ. ಜೈಶ್‌ನ ‘ಆನ್‌ಲೈನ್’ ಮತ್ತು ‘ಆಫ್‌ಲೈನ್’ ತರಬೇತಿಗಳಲ್ಲಿ ಗ್ರಾಮೀಣ ಪ್ರದೇಶದ ಯುವಕರ ಮನಸ್ಸು ಬದಲಾಯಿಸುವುದು ಮತ್ತು ಅವರನ್ನು ಮೂಲಭೂತವಾದಿ ಧಾರ್ಮಿಕ ಸಿದ್ಧಾಂತದೆಡೆ ತಳ್ಳುವುದು ಒಳಗೊಂಡಿದೆ, ಈ ಯೋಜನೆಯಿಂದಾಗಿ ಜೈಶ್‌ಗಾಗಿ ಆತ್ಮಹತ್ಯಾ ದಳಗಳನ್ನು ಸಿದ್ಧಪಡಿಸಲಾಗುವುದು.

‘ಎಫ್‌ಎಟಿಎ’ (‘ಹಣಕಾಸು ಕ್ರಿಯಾ ಕಾರ್ಯಪಡೆ’) ತಪ್ಪಿಸಲು ಜೈಶ್‌ನಿಂದ ನಕಲಿ ನೇಮಕಾತಿ ಅಭಿಯಾನ!

ಭಯೋತ್ಪಾದಕ ಸಂಘಟನೆಗಳ ವಿರುದ್ಧ ಕ್ರಮ ಕೈಗೊಂಡರೆ ಮಾತ್ರ ಪಾಕಿಸ್ತಾನಕ್ಕೆ ‘ಫೈನಾನ್ಷಿಯಲ್ ಆಕ್ಷನ್ ಟಾಸ್ಕ್ ಫೋರ್ಸ್’ (‘ಎಫ್‌ಎಟಿಎ’) ನಿಂದ ಶತಕೋಟಿ ಡಾಲರ್‌ಗಳ ಸಹಾಯ ಲಭ್ಯವಾಗುತ್ತದೆ. ಪಾಕಿಸ್ತಾನ ಸರಕಾರವನ್ನು ‘ಎಫ್‌ಎಟಿಎ’ ಯಿಂದ ಉಳಿಸಲು ಜೈಶ್ ನಕಲಿ ನೇಮಕಾತಿ ಅಭಿಯಾನವನ್ನು ಪ್ರಾರಂಭಿಸಿದೆ, ಈ ಮೂಲಕ ಪಾಕಿಸ್ತಾನ ಸರಕಾರವು ಧಾರ್ಮಿಕ ಶಿಕ್ಷಣಕ್ಕಾಗಿ ಈ ನೇಮಕಾತಿ ಮಾಡಲಾಗುತ್ತಿದೆ ಎಂದು ‘ಎಫ್‌ಎಟಿಎ’ಗೆ ಹೇಳಬಹುದು.